قــصــة ولآدتي لاتطووووووفكم:p

السلام عليكم و رحمة الله و بركاته،،،

اشتقت لكم واشتقت للمنتدى واشتقت لتجمع حوامل شهر4 2013

والحين رجعت اقول لكم تجربتي وقصة ولادتي و اسمحوا لي صج تأخرت بس مو بيدي انشغلت بالبييي والدوام والمسؤوليات




الله يسلمكم انا من دشيت التاسع مافي أي بوادر كلشششش :(

وكل مراجعه لدكتورتي تقول لي كثري مشي و اناناس و دارسين يالله نبي البيبي ينزل للحوض وماكو فايده لين صرت ثاني اسبوع من التاسع قالت بفحصج لان الفحص ممكن يوسع ويساعد عالولاده قلت فحص لااااا يمه مابي طبعا لأني بجر وسامعه من اللي ولدو قبلي ان الفحص يذبح و امي تقول لي مالج شغل بالدكتوره لاتفحصين الحين خليها بعدين شحقه تولدج مبجر ومن هالكلام لين صرت ثالث اسبوع من التاسع زفتني الدكتوره و زوجي زفني قال لازم تفحصج لمصلحتج وختشوف الراس نازل الحوض ولالا مايبين بالسونار بالفحص افضل و وافقت وسويت مناحه هههههههه تشنجت وشديت جسمي وكل مابغت تدخل ايدها رفست برجولي وصراخ لين زهقت الدكتوره وعصب زوجي قالت تبين زوجج يجي جنبنج كان بيني وبينه ستاره قلت اي لازم امسك ايد احد يمكن شوي اهدا وهم ماكو فايده صراخ و تشنجت لين رفستها بالغلط وقالت لا خلاص مش آدره افصحك انا مش عارفه انتي ازاي هتولدي هههههه وتقول لي جدام زوجي والله الله يكون بعون قوزك طبعا بعد كل هالزف سألتها دكتوره جم سانتي قالت واللهي وبتسألي كمان قالت كلش ماقدرت اشوف جم سانتي بس الراس الحمدلله نازل نص الحوض يالله شدي حيلج وكثري مشي وكنت بشكل شبه يومي امشي مع زوجي بطريق المشاة ومن الثقل والتعب اوقف زوجي يغصبني اكمل



وماكو فايده ماجتني اي بوادر لين قالت لي الدكتوره اشربي خروع وشربته حسيت مثل النقزات السجاجين برحمي كل ربع ساعه تقريبا قلت بس هذي الطلوق اللي يقولون عنها هههههه لاني دكتورتي شرحت لي الطلوق ان الالم يكون منتظم و اتصل على زوجي كان وقتها بالبر ويجيني طاير و قال لي بوديج اقرب مستشفى يفحصونج اذا طلع ولاده اوديج رويال حياة قالت لالالالالا ماااابي ابي رويال واتصل على دكتورتي مع ان الوقت متاخر الله يجزاها خير ردت وقالت لي روحي للطوارىء اذا مفتوحه 3سانتي وفوق اجيج وانا راح اوصي عليج الدكتوره اللي هناك و رحت ولا دكتوره باكستانيه اتوقع معصبه و بطت جبدي شافتني خايفه قامت تزف قالت لي شوفي انا بفحصج وياويلج ان تحركتي لان ايدي مكسوره من قبل قلت والله عاد لاتعوريني

وبدت تفحصني صارخت شوي جان تطلع وتقول لالا ماني فاحصتج قلت لا تكفييين انا متعنيه بشوف ولاده ولالا وسوو لي تخطيط معاي طلوق خفيفه وفحصتني غمضت عيوني وتحملت ولا ذاك الالم الفضيع ايدها ثقيله وقعدت اصارخ حتى زوجي برا معاه رياجيل كلهم سمعوني


وقالت انتي 1 سانتي مطوله ردي البيت مافي ولاده يبي لج اسبوع عشان تولدين قلت لها لااا دكتوره هذا اخر اسبوع لي خلاص قالت خلاص باجر راجعي دكتورتج و طلعت واتصلت فيني دكتورتي قالت هاه يا الكادي طلع بلاغ كاذب مافيش ولاده يالله شدي حيلك امشي كتيرررر يا الكادي دنتي خلاص اخر التاسع مش عايزين نلجأ للطلق الصناعي

و جيتها ثاني يوم ولا تسوي لي سونار قالت شووووفي بسببج انتي ماخليتنا نفحص ونوسع شوفي المشيمه تكلست وشاخت خلاص ماراح تغذي البيبي عدل يالله يومين وتعالي دخول نولدج طلق صناعي و زوجي قعد يسألها عن الطلق الصناعي و خطورته ومضاعفاته والسسترات يسوون لي التخطيط قعدت ابجي وجتني ضيقه حسيت خلاص تعبت ودي اولد وخفت حيل عالبيبي من المشيمه جان يجوني السسترات يهدوني ويعطوني كلينكس ويشربوني عصير هنديات دايما حنونات اكثررر وحددت الدكتوره اجيها بتاريخ 1/1


جنطتي كنت مزهبتها وخالصه من دشيت التاسع حاطتها بسيارة زوجي

وقمت الصبح تاريخ 1/1 اتصلت على دكتورتي قلت هاه دكتوره اجي قالت يا لهووووووي الكادي انتي لسه بتتكلمي ما ولدتيش ههههههه


قالت بصي يا الكادي النهاره ده لان تاريخ مميز واللي يولدون قيصري كلهم حاجزين ولاده بهالتاريخ و زحمه عندنا عشان تجين تلقين غرفة ولاده وسسترات يهتمون فيج خليها بكره الصبح الساعه9 تعالي


قلت بقلبي سبحان الله ،، الله مو كاتب اليوم اولد وكلمتني اختي قالت روحي العطار اشتري حلتيت وشميها كل شوي شميها يقولون تفتح الرحم وتجيب الطلوق



وبالليل صار جماع احم احم ومن بعده وانا اشمممم بالحلتيت لين دخت من ريحته تصك الراس ونمت
قعدت الصبح ولا عواااااااار مثل عوار الدوره ظهري و رحمي و صوب خصري كله يعورني بس محتمل تريقت مع زوجي وانا قلبي دومبك دووووم احس يرقص من الخوف و بالسياره في طريقي للمستشفى زاااااد الالم اتصلت عالدكتوره قلت لها دكتووره فيه ألم قالت كووووويس برافووو يمكن ماتحتاجين طلق صناعي و اروح للطوارىء وجتني دكتوره لبنانيه تهبل متحجبه وضعيفه فحصتني واااااو ياحلوووو الفحص ماحسيت فيها كلش تسولف معاي وتطمني وتسألني وقالت انتي 3 سانتيي يالله ولاده شنو تبين ابرة ظهر ولا كمام قلت ابي ابرة ظهرررر اعرف نفسي مااتحمل حتى فحص و رحت مشي دخلوني جناح الولاده خاص فيني كبير فيه تلفزيون و قنفات و الحمام داخل و دريشه كبير الفيو مطل عالشارع يعني شرحه و طلبت ان زوجي يدش معاي قالو اوكي مافي اي مشاكل بس حدج شخصين يدشون قلت لا بس زوجي يمكن امي تجي لا ولدت بس ماتبي تخاف وراعية ضغط ماتتحمل حبيبتي



المهم دشيت من 10 الصبح جتني السستر بدلتني و عطتني الحقنه الشرجيه يمه جنه منشار يعور حار و بعدها زوجي قال لا نبي دكتوره تعطيها ابرة الظهر قالو مافي الا دكتور الدكتوره مو مداومه اليوم وجا الدكتور غطوني ولبست شيلتي بس طلعو جزء صغير من ظهري وحط رش تخدير وقزني الابره ماتعور قرصه صغيره بس وقال لي تحسين بتنميل بجسمج قلت اي وقال ماراح تحسين بأي ألم مجرد شد بسيط عند الفحص


عالساعه12 فحصتني دكتوره مااعرفها قالت 4 سانتي


جتني دكتورتي بعدها بساعه قالت5 سانتي ووسعتني و بطت الماي وقالت الله يسامحج شوفي الماي قليل اللي طلع لانج دشيتي العاشر خلاص

وكل شوي يفحصوني الحمدلله قاعده ازيد زوجي راح الكوفي تحت عالمغرب جذي جتني دكتورتي وفحصتني قالت 9 سانتي وشفتها تكلم السسترات بحده وتقول خلوها تدفع معاكم اتصلت بزوجي قلت تعال خايفه بولد


جتني الدكتوره مره ثانيه حسيتها موفاهمه شي قاعده تقول لي ادفعي الله اكبر الله اكبر عبالي بولد وادفع لين احس روحي بتطلع ماكو فايده شوي ولا احس ألم فضيع فضيع بدون تدرجات فجأه جذي صوب الكلى احس بتنفجر من الالم واقط حبل التخطيط اللي صوب خصري واصارخ تكفووووون الم الم بموت منه وابجييي و زوجي يهديني وحسيت السستر تطالع وراي تشوف ابرة الظهر وتقص علي تقول فيه فيه اقوووول لها لااااا انا دافعه ابرة ظهرررر ويييييين زيدووووهااااا واصاااارخ اصااااارخ ودمووووع وقمت ألف وجهي يمين ويسار مثل المجنونه وقسم بالله ألم ماشفته بحياتي والدكتوره تقول لي قولي لا اله الا الله اذكري الله لين فجأه حسيت مثل الماي البارد يمشي بظهري طلع السستر زادت ابرة الظهر لانها كانت خالصه حتى زوجي بعد الولاده قال لي ترا انا اشوف المحلول بالابره خالص بس ماحبيت اخرعج. بعدها والله ابي انااااااام دخت من الصراخ بس مااقدرت انام هذا اللي موحلو بإبرة الظهر تكونين واعيه معاهم. المهم البيبي طول ببطني مو راضي يطلع جت الدكتوره حطت كشافات ورفعت سريري وقامت تصارخ عالسسترات وحطت جهاز الشفط وماكو فايده هني خلاص انا احس ضغط فضيع تحت قلت للدكتوره خلاص تعبت واقعد ادعي واذكر الله لين قامت الدكتوره تصارخ عالسسترات كووول دكتوره خالده قلت بس الظاهر البيبي في شي


قامو يتراكضون وجتني دكتوره ثانيه مناوبه وجت بعدها الدكتوره خالده الله يجزاها ألف خير تخيلو الساعه 10 بالليل للحين ماولدت مع ان من المغرب 10 سانتي جان تضغط على بطني حيييييييل والله حسيت انها شلعت قلبي صارخت من قمة راااااااسي قالت ليش تصارخين قولي يا الله وفعلا يا الله حزتها الوحده تحس فعلا بعظمة ربها وانها محتاجه رحمته ضغطه ضغطتين وكأنها تدز البيبي تحت حيييل قالو لي الكادي اددددفعي ادفعي ادفعي جان اددددفع بكل ما اوتيت من قوه بعدها اغمى علي مااحس بشي بس الي اتذكره ان شفت رجل بنتي فديتها صغنونه حطوها عند صدري و زوجي يقول سمعتهم يقولون مبروك مبروك بغيت افتح الستاره لان كان بيني وبينه ستاره وعطوه البنوته يقول له مو مصدق قاعد اطالعها اقول انا صرت اب 😂😂 المهم انا وقتها للحين مااحس بنفسي فجاه قعدت على واير حاطينه بخشمي اكسجين ولا احس عرووووق راسي تنبض من الالم واصارخ راااااسي لحقووووو علي واطالع ولا الدكتوره خالده ودكتورتي ودكتوره ثالثه قاعده تخيطني واحس تحت صوب الرحمه شد فضيييييييع قلت لهم وخروووو بزوووووع ههههههههه حسيت بشعور ترجيع مع الم فضيع بالراس والدكتوره تقول للسستر شوفيها بترجع جان اقول لالالا مابي ازوع خلاص وطولت حيل وهي تخيط والدكتوره خالده كانت تضغط على رحمي تنظفه ويعووووور ااااه وتقول لي خلاص بس ولدتي لاتصارخين جان اقول شفيني قالت مافيج الا العافيه قلت لها طلعتو المشيمه قالت وييييي طلعناها خلاص تسلم عليج و راحت بيتها وباركت لزوجي قالت مبروك عليكم زمبوط النقعه هههههه ياحلوها النتفه صج شعور حلو جابوها لي وحبيتها وكانت تخزني العوبه بعويناتها وبعدها زوجي قام يدق على اهلي واهله ويبشرهم وجت امي وخواتي وبس شفت امي قعدت ابجي حييييل وامي تمسح دموعي وتحمد لي بالسلامه ،،وحجزت جناح كاميليا وسويت استقبال روعه الكل يمدحه بس الشي الغلط اني كنت تعبانه وماحسبت حساب لهالشي عبالي بعد الولاده خلاص ينتهي الالم كنت مااقدر امشي من الدوخه كل شوي اقوم واسمع صوووت دقات قلبي يوصل لي اذني واطيح والسستر تكب علي ماي كنت ناويه اتسبح ويسوون شعري استشوار بس ماقدرت لان بالحمام ثنتين ماسكيني ويالله يالله اوقف ولمن شفت وجهي بمنطرة الحمام تخرعت وااااي يمه شنوو هذا وجهي منتفخ حييييييل لدرجه فجوني من الانتفاخ سكرت على عيني هذا ماي الحمل زاد بعد الولاده طبعا رجوووولي مع اني ضعيفه صارت رجول عملاق كلها ماي ماكو ولا جوتي قدي والخياط اه يالخياط كل شوي اطلب تخدير تحميله مخدره عشان انام مو قادره انام من الالم والدكتوره شافتني تعبانه قالت احجزي يوم زياده لان ولادتج كانت متعسره وترا شفطنا البيبي لان بنتج كانت رافعه راسها وقت الولاده ومادري حسيتها تبي ترقع لنفسها لان الدكتوره خالده جت خلال دقيقه طلعت البيبي المهم ثالث يوم وانا والله يشهد علي مو قادره اوقف بروحي يختل توازني جان تجيني استشاريه وتفتح عيوني قالت للسستر بسرعه سووا لها فحص دم بنشوف نسبة الدم ويا بنات لاتغلطون غلطتي ضروري اذا بعد الولاده بيوم تطلبون فحص نسبة الدم لان مع الولاده تفقدون دم واجد ولمن سووا لي طلع 5 حيل ناقص لازم 9 وفوق قالو هذا سبب الدوخه و يعطوني كيس دم ومغذي حديد ب150 دينار طبعا رويال اسعارهم صلخ وقالو بنحسب لكم يوم زياده قال لهم زوجي انزين ماعندكم غرف ملاحظه لان احنا بنطلع بس بتاخذ كيس الدم حرام تحسبون يوم كامل عشان ساعه قالو لا مافي وطلعت بيتنا واوووف والله اول اسبوعين مااستقبلت احد وبنتي مو قادره اشيلها من التعب كله ابجي من خياطي وموقادره لا اقعد ولا انام ولا امشي رحت لمستشفى ثلاث مرات ومابقى علاج ماحطيته لين رحت لدكتورتي وشالت الغرز وقالت لي الخياط مضبوط مو ملتهب بس لان مخيطينج ثلاث غرز يعورج لانه مشدود بس شلتهم لي ثالث يوم حسيت بالحياة ياربي لك الحمد كنت عايشه عالمسكنات والله ،، والحين انشغلت بقلبي بنوتي صج الامومه شعور حلو الله يرزق جميع المسلمات يارب والحين مو مفكره احمل من التعب اللي شفته لين تكبر بنووووتي و آسفه عالاطاله