لكن بعد ياكثر من هو يبيني = ويموت فيني موت ويصايح صياح !!
[poem=font="MS Dialog,5,darkblue,bold,normal" bkcolor="transparent" bkimage="backgrounds/49.gif" border="none,4,gray" type=0 line=0 align=center use=sp num="0,black"]
إن كان عندك نيةٍ تتركيني = قولي عشان أريّحك وايضا أرتاح
واودِّعِك لو هو بإشارة يديني = وارحل مهاجر بالمسافات سواح
قولي عشان أكتم دموعي بعيني = الدمع قبلك من عيوني فلا طاح
يابنت يابنت العرب ساعديني = من يوم شفتك ماتهنيت بأفراح
أسهر مع اللوعة واسامر ونيني = ونين عودٍ من جفا ( عييِّله ) ناح
يقضي رذيل العمر تاه حزيني = مليان قلبه شك وهموم وجْراح
قولي تعال أبيك تملا سنيني = أجيك لو دونك مغاوير ورماح
تعجبك في يوم التلاقي يميني = تراي من قومٍ يبيعون الأرواح
مرة أبي تنخين واتجرِّبيني = لاتتركيني تايهٍ وسط الأشباح
ترى الصراحة رايعة صارحيني = يابنت أنا بالحب ماني بمزاح
صحيح حبيتك وقلبي رهيني = فعيونك اللي سهمها حيل ذباح
ويزيد لملامس يدينك حنيني = واذكر خدودك كل مابارق لاح
وانا بمبسمك المعسل سجيني = ومن غيرك أنسى كان من حولي أفراح
لكن بعد ياكثر من هو يبيني = ويموت فيني موت ويصايح صياح
ياليت لو هي مرةٍ تفهميني = عشق النقا يابنت ماهو بفضّاح
شعر \ حمدان بن سالم[/poem]
