بلييييييييييييييز أدعمووهم !

السلام عليكم ورحمة الله وبركاته

أوزيا البرازيلي ، مانغان السنغالي ، ديجاو البرازيلي ، كواك الكوري .
كل هذي أسماء أجنبية جائت لتعوض الهلال رحيل هوساوي !

فطبيعي جداً نشوف الأقلام الزرقاء تخترع قصص عن ( ولدنا ) أسامة تحاول فيها تخريب صورته قدام جمهورنا الغالي ( وهذا بعيد عن شنباتهم ) ، ولكن الغير طبيعي هو تماشي بعض من جمهورنا العزيز مع مثل هذي الشائعات، لدرجة إني شفت موضوع يقول صاحبه فيه، أتمنى الإدارة تبيع عقد اللاعب بسعر مناسب وتستفيد من المبلغ في توفير اللاعب الأفضل إذا كان أسامة ما يبغانا !!!! بس الحمد لله موضوع أسامة اتقفل في وجيههم واللاعب باقي بإذن الله في أهلينا .

نجي دحين لهدفهم الثاني ، عبدالله المعيوف
لاعبهم اللي كان عندهم وفرطوا فيه ودحين يعضوا أصابعهم ندم وهم يشوفوه يتألق معانا ، ويخليهم بعد توفيق الله سبحانه وتعالى خلفنا في ترتيب الأقوى دفاعياً .
السبيعي وشيعان والسديري وقبلهم شراحيلي ، كل هذي الأسماء عندهم وبرضو عينهم على المعيوف (ولدنا)، نازلين عليه تقليل من إمكانياته وتحبيط من همته وهذا شي طبيعي من أقلامهم الزرقا ، ولكن الغير طبيعي هو موافقة بعض جمهورنا الغالي لأرائهم وفتح مواضيع تقلل من إمكانيات المعيوف ، هذا وهو حارسنا الأساسي واللي صرنا نعتمد عليه بعد الله في كل المسابقات اللي نشارك فيها !!!

معروف عن أهلينا بأن جمهوره هو صاحب الصوت الأعلى في النادي وهو المدافع الأول والأقوى لمكتسباته وحقوقه ، نبغى نثبت هذا الشي بوقوفنا مع أسامه والمعيوف وكل من يتم التطاول عليهم من خارج قلعتنا .