اعتقد هذا اول موضوع لي مسجله في المنتدى من سنتين ونسيت الرقم السري تبعه وعندي مشكلة متعلقة باخوي وزوجته ومن زمان ابي اطرحها هنا لاني ابي مشورتكم واليوم ادخل الرقم ونجح معاي الحمد الله
باقولكم بداية القصة انا اخوي هو الوحيد لنا عمره 29 طلب منا ندور له زوجه بعد ما تزوجوا ثنتين من الي كان حاط عينه عليهم خذنا شهرين واحنا ندور وتعبنا مرره وحضرت زواج بنت تقرب لابوي جدتها عمتيوكانت مرررره جميله بس من الكويت وامي تقول بعيييد احنا بالرياض ( على فكره قلبي ما ينساها ) واقل لاخوي يقول ساكنه بعيد :eh_s(11): عاد بعدنا بشوي تملكت
ومره راحو خواتي الي اصغر مني لزواج مع امي شافو بنت تقول لعمتي الله يرحمها جدة امي :eh_s(7):
جونا خواتي الي اصغر مني وهم يمدحونها ومدري وشو بعدين قررنا نروح نشوفها كنت مشغوله انا واخواتي بدراسة فراحت امي وخالتي واختي الي اصغر مني اعجبتهم وسالوها عدة اسألة كم عمرها ووش تدرس وكذا المهم قالوا عمرها 25 ودارسة ثالث ثانوي وبعدها ما انقبلت بالجامعه
جو اهلي وصفوها لنا بيضا شعرها ناعم وطويل جسمها حلو بس دب ):
انا ما كنت بوافق ولا اخواتي كنا نبي 23 24 بالكثير لان تعرفون اخوي الوحيد المهم قلنا سنه ما تفرق اذا هي حلوه وسنعه
وخطبوها من اهلها قالوا بنرد بعد اسبوع وبعد يومين اتصلواعلى خالتي و قالوا انا موافقين
سوينا الملكة ولما جا اخوي قالنا ان البنت عمرها 28 (: بالله مو جريمة
شافه بكرت العائلة بعد الملكة وبعد ما اخذ الكرت من ابوها (:
اخوي سكت علشان ابوي تصير بنت بنت اخته واحسه وهو يقولها لنا كانها كاتمها بنفسه :eh_s(22):
المهم كان اخوي يشتغل بمنطقة بعيده مره فقال اترك العرس لما انقل كان في العايلة ظرف فما احد كان يسوي زواج الى رجال بس وهذا اخرنا شوي المهم سوينا عرس اخوي وكان بقيادتي :ggdw: الكل الكل انبهر من الترتيبات والتجهيزات الي سويناها تعرفون اخوي الغالي :yaaaaaarb:
سافر اخوي بعد زواجه ورجع ولما رجع كان مو فرحان ولا مبسوط المهم قلنا ان شاء الله مع الوقت يصير بينهم انسجام ومره جلس مع امي وقال انك تقولين حلوه وهي مهي حلوه :bbbiu:اخواتي احلى منها وجسمها موب زين ومن هالكلام
عاد انا بقولكم اني انا شفتها بعد الزواج بس وقبل اربع سنوات شفتها بزواج اقارب هي حلوه شعرها طويل ناعم سمراء طبعا ما اكتشفنا الى بعدين اختي تقول انا يوم شفتها بيضا وما كانت كذا
واخوي ابثرنا كل شوي يتكلم عنها عند امي ومسكين متفاجئ وحتا انا وخواتي متفاجئين بس امي واختي الي راحو لهم يو يخطبون يقول متفاجئين انها سمرا على غير ماشفناها يوم الخطبة
المهم سكتنا وقلنا ان شاء يتغير مع الايام ويفضلها مره جاب سالفة وقال لامي اني قلتلها بتزوج ثانية عليك وقالت له والله لو تاخذ ثانية لتطلقني تخيلو قال لها هالكلام بشهر العسل :eh_s(14):
وهي طبيعتها هاديه وناعمه طبعا هدوئها يعجبني مره المهم مشت الايام وكل شوي مزعجنا اذا رحت لصديقاتي او خواتي راحو واجتمعنا معاهم يقول مالقيتيلي وحده حلوه والزواجات الي نروحلها يسالنا :eh_s(11):
اربكنا وتعبنا معاه مانبي ياخذ ثانية ولانا فاضين له
لما شفنا انه صدق تعب مره قال كلام وردت عليه امي ان لازم تسكت وكذا وان شاء الله تغير لانها ثقيييله مره (:
قال انا سكت لييين هلوست (:
احنا كل مايتكلم عن الزواج نسفهه واخر شي والله خفنا عليه برايكم وش الحل ..
راح اكتب جزئية ثانية ومهمة بس بعد حلولكم ...
نسيت اقول شي ان اخوي جامعي وهي ثانوي ويقول ان المفروض تخطبولي جامعية عقلها كبير مثلكن .. احنا ماجستير اغلبنا
