قصتي في اختصار..

السلام عليكم ورحمة الله وبركاته

كويتيات اعجبتني القصه وحبيت انقلها لكم فيها اصرار وتوكل وصبرتقول صاحبتها ..
ب12 سنه تقريبا كنت ااعيش اسوا عيشه مع زوج ظلمني ظمني كثير مابقى بالدنيا مر وحرمان واسى وظلم ونكد الا ماذوقني اياه وانا تزوجته وهو من نفس قبيلتي ولمن سال الوالد عنه الكل مدحه مع انه ليس اهل للمدح رجال مافيه صفه سيئه الا موجوده فيه ولكنه امام الناس وامام قبيلتنا الكل يمدحه لان مو مستقر بنفس الديره المهم اني واهلي بالمنطقه الجنوبيه واهله كانوا مستقرين في جده وهو كذالك كان مستقر في مدينة جده كان عمره 33 سنه وانا كان عمري وقتها 23 سنه فارق عمر بيننا وكنت فرحانه بهذا الفارق لعله يكون حنون وطيب ويعوضني عن الم وجع ذقته بحياتي
طبعا تزوجته وهو فقران ومنتف لابعدد الجدود راتبه 1500 ريال ووظيفته حارس امن بشركه خاصه وانتقلت معاه لمدينة جده وطبعا اهله ظروفهم الماديه جدا سيئه وهم يمتلكون منزل دور ونص وكانوا بانيين ملحق صغير بحوش منزلهم لي طبعا عباره عن مجلس رجال ومقلط رجال وصاله كبيره ومجلس حريم وغرفتين نوم ودورة مياه ومطبخ ومستودع بس الحمدلله نعمه بس لمن دخلت هذا البيت ماكان فيه شي الا دولاب ملابس بغرفة النوم فقط ومسوين لنا فراش بالارض يعني الغرفه بس دولاب ملابس وطبعا المطبخ مركبين دواليب المنيوم عاديه وحاطين فيه مواعين بسيطه الاساسيات فقط يعني حاطين قدرين وكم صحن وكم ملعقه واغراض جدددددا بسييييييييييطه وطبعا رحت مع زوجي وتقضيت المواد الغذائيه للمطبخ ولمن جيت اطبخ مافيه شي كامل حتى ملاعق كبار حقت الطبخ مافيه صحون رز مافيه وكنت اغرف الرز بصحون القهوه والشاهي تى فناجيل كفايه ماعندي لو بس يجوني اهله اظطر اخذ من عند اهله فناجيل قهوه وشاهي ماعندي الا طقم بادريق فيه 6 حبات وكان عندي كم فنجان قهوه قلت له ناثث البيت قال ماعندي شي اقوله طيب تلفزيون اتفرج وقت مللي يقول ماعندي شي مافيه الا قطعة زل في الصاله ناكل ونشرب ونتقهوى عليها مرت عليه فتره كلها مشاكل بمشاكل ونكد بنكد بسبب الفقر وما ادراكم ما الفقر اتعب امرض مايوديني المستشفى ولا المستوصف نطلع مشوار ونرجع مشي بسبب السياره الهريانه اللي كانت معه كل شوي تخرب ولمن ينزل الراتب على قله يروح منه للسياره وخرباتها
كرهت حياتي معه لي اقارب في جده كنت قاطعه التواصل معاهم لاني ماقدر استقبلهم ببيتي ولا اقدر اروح لهم بدا زوجي يبان على وجهه الحقيقي وبانت لي حقائق اسوا من الفقر زوجي كان بعد مرور سته شهور من زواجنا بدا يرجع للشرب ويرجع للحشيش وكلن متاذي منه ومن تصرفاته كان يرجع اااخر الليل مخمور ومسكور ويلقاني بوجهه اقول ابي اكل ابي شرب ابي تلفزيون زي الخلايق اتسلى فيه فكان يضربني ضرب قاسي كان يلطم براسي بالجدران زعلت ورحت لاهلي وكنت وقتها حامل توي حملت في ثلاثه شهور ورحت لاهلي حالتي حاله ضعف وجسم هزيل وضرب وانواع القرف حتى صابون وشامبو اتنظف فيها كانت بالحسره وبالشحثه اهلي موقفهم كان جدددا سلبي ابوي ماصدق سالفة الشرب والسكر والاشياء هذي وكذبني وقال فلان ونعم فيه وفي اهله انقهرت وانهرت وصارخت وسيت زوجي قام ابوي يقول انتي قليلة الحياء وانتي وانتي وسبني ولعن شكلي بعد وكان يقولي ماكملتي سنه متزوجه وانتي جايه تشتكين العيب فيك ماهو في الرجال اللي تزوجتيه امي طبعا كانت ضعيفه ومظلومه مع ابوي كثير كان لها فم تاكل منه بس ماتتكلم قالت لي انتي حامل وارجعي لبيتك وزوجك ابوك مافيه خير واخوانك مابيرحمونك ندمت اني رحت لاهلي واني شكيت عليهم خصوصا بعد ما ضربني واحد من اخواني وانا عندهم على سبب تافه جدا ولما جيت بطلع من بيت اهلي اعطتني امي كم صينيه وكم قدر وبراد قهوه وبراد ثاني للشاهي وعطتني كرتون فيه تمر وهيل وقهوه وزنجبيل وبهارات وعطتني الفين ريال وقالت دبري عمرك ولاعاد تشتكين على اهلك شفتي مافيهم خير جاء زوجي واخذني وسافرت وانا مقهوره من اهلي ومنه وشايله هموم وخوف وكارهه اني ارجع لبيتي اللي اكره كل شي فيه رجعت وقلت له بعد كم يوم ابي اروح اشتري شوية اغراض ومواعين ناقصه المطبخ وبالفلوس اللي اعطتني امي اشتريت صواني وقدور ومواعين كثيرررره ورحت محل بلاستيكات وخردوات واخذت شويه حاجات
ورجعت لبيتي وزوجي مثل ماهو واردى من اول نكد وطفش وفقر وشرب وسكر وكلام اوسخ منه مافيه ام زوجي كانت تجيب لي بين فتره وفتره دقيق تمر عسل خضار فواكه من مقاضي بيتهم تقسم لنا وماكانت تقصر ومره من المرات رحت لبيت اهل زوجي وكان عندهم الجيران جارات خالتي ام زوجي جمعه العصريه وبهذاك اليوم قامت بيني وبين زوجي حرب ومضاربه وبكيت الين ضاق صدري ثمن قالت لي خالتي العصر بيجوني ناس وابيك تجين قلت لها خلاص بجي طبعا ارسلت ولدها الصغير برابع ابتدائي يقولي هالكلام ولمن قفلت الباب قام زوجي يقول من كنتي تكلمين عند الباب وضربني مره ثانيه الين جات خالتي وفكتني منه كنت اكرهه زوجي وما اطيق اطالع بوجهه وهذا اقسى شعور لما تكرهين زوجك بكل تفاصيله المهم رحت المطبخ وسويت معاي صحن سمبوسه وصحن ملفوف محشي وصحن فطاير مشكله وانا الحمدلله نفسي في الاكل ولا احلى من فضل ربي رحت لبيت خالتي وكانت عازمه ناس كثيررر كلهم جيران واتجننوا على سميوستي ومعجناتي والملفوف ومدحوه مرره المهم عادي بالعشاء رجعت لبيتي ونمت وباليوم الثاني اتصلت عليه وحده من جيران خالتي وقالت باقي عندي ملفوف مثل اللي جبتيه امس لاني اتوحم وقلبي بينقطع عليه قلت لا والله اعذريني قالت طيب ابيك تسوين لي صحنين بروح لاهلي وباخذها معاي وقالت والله العظيم ما اخذ الصحنين الا بسعرها قلت لها وش هالكلام واستحي ومن هاكلام قالت والله ما تجيني الا وانتي ماخذه حقها غير كذا لا تسوين ولا باخذه قلت خلاص اللي يريحك وسويت لها صحنين وكبرت الصحنين وارسلتها وتفاجئت انها ارسلت لي 150 ريال
صح مبلغ بسيط بس كان عندي شي كبير لاني كنت احتاج الريال الواحد اخذت الميه وخمسين ورحت اشتري شوية مواد غذائيه لان زوجي لو طلبت لحمه مفرومه او ملفوف بيقوم حرب بيقول توني جايب وانا مابي يدري اني ارسلت لجارتي لانه مابيرضى وكانت فيه جنبي سوبر ماركت اروح له مشي اقل من دقيقتين وانا فيه وكنت ارجع بسرعه قبل يشوفني زوجي او يحس عليه
مرت ايام ثقيله كلها مشاكل وضرب واهانات وتجريح من زوجي ولسان اقذر منه ما فيه كان يسوي حركات وسخه ولسانه وسخ يقول كلام ماينقال ولا يتحاكى فيه غير انه مايبي احد يجيني ولا يبيني اروح لاحد الا اهله وكان لمن نكون معاهم يسبني ويدعي عليه ويفشلني قدامهم باشياء والله لو اقولها هنا لتشيب روسكم بس خلوها على الله
بمره من المرات اتصلت عليه نفس جارة خالتي اللي طلبت مني الملفوف وكانت تعرف ظروفي الصعبه خالتي كانت تقولها كل شي وتعرف وضعي المادي الزفت هي كانت وكيلة مدرسه قالت لي وش رايك تسوين لي فطور للمعلمات وراح اعطيك مثل اللي اعطي المطعم وانتي اضمن وشغلك ماشاء الله ومن هاكلام وكانت تقول لاتفكرين اقصد شي واقنعتني اني لازم اتحرك وابحث عن رزق ومافيها شي وطلبت مني الاصناف اللي تبغاها وسويت لها كل شي تبغاه وبالصباح قالت لي بمرك اخذ الطلبيه ولمن اخذتها اعطتني ظرف فيه 1500 ريال وهو حق تعبي لانها طلبت اشياء كثير وحسبت قيمة الاغراض وتعبي وقلت لها 1500 ووافقت وبدا من هنا مشواري مع بيع الاكل للجيران وللمعلمات بالمدرسه واهل بعض المعلمات واخواتهم اخذوا رقمي وقلت لجارة خالتي اعملي لي دعايه واذا احد يبي شي قولي لي
ماكان عندي راس مال كنت اخذ من خالتي ام زوجي واستلف ومن جارتها الوكيله وماكانوا يقصرون واسددهم شوي شوي الى اخر مره اسنلفت من جارتنا مبلغ كبير قضيت فيه صواني ومواعين تساعدني وكمان علب وصحون البلاستيك وحافظات وكل شي
كنت شايله هم مشروعي يفشل وماقدر اسددها وشايله هم زوجي يرفض المشروع ويبهذلني ومره قلت لخالتي وشجعت الفكره وقالت انا بجي اساعدك بالمواعين وغسيلها وبالبيع والشغل وهي بدورها كلمت ولدها واقنعته بالفكره وسوى مشاكل بعدين رضي كنت وقتها قد ولدت وجبت بنت كان عمرها بذاك الوقت عشره شهور وبالبدايه سويت منيو طلبات وكتبت الاشياء اللي اعرف اسويها ميه بالميه وحددت الكميات والاسعار وبدا الشغل بفضل الله مايوقف واشتغل انا وام زوجي واخته واخوه الصغير كان يوصل الطلبات القريبه والطلبات البعيده ياخذها وينتظر صاحب الطلبيه قريب من البيت
بدت الفلوس تمشي بيدي وكنت اعطي خالتي منها لها ولولدها وبنتها لي تساعدنا احيانا
تخيلوا الحمدلله بهذيك الفتره كان بيتي ولاشي ومافيه شي ابدد ولا شي بالبدايه ربحت بشهر تقريبا 5000 ريال كانت الطلبات تجيني اكثر شي من المدارس ومن الجيران ومن كل مكان
اولا اشتريت غرفة نوم وبعدها بفتره اشتريت تلفزيون ورسيفر وبعدها بفتره اشتريت طقم بالصاله ولما يكون وقت صيف ورمضان يكون المكسب فوق كل حسبه من فضل ربي باول صيفيه مرت عليه وبعد رمضان اشتريت لي غساله اوتوماتيكيه ومجفف واشتريت مكنسه كهربائيه سنتين مرت ماعندي مكنسه كهرب واشتريت مكوى وكوايه طاوله واثثت مجلس الحريم وبعدها بفتره اثثت مجلس الرجال ووقتها زوجي لما شاف شغلي وش سوى ترك وظيفته بالمره وهذيك الايام حملت ببنتي الثانيه وزوجي يمارس عليه كل انواع النذاله والضرب والاهانات سوى فيني اللي مايتساوى بس صبرت عشان بنتي وعشاني كنت حامل ولان اهلي اصلا ماراح يستقبلوني ولا يرحبون فيني
استمرين بالبيع وانا تعبانه بس ظروفي كانت تجبرني اسوي المستحيل ولا اله الا الله انكر عليه الشغل مثل المطر من فضل ربي لدرجة اني استقدمت شغاله فلبينيه من حر فلوسي وجابها زوجي بعد كل مشكله وبعد ما تمنذل وسرقني وشكيته على ابوه وابوه اخذ الفلوس منه وراجع في الشغاله لحد ماجاتني كنت بوقتها مضبطه بيتي واثت غرفة لبنتي ومعبيه المكبخ من كل شي ومشتريه فريز ارضي وثلاجات كبار وفرنين كبيره جات الشغاله وفهمتها الوضع وظروف الشغل وعلمتها كللل شي وكل صغيره وكبيره لاني قربت اولد ببنتي الثانيه وماكنت ابي الشغل يوقف وولدت ومن ثاني اسبوع بعد ولادتي وانا واقفه بالمطبخ لاني كنت احتاج الريال الواحد صارت لي شهره مو طبيعيه لدرجة ان فيه وحده كانت ماسكه البوفيات بجامعة الملك عبدالعزيز كانت تطلب مني طلبيات والاسعار كل مالي ارفعها والحمدلله فتحت حساب وصرت ادخر كل شهر مو اقل من 4000 ريال
الحمدلله غير مصروفي وراتب الشغاله وطلبات البيت ومقاضيه ومؤنة البيع وخالتي ما انساها رغم اني من جت الشغاله ماعاد جاتني تساعدني بس كنت كل شهر احط لها مبلغ بظرف واعطيها لانها بحاجته ولانها صاحبة فضل ومعروف عليه ووجهها معايه ابيض
تطورت المشاريع براسي صرت ابيع معمول تمر ومعمول جبن وخلطة قهوه اسويها بنفسي وهذي كان عليها اقبال خيالي المعمول وخلطة القهوه وكانت جارتي تبيع لي بالمدرسه وعند زميلاتها وبمكتب التوجيه وبكل مكان وانظغطت اكثر واكثر خصوصا مع غياب زوجي الطويل صار يغيب بالايام عن البيت بسبب خياناته ومصاحب له وحده مبسوطه وكانت تسفره معاها وتاخذه لكل مكان وهو مثل الخروف وراها بس والله ماسالت عنه كنت ادعي ربي يهديه بس قلت باللذلفه احيانا كان يخرب عليه طلباتي والشغل ويحرجني مع اللي يتصلون كان يطرد اللي يجيني لحد ماركبت تليفون بمطبخي وماعاد لي دخل بتليفونه اللي ذلني عشانه وصرت لما اجمع فلوس اروح اشتري ذهب اطقم واساور وخواتم وماكنت انسى امي كل شهر ارسل لها مبلغ حلو وكنت ارسل لاخوي كان يدرس بالرياض ومامعاه الا مكافاته كنت ارسله كل شهر 1000 ريال ولامي مثلها واكثر لحد ماجات وحده من الصيفيات وقررت اوقف اليع وانزل الجنوب عن اهلي ازورهم لاني قاطعتهم ثلاث سنين كنت زعلانه منهم بس قلت الدنيا ماتسوى ومهما كان هذولا اهلي ورحت لهم ولمن شافوني تفاجئوا من لبسي والذهب وملابس بناتي والشغاله وكانوا بفكرون ان اموري استقرت وان زوجي تعدل وهم مايدرون انه له ثلاثه شهر من ولدت وهو*** مع وحده *** بس انا اخذت موقف من اهلي وحسيت اني لازم استقل واصقل شخصيتي واكتفي عنهم وعن زوجي حلفت ماعاد اطلب زوجي في ريال واحد ولا اهلي ولاعاد اشكي همي لبشر
ورجعت بعد الصيف والدنيا مقلوبه في جده الجيران والناس فاقديني يبون طلبيات وبدا الشغل مع رمضان اللي تتصل عندها مناسبه واللي تطلب بوفي مفتوح واللي تطلب عشاء واللي تطلب سحور فاخر
انظغط وصار طلبياتي تنافس المطاعم وقلت شغاله وحده ماتكفي واستقدمت شغاله ثانيه وبديت ابيع اكثر واكثر من اول والحمدلله انصب عليه الرزق صب وبيوم اتصل زوجي وكان لمكالمته هذيك تاثير مو طبيعي حسيت انه مشتاق لي ومشتاق لبناته وندمان على اللي سواه وطبعا احساس كذاب ومو صادق قال زوجي بجي بعد شهر ونص اخذت نفسي ورحت على عيادة عيون وسويت عملية ليزك لان نظري كان ناقص وكنت البس نظاره ورحت على مشغل وانا بعمري مادخلت مشغل وبعمري مادلعت نفسي ولارفهتها ولا درت في جده وانبسطت رحت قصيت شعري على طوله مدرج وصبغته وشقرت حواجبي ونزلت الشوق واشتريت شياء بعمري ماشريتها وطبعا من فلوسي وتعبي اشتريت عطور وساعات وملابس وجلابيه ومكياج وبجايم وبناطيل وتيشيرتات وتغير شكلي لابعد حد اثاريني كنت حلوه بس دافنه نفسي وجاء اليوم الموعود وجاء زوجي من برى المملكه بعد غياب اربعه شهور و20 يوم استقبلته بزينتي بس بهدوؤ وماكاني نويت التغييير عشانه قلت له اني معزومه عند وحده من الجارات من قبل يجي كان يكلمني وبصوته شي يبي يقوله ولمن دخل وشافني ببيت اهله كنت ماجاني ببيتي اقصد الملحق حقي بس لمن شافني كان وجهه يتلطم ومتغير ودخلت وراه وحده *** اللي هي زوجته تزوجها الخبيث وسافر بها مو اللي كانت صاحبته لا وحده غيرها ومن معارفها هي اللي عرفته عليها طبعا تبنجت وانصدمت وحسيت بنار بصدري شي ماتوقعته ولاتخيلت يصير الخبيثه صاحبته هي اللي زوجتهم وهي اللي سفرتهم انقهرت وحسيت اني بموت بقهري بس تظاهرت بالصمود والقوه وعمي ابو زوجي ضرب زوجي ولعنه ودعى عليه وطرده هو واياها وطبعا لمن خرج انهرت وبكيت وجلست عندهم يمكن ساعتين وقلت بروح لبيتي عندي شغل وتاخرت ع الشغالات رجعت لبيتي ولقيت زوجي ومرته فيه جالس بالصاله ومتكي يوم شفتهم قامت براسي شياطين
وقال زوجي تعالي نتفاهم قلت مابيننا تفاهم خوذ الخمه حقتك واذلف برى بيتي قام يضحك ويقول من وين جبتي هالكلمه بيتي وضربني قدام الحقيره وصارخت وجو اهل زوجي وطلعه ابو زوجي برى البيت
ماعاد عرفت اشتغل شي انكويت بوسط قلبي وكنت اتوجع من حظي ومن نحاسته مرت يومين وجاني ابو زوجي يقولي ويمهد لي ان ابوي توفى بالديره وانصعقت وانشلل لساني مهما كان ابوي والحمدلله كان راضي عني وكنت متصالحه معاه بس انحرق قلبي ورحت للديره وجلست ثلاثه اسابيع ورجعت لبيتي لاني تعبت هناك من وضع اهلي وحزنهم وانا تعودت على جده ووراي شغل وبيع وكرف ورجعت
طبعا زوجي راح الديره وعزى بوفاة ابوي ورجع كان ظروف زوجي الماديه تحت الصفر وخويته *** اللي زوجته وكانت تصرف عليه سافرت وتركت جده جاني زوجي بيوم يبي يقنعني بفكرة انه هو وزوجته يجون يسكنون عندي وكان يحاول يستقوي عليه وبغى يضربني بس انا استجمعت قوتي ومنعته يضربني تفرعنت قالي بجيبها هنا غصب عنك وبجلس انا واياها بالمقلط الين ابني غرفه زياده صارخت وتهاوشت معاه وبغى يضربني بس وقفت له ولويت يده وقلت ماني بنت فلان كان عاد سمحت لك تمد يدك الوسخه عليه قلي بطلقك قلت طلقني عادي تدري وش بيصير بناتك بنتقم منك فيهم والله لا اذبحهم واحرق لك اياهم
انا والله قلت هالكلام من ورى قلبي ومابرضى على بناتي ولا بقسى عليهم بس حاولت اوصل لزوجي ا\ني خلاص استلعنت وتفرعنت وماعاد يهمني شي اني بايعه الدنيا بتراب وسويت كاني مجنونه وصارخت وجات امه وقالت له خلاص بفضي لك غرفه في بيتنا بيت خالتي وتعال اسكن انت وزوجتك الثانيه فيها رضي على طول لان ماعنده خيارات وراح هو واياها في بيت خالتي جاء ونثر مطبخي وكبه ونكته وحلف اني ماعاد ابيع وليوقف شغلي بس انا استغليت وضعه المادي عرضت عليه اعطيه مبلغ كل شهر او اشتري منه هالملحق بما فيه ووافق واشتريته منه بمبلغ معقول وبعت ذهبي وصار الملحق هذا لي وملكي وابو زوجي عشان يضمن حقي انكتب باسمي
واشتغلت اكثر واكثر وعوضت ذهبي بسنه وحده بس وكان زوجي يجيني ينام عندي مرتين او ثلاث مرات بالشهر وانا الي عرضت كذا لاني باقي ابغى عيال وحملت وجبت ولدي وبعده حملت على طول وجبت ولد ثاني الان عندي بنتين وولدين
وشغلي في تطور واعتبره واصل للسماء من فضل ربي والان عدي اربع فلبينيات وصرت انا مشرفه على الشغل عملت ثلاث منهم كل صغيه وكبيره وصرت اسوي اشهر واكثر اونواع الاكل وعندي مبلغ جامد وناويه افتح بوفيه او مطعم باسمي
زوجي اولما استقر مع مرته قبل اجيب ولدي الكبيره كان كل مره يجي يحاول يسرقني يبي فلوسي وذهبي لان زوجته مطينه عيشته بسبب فقره بس ما اخلي ببيتي ريال واحد وذهبي كلها ب البنك
وقبل سنه تقريبا كبرت المشاكل بينهم وانا ماعمري دخلت بيت اهل زوجي من سكنت معاهم حرمته وهم مقدرين ويجوني ببيتي بس انا ماروح لهم ابد ومنشغله بشغلي وما الحق على المشاكل المهم زوجي طلق زوجته الثانيه قبل سنه تقريبا ورجع لي مثل *** والحمدلله فرحت انه ماخلف منها
بس ي فرحه ماتمت توظف زوجي بعد ماطلقها بكم شهر وتزوج من جديد واستاجر بنفس الحي اللي احنا فيه وتعدل حاله توظف وعقل وتاب من خرابيطه وصار مستقيم بس مو ملتزم وجاني يقول يوم عندك ويوم عندها قلت له معصي ماتجيني ببيتي استاجر لي مثلي مثلها قال وهذا البيت قلت له تسميه بيت وانت مستاجر لها دور كامل قلت له استاجرلي مثلها وبيتي هذا باخليه للشغل وسكن لعاملات اللي عندي لانهم صاروا خمس فلبينيات
وافق زوجي واستاجرلي دور كامل واثث بعض منه والناقص اخذت عفشي القديم وكملته ويوم عندي ويوم عندها ظليت على هذا الحال ثلاثه شهور ولما جمعن مبلغ كبير اشتريت لي بيت بنفس الحي اللي فيه بيت اهل زوجي بيت كامل وملك ليه الدور الارضي كامل والدور الثاني عظم وطلبت الطلاق واصريت عليه وتطلقت طلاق باين مافيه رجعه واستقليت بحياتي وبشغلي تماما تماما وماطلقني زوجي بسهوله بس خلاص كرهته وعفت حيياتي معاه وبعد الطلاق اكتشفت اني حامل بشهرين بس قلت يالله خير وبركه الان بنتي الكبيره عمره 11 سنه والثانيه عمرها 10 سنوات والولد ست سنين والثاني خمس سنين والان حامل بالخامس
وعلى وجه ولاده بس سعيده ومرتاحه لقراري بالانفصال اهل زوجي ساكنين جنبي وعلاقتي فيهم قويه
وابو زوجي مايقطعني من السؤال وكل يوم يمر يسالني ابي شي وقبل فره استقدمت شغاله خاصه ببيتي بعيد عن الكرف والتعب وسواق اندونوسيين وعايشه حياتي بالطول والعرض
طبعا زوجي رجع لخرابيطه وتخبيصه وشربه وسكره مثل اول واكثر وقبل شهرين يعني بعد طلاقي باربعه شهور صارت على زوجي قضيه وانسجن وطلق مرته الثانيه والان محكوم عليه سجن اربع سنين
وانا ولا فرق معايه عايشه بدونه احلى عيشه ومكتفيه من كل الناس الا من ربي وقريب بافتح مطعم خاص فيني
وهذي قصتي باختصار كبير موقنه تماما اني اقدر اعيش بدون زوج مستقره ببيتي وموفره لنفسي كل شي صح راحت 11سنه من عمري شقاء وكرف ولا عشت حياه زوجيه حقيقه ولا بعمري سافرت مع زوجي نزهه ولا عشت رومانسيات ولا لحظات حلوه بس مقتنعه اني انجزت بحياتي ومقتنعه ان المهم والاهم بالحياه هو نفسي واطفالي والرجال ماله اي حسبه بحياتي
هذي اول مشاركه لي بلمنتدى وحبيت اقولكم قصتي باختصااااااااار كبيره ماذكرت فيها ايام سوداء ومشاكل كبيره ولا مصايب مرت على راسي لاني مابي اتذكرها بعد نعم صح مطلقه ولكن مع مرتبة الشرف وشهادتي ابنائي وبناتي اللي اعتبرهم راس مالي الكبيره بحياتي اليوم صاحيه بدري شوي وقررت افضفض عن الي بداخلي لاني مستحيل اكشف همومي لاحد اعرفه الان الوالده بتجيني وبتجلس عندي مده وعلاقتي مع اخواني واخواتي طيبه وممتازه ومع اهل زوجي قويه ولكن ما اسمح لهم يفرضون عليه راي وادير بيتي وشغلي بكل فخر وفيه ناس من ماجماعتنا يقولون قعدتي في جده وفي نفس الحي اللي فيه اهل زوجي مالها معنى والمفروض ارجع بيت ابوي بس اسدد اذني عن كل كلام ومدخله بناتي افضل المدارس وكونت علاقات مع زبونات كثير وصداقات واطلع وادخل براحتي واكمل دراستي الان السنه هذي نجحت من الصف الاول الثانوي الى ثاني ثانوي وناويه اكمل الجامعه والماجستير والدكتوراه وثقتي بالله قبل كل شي تدعمني ومشروعي الحمدلله يدر عليه اموال تكفيني وتكفي عيالي وراح افتح مطعم عن قريب وهذي هي الحياه لاتوقفونها على رجل الرجل ماهو كل شي ولاهو مصدر للسعاده واذا كان عندك طموح من اليوم ابدئي فيه وخلي الرجل خارج حساباتك مالهم امان ولا لهم كلمه تثقين فيهم الواحد يبيع زوجته واطفاله عشان يمشي ورى هواه ومسقبلك ونفسك ثم نفسك ثم نفسك
دعواتكم لي بتيسير ولادتي وهداية عيالي والتوفيق في حياتي العلميه والعمليه
النك تبعي كتبته بعد وفاة الوالد ندمت كثير لاني قطعته ثلاث سنوات بس الحمدلله كان راضي عليه





ͮ