تنبيه هام لشهر رمضان تفاصيل وقت السرقات
اغنام - ابل - دواجن - طيور
السلام عليكم ورحمه الله وبركاتة
كل عام وانتم بخير وشهر كريم علينا وعليكم
اخواني اكثر الحرامية اللي مايخافون الله يستغلون شهر رمضان للسرقه معروف شهر فضيل وشهر عبادة لاكن هذولي مايخافون الله
اوقات السرقة وتفاصيلها طبعا اكيد صاحب الحلال يجي العصر او الظهر او الصبح بدري الين وقت اذان المغرب تحصله في البيت او معزوم عند الاهل والاقرباء طبعا وقت اذان المغرب تحصل الحلال ماعنده احد كلن يبغى يفطر ويلحقون الصلاه
الحراميه هذا وقتهم ماعندهم احد حتى لو كان عامل موجود اكيد بيروح للمسجد يفطر مع المسلمين كم مره شفتهم قدامي العام الماضي بس على طول بلغت والمساكين اكلوها اكثرهم يمانيه واثيوبين وإذا فيه سعوديين شباب صغار في العمر
الوقت الثاني للسرقة وقت صلاة الجمعة معروف ماحد مقابل الحلال يعني صيف وحر والناس صايمة ووقت صلاة جمعة اكيد ماحد مقابل الحلال ويترك الصلاه انا ماقول لاحد يصلي بس لازم تخلي الحارس يجلس عند الحلال للضرورة
ارجو الحذر والحيطة ترا اكثر الحرامية مخططين لشهر رمضان وعارفين مكان الغنم وعارفين مخارجهم واللي عنده حلال غالي لا يتركه السنة اللي راحت قدام عيوني جيت بالصدفة قلت ابغى افطر في الحوش وصلت بعد اذان المغرب قبل الاقامة واشوف حوش جاري يمانيه واثيوبي يكسرون باب كبير معهم سواطير عاد انا دريت انهم حرامية وادق على الشرطة خلال 5 دقايق حضرت الموقع 3 دوريات والمساكين الحراميه ما امداهم يدخلون الاستراحة الى وهم مطروحين وان شالله مانشوف سرقات
jkfdi ihl gaiv vlqhk jthwdg ,rj hgsvrhj
