[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,darkblue" type=2 line=0 align=center use=sp num="0,black"]
ذيب الفلايعوى ولا هو بوجعـــــــان=لابدفي عويته معناوتفســــير
زاد العوى بالصوت واهتزت اركان=ياتل قلبي والمعاني مضامير
ياذيب من عويتك فرقت قطعان=وارعبت راعيها بصوت الحناجير
ودك تقول الحق والحين قد حان=ما اهتز قلبك لو يقصوك تعزير
بعض القصايد بينه دون تبيان=والبعض معناهايلغز بتحيير
واللي بدا باللغز صعبً على الاذهان=يتعب مزاجك غامضً دون تظهير
واليوم انا فجرت بالشعربركان=واطربك في بدع القوافي ولا اشير
قد قام يتمهزى بي اليوم سفهان=واللى سفه عقل ترا فكره صغير
تهزى بقولي يالبلا وانت مرضان=لا عاد تكدر مثلكم ماله تعبير
لا عاد تحاكيني وانا اليوم غضبان=وقت الغضب تعمى العيون المباصير
لاعاد تحدى ما انته بطيرحوران=بكسر صحيح العظم من دون تجبير
ترا السفينه ما مشت دون ربان=لو قام طاقمها بوقف المواطير
هي ابحرت بالموج والمنشى هتان=ثم اغرقتها العاصفه والاعاصير
والله ما امدح شركة الصين تأي وان=منتوجها يفشل ولو فيه تطوير
بأبيات شعري لازم تعيد الامعان=والمعنى في مافات من دون تستير
بأبيات شعري ما قصدة اهل الاحسان=اهل الكرم هم ينحرون المصاغير
واقصد بها اصحاب الردا والذي خان=هم سكرو البيبان دون المسايير
والكفؤ يعرف موقفه وين ماكان=سمعته مثل المسك طيبً وتعطير
انا عزيز النفس ماني بخسران=اعز نفسي شامخ الراس واسير
شاعر وفارس يبدع القاف بأوزان=من روس قومً يكرمون المخاطير
فينا الكرم والجود بالحرب شجعان=قومً لنا قيمه وهيبه وتقدير
تمت وصلو عالنبي اطهر انسان=طهره رب الكون مالرجس تطهير[/poem]
