القلوب الأربعه (( معاناة أم ))

إخوتي الأعزاء :



[align=justify]للشعر حضور وللحضور موقف وللموقف وقفه تحتوي قوة الموقف لتخرج الحروف كماهي ليس لشئ إلا لصدق المشاعر التي تحكم بها هذا الموقف لتظهر جلية كي تعانق قلوبكم الطاهره بشفافيتها جائتني رساله من أحدى الأخوات في أحد المواقع وتقول فيها قصتها التي لا أدري هل هي أكملتها أم لا ولا أدري هل سبب التوقف دوامتن أخذتني أم دوامتن أخذتها لكي نعيش حالتن من الصمت لهذا الموقف الرهيب الذي ترتعش منه الأطراف فهذا الموقف يوحي بعدم ضبط النفس وتركها تهيم في أهوال هذا الموقف .[/align]


قالت أريد قصيده بالقلوب الأربعه



أم حرمت من بناتها



لا أريد أن أطيل فالقصيده تعبر عما أريد أن أقول :










[poem=font="Simplified Arabic,5,darkblue,bold,italic" bkcolor="transparent" bkimage="backgrounds/45.gif" border="groove,4,darkred" type=1 line=0 align=center use=ex num="0,black"]
آآآه من همن وضيقن يجرح القلب الحزين = يخنق العبره وترجف من سبايبـه العظـام
يشنق الخفاق لامن جاب طـاري للحنيـن = يترك الدمعه تحير بموق عينن مـا تنـام
تحتضر روحن تمنى موتها في كـل حيـن = تكتـم انفاسـن زهيـده مايلـه للإنهـزام
تمنع البسمه وتخفي كل فرحه لـو تبيـن = تصرخ الآهات تطلع من سبات الإحتشـام
تنثني كل الضلوع وفـي ثناياهـا الأنيـن = حشرجه ذل وخضوعن وانتكاسه في غمام
صعب هذا الوصف لكن من فقد له زهرتين = ما أضن انه يقـاوم مثـل باقـي هالأنـام
كيف عاد اللي فقد له اربعن والوضع شين = اربع قلوبن عزيزه ابعدت في ظرف عـام
هن بديره وامهن في ديرتـن والله يعيـن = القلوب الأربعه بالعـون حالتهـن عـدام
مرتن جت واجهتهن كنها زيـارة سجيـن = عن عيون الناس تبعد حدها وقتـن عتـام
قابلتهن عند باب المدرسه في جـو زيـن = ونسيت ان الوقت يمشي والثواني بازدحام
واحتوتهن في حنـان وسابقتهـا دمعتيـن = دمعة الفرحه بلقياهـن ودمعـات الهيـام
قامت احداهن وقالت هيه يمه وش تبيـن = ليه دام البعد قاوي ليـه تحييـن الغـرام
كنت اشوفك كل ليله في منامي تضحكيـن = وكان يكفيني وحلمي يقعد النـاس النيـام
ليه يا يمـه ترانـي ماهقيتـك تجرحيـن = وانتي القلب الحنون ولا يعـرف الإنتقـام
ولوولت هالأم صاحت يوووه يالوقت اللعين = مارحم روح الأمومه والأمومه مـا تضـام
كيف يا بنتي وانا لك روح مع روحك تلين = كيف أتقبل وانا امك يوم جانـي هالكـلام
صح إنتي في كلامك يـا بنيـه تمزحيـن = صح إنتي ماتغيـر نظرتـك لـي بالتمـام
صح قبل الوقت يمشي قولي انك تكذبيـن = قولي انك للأمومه تلبسين اغلـى وسـام
واقبلت لحظة وداعن تذبح القلب الفطيـن = واحتمى الموقف وضاعن مع بدايات الزحام
هالقلوب الأربعه صارن على مر السنيـن = قصتن تدمع عيون اللـي قراهـا باهتمـام [/poem]

صعب هذا الوصف لكن من فقد له زهرتين
ما أضن انه يقـاوم مثـل باقـي هالأنـام
كيف عاد اللي فقد له اربعن والوضع شين
اربع قلوبن عزيزه ابعدت في ظرف عـام
هن بديره وامهن في ديرتـن والله يعيـن
القلوب الأربعـه بالعـون حالتهـن عـدام

.

.

واحتوتهن في حنـان وسابقتهـا دمعتيـن
دمعة الفرحه بلقياهـن ودمعـات الهيـام

.

.


واقبلت لحظة وداعن تذبح القلب الفطيـن
واحتمى الموقف وضاعن مع بدايات الزحام
هالقلوب الأربعه صارن على مر السنيـن
قصتن تدمع عيون اللـي قراهـا باهتمـام

.

.

مؤلمة لأبعد حد ..

صح لسانك .. وسلم فكرك

تقبل أطيب التحايا .

عبدالعزيز عبيد العدواني

تصوير اكثر من رائع


صح قلبك وكلك


وسلمت اناملك



تحيتي لك

قصيده رائعه

صح لـ سانكـ


تحيه عطره
محمد

.

.


صعب هذا الوصف لكن من فقد له زهرتين
ما أضن انه يقـاوم مثـل باقـي هالأنـام


كيف عاد اللي فقد له اربعن والوضع شين
اربع قلوبن عزيزه ابعدت في ظرف عـام



صح لسانك واحساسك

سلمت ودمت ولاهنت

’’
’

الشاعر المبدع عبد العزيز العداوني:

بصدق هنا قصيدة مؤثرة للغاية
وكلمات غاية في الجزالة
ماأقساها الحياة
وماأشد بطشها بأرواح من يسكُنها
.
.

صح قلبك وكلك .
.

صح لسانك على هالقصيده
ولاهنت
تحياتي لك

قصيده مؤثره وجميله

صح لسانك يا عبدالعزيز

جواهر عبدالله


أهلا وسهلا بك وبحضورك


تحياتي وتقديري