فين الملياردير الي قال حاجيب لاعب عالمي

من كم يوم ظهر في احد الصحف اسم لمنتج يقول عن نفسه انه ملياردير اتحادي وعندو شوية شركات عالمية والرجل عايش في اوروبا وتحدث وقال انا راح ادعم الاتحاد بلاعب عالمي واعتقد يوميها تكلم وقال دروجبا هو هديتي لجماهير الاتحاد

انا طبعا اتذكرت الادمي هذي في الوقت الي الكل يسال فيه عن صفقات الاتحاد
علشان يعرف الجمهور من هو المعدن الاصيل فقط
ويعرفوا ان البلوي ان شاء الله قول وفعل مو زي بعض الشخصيات الي تظهر وتختفي فجاة زي الفلاش
مشكلة بعض الجماهير انه رغم انه البلوي حاليا يعتبر الداعم الوحيد ومن حر ماله ومع هذا ماسلم من السنتهم وكتاباتهم
يعني بدل مايسندوا الرجل ويوقفوا بجانبه عالاقل بالكلام الطيب ويتركوه يشتغل وبعد كدا وفي اخر السنه الجاية يقدموا كشف حساباتهم مو من الان والموسم مابدا ولا حتى الفترة الانتقالية بدات شغالين نقد وتجريح
لابد نكون عقلانيين ونعرف انه الاتحاد حاليا ماعندوا داعم غير ال البلوي ولايملك اي شركة راعية ومع هذا الربع شغالين على هذا الملف فاستبشروا خيرا