ديقاو او كواك ،، يجب رحيل احداهما ،،!!

سلام الله عليكم ورحمة منه وبركاته

كيف الحال اخواني ،، ان شاء الله تكونو بأحسن حآلاتكم ،، زي مافي العنوان ،، وبدخل بصلب الموضوع على طول :laugh:

الحين كم معنا اجانب ؟

اربعه اجانب اكيد ومكتملين ،، واحد صانع وواحد محور ، واثنين قلوب دفاع !:to:


الكل لاحظ ان الهلال عانى كثير لما غاب نيفيز عن بعض المباريات ،، وخلونا صريحين الوسط بدون نيفيز ولا شي !

لكن بوجود نيفيز الهلال الاول هجومياً

لكن الدفاع من أول الموسم واحنا نعاني ونعاني ونعاني ،، من مرشدي الى مسلم الى هوان الى دعيع الى ديقاو والان كواك ..

في اخر خمس مباريات الهلال لم يولج في مرماه ولا هدف والسبب انسجام ديقاو وكواك ،، ونتيجة هذا الانسجام تألق السديري والكل لاحظه والتنظيم الدفاعي العالي ..



بس انا ماشفت فريق استغل خانتين للاجانب في قلوب الدفاع ،، وغلط كبير ان تستغل خانتين من الاجانب لقلوب الدفاع ،، والمشكله بوجود لاعبين لهم عمد في حمل مهام الدفاع امثال الدعيع والحافظ وشراحيلي ،، ويحتاجون الى التوجيه فقط من قبل المدرب الجديد ،، وهو يشوف نفسه في التنظيم الدفاعي ! والدليل ان للمدرب دور في الدفاع ،، شوفو قيريتس ماكان ولا اجنبي في قلب الدفاع ،، وكانت احلى سنوات الهلال معه !!



لذا الابقاء على اجنبي وحيد فقط في قلب الدفاع الى جانب الدعيع أو الحافظ أو مدافع محلي وياكثرهم ويامحلاهم ،، وهم موجودين بكل الانديه ويتمنون اللعب للهلال ،، عندك بدر النخلي ،، ولاعب الزلفي هذاك المولد الكل شافه ،، واسامه هوساوي ،، لاتكون قاسي كثير اللاعب غلط وباستطاعته العوده وارجاع هيبة الدفاع الهلالي في الاعوام 2009 و2010 ،، وايضاً التفاوض مع نادي الاتحاد لـ ضم احمد عسيري لاعب دفاعي شاب صلب والكل يشهد بذلك!!



ثم نستغل خانة الاجنبي الرابع في خط الوسط او مهاجم خلف ناصر الشمراني ،، اذا مثلاً ابقينا كواك في قلب الدفاع بيكون عندنا في خانة اجنبي، ،، نجلب برازيلي جناح يسار او صانع لعب الى جانب نيفيز مثل سيزار لاعب الاهلي السابق او رافينيا لاعب الشباب ،، أو مهاجم ثاني خلف الشمراني مثل فيكتور سيموس !!



البعض بيقول ماصدقنا ينتظم الدفاع ونرتاح وكذا ،، اخوي سبب انسجام الدفاع التفاهم بين ديقاو وكواك ، وبامكان كواك اذا تم الابقاء عليه الانسجام مع الدعيع وتشكيل خط دفاعي نار ونظراً ان الدعيع قدم مستويات جباره في خط الدفاع الهلالي الموسم الماضي،،، والانسجام بيكون عبر المباريات الوديه والتمارين وصدقوني بينجحون زي مانجح ديقاو مع كواك ،، وديقاو ليس بالدفاع الذي يعتمد عليه كلياً ،، ديقاو له هفواته ايضاً وثقيل ومقارب للعب سلطان الدعيع وخلونا صريحين مع بعض ،،




هذا ماعندي وتذكروا ،، اختلاف الرأي لايفسد للود قضيه

والسلام عليكم ورحمة الله وبركاته

اخوكم ابراهيم s13s