اشكرك عل الابيات الجميله

اغنام - ابل - دواجن - طيور

اشكرك عل الابيات الجميله

سلام ياللي بالمراجل ماحدن يلحق مداك
ياللي بيوت الشعر فيك اتجود باالله القوي
انا اشهد انك يابن حمدان ماتخيب من نصاك
مامثلك الا الذيب يومنه ع الرجم يعوي
ياشبه غيثن يوم سما فوق مزموم الركاك
نهتال من سيله وفيّض فوق دار المستوي
ياقرمنا اللي فالوازم شيخ ويذري ذراك
حتى القصايد والمدايح فيك دايم تستوي
احمد ولد حمدان ترفع راس رجالن رباك
كلمة (نعم) هي لك وله في غيركم ماتهتوي
حتى علومك بالكرم يالقرم تحيي لك نباك
هداج تيما اللي على الرواي ماشح الروي
يامنومس المطران بالوقفات ياقاهر عداك
من يجحد المعروف يابن حمدان ماهوب حموي
فيك الوفا فيك الحميا والشهامه مستواك
ون جتك زله ماتسمعها وتطويها طوي
ابا اطلب الله يابوحمدان انه يطول بقاك
وينجيك من صكات بقعا لو يجي فيها دوي
قلته وانا الفديع ابن مقعد وهاجوسي لفاك
بالحق ماجبت القوافي من فراغن فوضوي
وصلاة ربي عد ماهلت مزون من السماك
على الرسول المصطفى واختم بذكرك يالقوي
الشاعر/ الفديع بن مقعد الشيباني
الئ الاخ احمد المطيري

المصدر: منـتـديات أغـــنـام - من قسم: هـمس القــوافــي والخواطر

ha;v; ug hghfdhj hg[ldgi