مستور العصيمي وفلاح القرقاح (ومحاوره المغتره)
محاوره تجمع شعراء من كبار شعراء الساحه الشاعر الكبير
والقدير مستور بن تركي العصيمي العتيبي
والشاعر الكبير فلاح القرقاح القحطاني
في حفل المغتره لعام 1428هـــ في مدينه ابها بحضور امير منطقه
عسير صاحب السمو الملكي الامير فيصل بن خالد بن عبدالعزيز
[poem=font="Simplified Arabic,6,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مستور العصيمي=
ياسلام وتحيه للمقام الرفيع= يامودي لفيصل ودها ودها
تحت سيف العداله كل راس يطيع =والمهمات جاها واحد قدها
فلاح القرقاح=
مرحبا عد مافاحت زهور الربيع =عند امير بنا الامجاد ماهدها
انت ياصاحبي مستور صدرك وسيع =مير عطني علومك وابشر بردها
مستور العصيمي =
بيع واشتر وانا في السوق بشري وابيع=مانريد الامور تزيد عن حدها
يافلاح انت لاتاقف علي كل ريع =تعترض في دروب الناس وتسدها
فلاح القرقاح=
الدليله لو يطول المدى مايضيع=مير خل الجمال تبرك لشدها
ادري ان اليهود اللي مامنها شجيع =ماتحب العرب لا رحم ابو جدها
مستور العصيمي =
قبل تفرش فراشك فوق شوك النقيع=الجبال المنيفه عدها عدها
وان حصل هوشه ماصار فيها فريع=احتزم بالسيوف وحدها وحدها
فلاح القرقاح=
ليت بعض الرجال يراجعون الرجيع =والله ان وسمها بين علي خدها
واحد امن قحطان يقوم في يده ذريع=ينطح ميه من العدوان ويصدها
مستور العصيمي=
اثر عندك من الحمر السواحل قطيع=كل يوم يمر تمر وتعدها
علمك يخصك لحالك مايعم الجميع=كل كلمه تبيها بدها بدها
فلاح القرقاح =
عندي اهل الجميل مناصرين الشفيع= مستعدين بالبارود والا الدها
مايحب المشاكل غير راس صديع =مير مع صاحب مستور لابدها
مستور العصيمي =
يافلاح الوداعه في يدين الوديع =لاتعاين بنص العين وتلدها
ياهل الفكر هاتوا للمطوع شفيع =العرب للعرب مابيحت سدها
قلاح القرقاح=
لاتشوش علي الارسال وانت المذيع = كيف نمزح معك والناس من جدها[/poem]
