تذكرتك وقلبي مسرف الخطوة يبي فرقاك
وفي نفسي بقايا من جروح العام مدفونه
تذكرتك وفي عيني مواري حزن من ذكراك
تلفت يمك الخافق وجاك خطاه مجنونه
وجيتك ثاير العبرة .. أحبك من يقول أنساك
غيابك نار .. من يقوى يشيل النار بعيونه
هلا بايامك السودا .. هلا بالحزن في دنياك
رضى قلبي بتعذيبك أبد مايطلب العونه
متى تفرح بك ايامي متى وشلون كيف القاك
متى هالليل في شمسك يذوب ويختلف لونه
تعبت من التعب وينك تعال ومد لي يمناك
حياتي لا خلت من شوفتك ماهيب مضمونه
