ماش منكم والله .. ( ماش ) للمرة الثانية

-

ايه ماش منكم وش بلاكم ؟
جد حزات اظن انكم تستهبلون ...!
اقول له له له وين هل الكاميرا الخفيه
مب مصدق ان هل الانتقادات من الجمهور هي حقيقة
ابد ابد والله ولاخطر ع هل البال .. كنت اظنها مزحة شينه
بس اشوف الموضوع كبر وماعاد ينسكت عنه ابد ابد
.. تبون عبدالعزيز العنقري ؟
اظنكم مشتاقين له ..
وش رايكم بخالد بدرة ؟
انا بالنسبة لي اشوفه ممتاز لهواكم ..!
رئيس الاتفاق يقول مانيب تارك محمد كنو واعلى م بخيلكم اركبوه
وانتم ي جمهور الانتقاد والاعتقاد تقولون : خالد بن فهد ضعيف
الشباب يقول انه مقرط ب حسن معاذ الواد الفلته ومهب فاك اسنانه عنه
وانتم ي جمهور الاهلي تقولون : فهد بن خالد مايبي حسن معاذ
عجزت افهمكم ..
انتم من جدكم ولا تمزحون ؟؟
اذا كان الادارة تدور ع مدرب فاهم شغله
واكيد هل الشيء يبيله وقت
نطيتو انتم وقلتم تأخرتم اخطاء كل سنة تتكرر ..
اي كلام فاضي ذا ؟
وش جالسين تهذرون بوه ؟
انتم صادقين بالله ؟
اسئلكم بالله صادقين ؟
بيريرا تأخر الموسم الماضي ؟
وينها اخطاء الموسم الماضي هههههه ؟
هههههههههه
جد احسكم تستهبلون والله ..

-
والله عيب ..!
فهد بن خالد يشتغل وتارك اهله واجازته لعيونكم وانتم شاغلين انتقادات وبربره
نسيتو عمر السومة وسرعة التعاقد معه
وقلتم اخطاء كل موسم تتكرر .. ( دافعين من جيوبكم ماعليه )
( ابي اعرف وينها اخطاء كل موسم)

ماش منكم
الوكاد هل الكلام ابي اقوله لهل القلة اللي شغاله انتقادات ..!
انا ابي اشور ع هل الجماعه بنصيحة .. ( اللي م عندهم سالفة بالانتقادات )
بهذا الصباح الرايع جدا والعصافير تزقزق زقزقة مليئة بالحكمة والجمال ..
احب اقولكم .. اعتزلو التشجيع .. مهب شينه ترا افضل للااهلي ولكم