بسم الله الرحمن الرحيم
كلنا فرحنا بأول اسبوعين من الإنتقالات مع 5 صفقات السومه والمقهوي والعمري والعسيري
وكونيونيز !
لين جا أسبوع بعدها مفاوضات جوستافو وهاجي إلخ ودخل الجمهور الأهلاوي مرحلة الشك !
عندي اليوم 3 أخطاء ومثلها نصائح وحلول أعتقد أبسط مشجع أهلاوي فاهم بكرة القدم
يقدر يسلمها للإداره أنا موب عارف 30 سنه تكرار لنفس الأخطاء لنفس العثرات ليه قسم
بالله العظيم ملينا !
الأخطاء الثلاثه
1 - عدم الثبات على مدرسه معينه شفنا 3 مفاوضات مع جوستافو من الأرجنتين وهاجي
من رومانيا أو أوروبا الشرقيه و أليسون بابتيستا من البرازيل أنا أبي اعرف ليه ماتحدد
مدرسه معينه ليه كل ذا التشتت ؟ ثبت على مدرسه معينه جمع الأسماء وابدا المفاوضات انتهى !
2 - سالفة كونيونيز والمماطله والدلع وين رجال الأهلي ؟ الرجال ماطل ألغ عقده نهائياً
بالعالم فيه 680 ألف لاعب رسمي مسجل بالفيفا مافيه إلا بيدرو كونيونيز ؟
3 - المفاوضات ثم المفاوضات أتعب وانا أكتب المفاوضات ! إلى متى صفقات الاهلي يسمسر
عليها غسان واكد وغرم العمري ومن هم على شاكلتهم ؟ الإيجابيه الوحيده فهد بارباع بالنادي
الاهلي واتمنى يمسكونه موضوع المفاوضات بالكامل موب بس توقيع اوراق العقد !
الحلول الثلاثه
1 - سالفة المدرب أعتقد ماعاد فيه وقت نجيب مدرب ويتعود ويتأقلم ويقعد سنه مثل بيريرا
ويمسك الباب تعبنا تجارب نبي شي جآهز وعارف المنطقه والحلول موجوده ماتطلع
عن ثلاث أسماء قابرييل كالديرون - أنجوس - كوزمين أولاريو عقد مالي كبير عقد
سنتين لايتم الإخلال فيه نهائيا تكتسح الدوري و آسيا وانت مغمض موب إختراع
صاروخ السالفه !
2 - سالفة بيدرو كونيونيز أول شي إلغاء عقده المبدئي انا مادري كيف لاعب يماطلك زي كذا
تبيه يلعب بروح بعد بكره بالفريق ؟ خآيرو بالومينو خروجه من عندنا كان لهدف الوصول لكاس
العالم ماوصل الرجال أعرض عليه عقد كبير أعتقد مابيتردد ثانيه أنه يرجع للنادي إلي صنعه !
3 - صانع العاب 5 نجوم مع بالومينو والسومه وإبقاء الأجنبي الرابع خيار للمدرب القادم
إقفال خانه الظهير اليمين بشراء عقد الزبيدي ولاعب أخر ينافسه إقفال خانه المحور مع
كنو ومهاجم خبير مثل يوسف السالم وانتهت السالفه ليه التعقيد والعنطجه الزايده واحتقان
الجمهور الزايد هذا ؟
بالأخير ما اقول إلا الله يعين العشاق تعبنا يالاهلي قسم بالله العظيم تعبنا
اللهم وفق الأهلي فوق كل أرض وتحت كل سماء !
