,
,
,
http://www.up.00op.com/data/visitors...1522020457.gif
مساء الحب والشوق والطيبة والإحساس ,,مساء الصدق بلا ألوان لكل من سيعبُر بوابة نبض روحي ... ويعانق بنظرة عينه البهيية هذا المتصفِح...
جديدي للقلوب الوفية النقية ..
اقبلوها كما هي :
.
.
[poem=font="Simplified Arabic,6,skyblue,bold,normal" bkcolor="black" bkimage="" border="ridge,9,crimson" type=1 line=0 align=center use=ex num="0,black"]
بديت بسم الله الرحمن=أبيات في القلب مكنونه
الشعر في راحتي بركان=أندى من الغيث ومزونه
واصفى من الورد والريحان=وأزهى من الزهر فـ .. غصونه
وأشهى من التين والرمّان=والشهد للي يذوقونه
وأعذب من الطلّ للعطشان=واطرب من الطار ولحونه
واجمل من اللول والمرجان=والماس لمّا يصوغونه
واجزل من فلان ولا فلان=وصعبه عليهم يجارونه
والحين نرجع على العنوان=ونشوف هالقلب وشلونه
ياخافقي والقلوب أوطـان=للحب للعشـق وفنونـه
لايخدعك في الغرام إنسان=كـاذب وكذبتـه بعيونـه
خلّك أصيل ورفيع الشان=لاتقرب النذل وشطونـه
واحذر من الصاحب الخوّان=خلّ الجفا دونك ودونه
قليل من يذكرالعرفان=أو يحفظ الود ويصونه
مره يكون الهوى سلطان=ياخذك باطيافه ولونه
ومره يكون الهوى برهان=لحكاية العشق وظنونه
ومرّه يكون الهوى ميزان=وتلقى مشاعرك موزونه
ومرّه يكون الهوى ألوان=وأطياف وأشعار مجنونه
ومرّه يكون الهوى حرمان=بالصدّ والهجر وطعونه
ولولاك يانعمة النسيان=كان أكثر الخلق مدفونه
أزمان ياخافقي أزمان=ورواية الحب مسكونه
بين البشر في الهوى ميدان=لابد ياقلب يمشونه
العشق له مذهب وفرسان=قليل منهم يعرفونه
ماهو سوالف وحكي لسان=أو لحن طارف يغنّونه
ياليل دانه لداني دان=ومع طلعة الشمس ينسونه
أو سالفة كان ياماكان=من ألف ليله يعيدونه
ولو كل واحد يحط رهان=ياكثر ناسٍ يخسْرونه
والختم يحفظكم الرحمن=وانا لكم حيل ممنونه[/poem]
http://www.up.00op.com/data/visitors...1086578762.gif
.
أمل بنت عبدالعزيز
