يا من يرد الصوت عنه غدا وين
الصاحب اللي يا عرب زين طرياه
ما لي عن الغالين سلوه و تمكين
اللي على كبد الشقي يفرجوا داه
شان الزمان ولا لقينا مسلين
ويلاه يا وقت الردا منك ويلاه
احدن ينام الليل ما يرمش العين
واحدن ينام الصبح من حر ما جاه
ياما بكينا فوق الأطلال يا زين
حتى بكتنا كثر محنا بكيناه
وجدي وجود اللي له اليوم تسعين
عنه غدا أكبر عياااله وخلاه
يالله وحنا صايمين و مصلين
تفرج علينا ضيقة الهم يالله
