مقال أنا وصديقي كوماااار !!
السلام عليكم ... شلونكم ؟
ألوو.. أهلا ياصديقي العزيز كومار . إنته يجي أنا . شتبي ؟ إنته يجي أنا . مايجيب وليمه سيم سيم أول . أنا سوي وليمه. ماشاء الله كومار إيش سوي وليمه ؟ هذا برياني . كومار ليكون فلفل زيادة . لا مافي زيادة سويه قصدك شويه . ترى لو فلفل زيادة أمردغك بالبرياني . إيش أمردغك هذا ؟ سيم سيم أفلام هنديه يجي نفر واحد يضرب 400 نفر :welcoming: ياكومار حتى اللي قال الكثرة تغلب الشجاعة طاح وجهه . كومار طاح وجهك صح ؟ لا مافي طيح وجهي. أها خل يجي البرياني حار وانا أطيح وجهك بالصحن .
مافي سفر إنته ؟ والله ياكومار اللي يسمعك يقول أنا إبن بطوطه كل يوم مسافر والله ياكومار أنا كل مايجي الصيف ودي أجمع اللي يعرسون واللي يسافرون أصفهم صفين ناس أبارك لهم وناس أودعهم :mad2:. عاد ياكومار السفر حلو فيه فوائد كثيرة لكن ياكومار في ناس بالصيف يتهيج ويزأر ويصبح أسدا هصورا , ثم يشتغل مكان صغير بمخه مع النصف السفلي من جسمه ثم يصبح ثورا هائجا يبحث عن مخارج شرعية لكي لايقع بالحرام .والمخارج الشرعية ولله الحمد كثيرة.. زواج مسيار, زواج مسفار, زواج مطيار, زواج متعه , زواج وناسه , زواج سياحي , زواج بنية الطلاق , فأفضل مخرج هو زواج بنية الطلاق يحدد الوقت ثم يشد الرحال الى دول معينة ثم يبحث عن الفقراء ثم يختار فتاة صغيرة ثم ينتشي نشوة البطل المنتصر ثم أنه ياكومار جبان لو مر طيف زوجته أمام ناظريه لخر مغشيا عليه . هو لايستطيع أن يتزوج على زوجته ويعلن زواجه مثل الناس . هذا النوع من البشر ثور هايج يستغل فقر وحاجة البشر ببعض الدول ويتزوج بناتهم بحيث يتم تفصيل الزواج على مدة الإجازة ماأن تنتهي الإجازة حتى يمزق ورقة الزواج كما مزق أشياء بجسد وروح تلك الفتاة . بالصيف ينطلق الكثير من الثيران للبحث عن متعة مغلفة بالحلال (نويت أن أتزوج فلانة وبعد شهرأو شهرين أطلقها) أي زواج هذا ؟ ولأن لهذه الزيجات إنعكاسات إجتماعية وإنسانية مؤلمة فقد أنشأت الحكومة الجمعية الخيرية لرعاية الأسر السعودية بالخارج والتي تعرف إختصار بإسم ( أواصر ) حيث ترعى هذه الجمعية , تخيلوا سبعة آلاف أسرة تركها السعوديون في ثلاثين دولة حول العالم .المضحك أن أواصر حذرت من خلال الصحف المسافرين السعوديين الى الخارج بأخذ الحيطة والحذر والبعد عن سماسرة الزواج مشيرة الى الأخذ بنصائح من خاضوا هذه التجربة . ماشاء الله خوش نصيحة هذا وانتي ياجمعية أواصر متحملة كل غلطات السعوديين بالخارج. يادولة ياوزير الخارجية ياوزير الداخلية لو سمحتوا أي ثور تجي عليه شكوى متزوج هذا الزواج رجاءا ورونا شجاعته أمام أم العيال وبعدها مردغوه بالسجن .
كومار وين البرياني ؟ كومار الله لايبارك فيك أول مره أشوف الفلفل أكثر من الرز كومار هذا الأكل المفروض بالبرد موالحين بالحر إحنا ناقصين حرارة خلقه موسوسين من الحرارة الشعب من يحتر شوي على طول يفكر صابته كورونا.:welcoming:
انت يحب أنا ؟ والله ياكومار مدري .على طاري الحب ياكومار..
هذاأنا .. جالس على دكة الحب
أتابع ..أشواط الغياب الإضافي
على أمل ركلة وصل تنعش القلب
من قبل صفارة.. فراق و تجافي
ليش تسأل ياكومار ؟ عشان انته لازم يهدي أنا بنتلي . كومار مهبول إنت ترى اللي أكل معاك برياني أنا مو الوليد .. والله ياكومار صايره البنتلي الحين مثل وارد عراوي كل شوي بنتلي يمينا وبنتلي يسارنا وإحنا ماغير نتلفت .
كومار أشكر كرمك . وين روح هات ثلاثة ريال حق بيبسي ..مشكلتي ياكومارأغليك ولا أعرف كيف أمردغك .
تحيه لكم . :ambivalence:
