الصحيح من اخبار المليح ... الجزء الثاني من دبله الكبدان
السلام عليكم
ادري ابطيت عليكم ولكن احرتها جيت لا تسالوني ليه اسالو الحانوتي اللي مسوي لي بلك ويقولي لا تشارك بقرابيل
اقوله ليييييه قرابيل حلو يقول ادري بس لا تشارك
المهم لا يكثر
هذا الجزء الاول من موضوعي السابق
وبكمله لكم اليوم
زين
هذا رابط الموضوع القديم
http://www.sfsaleh.com/vb/showthread...&threadid=9617
بسم الله الرحمن الرحيم
................................
سلام شباب .........
انتهينا قبل فتره من قصه عباس في الجزء الاول وخابرين وش صار معه والا ماهو خابر يخبر بهالرابط الله لا يهينه .....
المهم بناء على طلب الكثير من الاعضاء نكمل قصه عباس ...
المهم الولد زي ما قلنا ما نام هاك الليله وهو يفكر ببنت الجيران
والاسئله تحوم ( تحوم والا تدوج ) في راسه هالدبجه المسكين وهو يفكر ولا يدري وش اللي صار .... المهم ثاني يوم راح يم ميمته مزنه وهي قاعدتن تخبز الصبح
وتزين الفطور لهم المهم
ان الدجاج سبحان الله يتفرقع ويتشتت جموعه اذا شاف عباس لانه زي ما تخبرون من الجزء الاول هوايته تنتيف الدجاج
المهم المسيكين جا وقعد عند امه وعيونه حمر وكشته بايهه وعيونه مبقبقه وحالته حاله ... المهم زقرته امه وقالت شفيك رح غسل وجهك جعلك الطاعون ( هذي مسبات قبل طاعون وسلال ) المهم قالها ياياه ( على باله عاشق ) انا غسلت وجهي بس مدري يا يمه مدري شفيني ما نمت البارح ودلى يقص عليها اللي صار معه ومع بنت الجيران اللي بجنبهم ... طبعا هو كان ايامها اجازه العطله الصيفيه وللامانه الولد رغم انه دلخ بس انه كان متوفق بالدراسه .... المهم ما علينا المهم خابرتن ولدها وتعرفه قالت له يا ولدي اخافك سامعن قصه بالراديون والا شئ ( هاك الوقت ما فيه تلفزيون الا عند الشيوخ ) وقمت تتوجد على بالك عاشق قال لا يمه في شين هنيا قام يذيني يطلع وينزل وهو يشر لها على صدره ( لايروح ظنكم بعيد ) قالت له يا ملعونن الوالدين ( عادي ترى قبل الواحد يسب )
هذا انت تحب حبك السلال
( هالمره سلال مو طاعون ) وقالت له خلاص انت هالحين رح اسق البقر وانا اكلم ابوك بعدين نشوف لك صررفه بهالموضوع ... الولد ما اقنعه كلام ميمته المهم راح وسقى البقر وهو يفكر بذيك البنت اللي شلعت قلب قلبه منم جواته ( احلى يالمصري اللي مادري شلون قايل ) المهم افكار وهموم واحزان ودموع وبكاء وقام يتخيلها انه تسقي البقر معه وانها تقهويه الضحى وتخبز له وانها بالليل تفؤرش فراشه ( قوانين المنتدى ما تسمح نكمل ) وانها الصبح تقعده من نومه ..يعني الرجال تخزبق وطاح حب و لا صار يروح يراجع عشان يتوظف وهو على فكره كان مخلص ثانوي ويبي يدرس اول بينما الان فكر بجد بالوظيفه عشان يعني ( تعرفون وش قصده عاد والله لونكم دلوخ عاد ) المهم الولد شغل باله البنت ومار يفكر فيها ورفض رفضا باتا الغدى وقال لامه اسمعي يا ياه يا تخطبون لي البنيه والا ترى ما ارجع للبيت ( الولد جزم خلاص وعزم على الزواج ،،، والله المستعجل ) المهم الولد طلع من البيت وهو مكشر ( عاد شكله غلط ويكشر شلون تجي ذي ) المهم طلع الولد ورمى الكوره بالملعب الاسرائيلي ( اوه شكلي لخبطت ) قصدي بملعب اهله ولو انها تسلل .....
المهم والا اقولكم يالله بكره نكمل والا تددرون بعدين انا طفشت من الكتابه وافكاري نضبت يا شباب يالله باي ....
سي يو
