إســــــتــــــغــــــاثـ ـــه ...
[align=center]بسم الله الرحمن الرحيم
مساء الإيمان
هذه
إســــــتــــــغــــــاثـ ـــه ...
تخرج من خلجات نفسي
كما هي نفوس من يشعرون
بآية إنقطاع القطر من السماء
وقلة الأمطار
أبثها أمامكم
وأرفعها لرب السموات وغافر الزلات
عسى الله أن يرحمنا
ويغدق علينا من بركاته
إليكم
القصيدة
. . . . .[/align][poem=font="Simplified Arabic,6,black,normal,normal" bkcolor="transparent" bkimage="" border="none,6,gray" type=1 line=0 align=center use=ex num="0,black"]
يالله تجيب الخير ياسايق الخير=ياسايق ٍ غر المزون المباكير
أنت الذي وحدك تثير السحايب=يافايق القدره عليك التدابير
ياعالم ٍ خبث النفوس ونقاها=يامنزل الفرقان بشرى وتحذير
عزيز.. جبارٍ.. حكيم ٍ ..مهيمن=رحمان له بالكون حكمه وتقدير
رحيم .. لكنه شديد ببطشه=غفور للي يلحق الذنب تكفير
يامضفي سترك على أهل الخطايا=بعفوك .. وجودك يامليك المقادير
يالله بنو ٍ يروي القاع صيب=غيثٍ مغيثٍ للديار المقافير
سح ٍ .. غدق .. ديموم ..ديم ٍ ونافع=عقب المحل يازين شوف التباشير
يالله يالرزّاق .. ياوافر العطا=لا تواخذ عبادك بذنب المعاثير
صاب المحل ودياننا والمفالي=ولا فيه غيرك يجبر الحال تجبير
يالله كما جاوبت لأصحاب موسى=وغفرت ذنب العبد من دون تشهير
بذنوبنا لا تحرم الخلق يارب=نستغفرك عن كل ذنب ٍ وتقصير
خلقك برجوى الغوث يامنزل الغوث=يرجون مدك بين سجده وتكبير
بهايمٍ رتّع وشيبان ركّع=وأطفال رضّع والعيون المساهير
دعوات من يخشون سطوة عذابك=ويرجون جناتك وشوف التباشير[/poem]
[align=center]((( آمين )))[/align]
