سويت عملية خشمي بالكويت والحمدالله

سلام بنات شلونكم أنا من زمان وانا احوس ابي اسوي عملية خشمي وفي عضوه بالمنتدى الله يعطيها العافيه قالتلي عن دكتور مصطفى بوزيد ورحتله وااي وياحلاته من دكتور أدب وأخلاق واحترام وشغل عدل وتحملني وايد لان انا خوااافه حييل اخاف بشكل موطبيعي واهوه جزاه الله خير حيل حيل تحملني المهم أنا رحتله الاحد اللي طاف وسويت العمليه الاثنين طبعا قعدت من البنج ماكو شي بس كنت عطشانه أبي ماي ولاحسيت بأي شي الحمدالله وظليت قاعده بالمستشفى يومين اهوه المفروض أطلع بنفس اليوم بس عشان انا اخاف قلت اقعد يومين وسويتها بمستشفى المواساة والدكتور ماقصر كان يمر ويشوفني وثاني يوم شال الفتايل بس طبعا بعد ماطلعت روحه وأنا اقوله حطلي بنج وشيلهم مو من صجي انا المهم شلتهم وبعدين رديت البيت ورحت موعدي قبل امس شلت الخيوط والغرز وغيرلي الجبيره ونظفلي المكان ماحسيت بشي الا لمه قام يضغط على خشمي وبعدها حطلي الجبيره وموعدي الاسبوع الياي عشان أشيلها بس انا شفت خشمي كان وارم بس حلو حتى الدكتور يقول سويتلج خشم مافي منه بالكويت والله هالدكتور يستاهل جائزه على تعامله مع المرضى في دكاتره بالهم مو طويل والحمدالله خشمي عاجبني وايد وانشالله اذا خف الورم يصير أحلى نصيحه بنات أي وحده تبي تسوي خشمها تروح حق دكتووور مصطفى بوزيد عيادته بالسالميه وأي استفسار لاتترددون انا حاضر