ازيكوا سنة وانتوا طيبين وبألف صحة وسلامة معلش اتأخرت عليكوا في كتابة الموضوع ده بس انا حبيبت ان معظم
المنتجات اللى هعرضها النهارده تكون من تصويرى الخاص اما المنتجات اللى خلصت فاضطريت اجيب صورتها من النت فده خد وقت شويه منى ...عايزة انبه لنقطة مهمة جداا فيل بداية الموضوع .. تساقط الشعر مش علاجه امبوبالت او كريم او لسيون علاجه هو انك تعرفى السبب الرئيسي والحقيقى لتساقط الشعر لانك مهما استخدمتى من امبولات قويه وفيتامينات وعلاجات كتير مش هيجيب نتيجة الا لما تعرفي السبب وراء التساقط هو ده اللى هيعالج التساقط ..فمنجريش وراء اى علاج الا لما نحدد سبب تساقط الشعر وطبعا في مواضيع كتير جداا بتتكلم عن
- اضطراب الهرمونات وده بيحصل في فترة البلوغ واثناء الحمل وبعد الولاده ودى فترات لازم تعمل شويه لخبطة كده واول ما بتعدي بيرجع تانى الجسم لحالته الطبيعيه فكل العلاجات اللى بتتاخد في الفترات دى بتكون عوامل مساعدة بتقلل من فقد الشعر لكن مش بتوقفه .
- اضطراب الغدة الدرقية وده يا اما بزياد افرازها او بنقصه وفى الحالة دى لازم يتاخد علاج لتنظيم افراز هرمون الغدة الدرقية وبتتعرف بسهولة جدا من خلال تحليل دم.
- الدايت او الانيميا طبعا الانيميا مش معناها نقص الحديد بس والدايت مهما كان متكامل وتحت اشراف خبير تغذيه لازم بيعمل فقد لعناصر فيتامينات مهمة جداا في جسمنا والانيميا طبعا هى عبارة عن نقص الحديد وده معناها نقص المواد اللى بتوصله للدم وده بيتعرف بتحليل صورة دم كاملة مع نسبة السيرم ايرن والفريتين.
- التعلبة وفقدان الشعر في مناطق معينة من الفروة اللى اسمها alopecia ده غالبا بيكون بسبب اضطرابات ومشاكل جهاز المناعة وفى الحالة دى البوصيلات مش بتكون ماتت او ضمرت عشان كده مع العلاج الدوائى المناسب الى بيتاخد لتحسين وظائف جهاز المناعة الشعر بيرجع تانى ينبت ويرجع لحالته الطبيعية وكمان الزيوت زى الخروع والجوجوبا والثوم بتساعد على تنشيط البوصيلات ده بجانب الامبولات او علاج الشعر.
- حبوب منع الحمل او بعض العلاجات اللى بتتاخد لعلاج امراض معينة بيكون من اثارها الجانبية تساقط الشعر .
- الوراثة ودى ليها علاجات تانية خالص بس برضه الامبولات اللى هيتم عرضها بتكون عامل مساعد في العلاج
بالنسبة لشعرى ومشاكله مع التساقط انا عانيت من التساقط لسنين وده كان بسبب الانيميا وسوء التغذية مع سوء التعامل مع الشعر من صبغات وكوي استخدمت الامبولات ومنتجات تساقط الشعر على مدار 5 سنين ولحد النهاردة انا لازم مرتين في السنة استخدم امبولات لتقوية البوصيلات ولتتقيل الشعر او تطويله وده طبعا من الرعب اللى شفته قبل كده ومش عايزاه يحصل تانى ..وباخد فيتامينات طول السنة مع راحة شهرين في النص بس مع تغيير نوع الفيتامينات بعد كل مرة .
اللى بيقول الفيتامينات بتأثر على الجسم ده حقيقى لما بتتاخد لمدة طويله مش بيكون كويس على الكبد بس الشهرين اللى بوقف فيهم الفيتامينات بيكونوا كافيين جداا انهم يعملوا التوازن ده في الجسم وبعمل تحليل انزيمات كبد مرة في السنة عشان اشوف الاخبار ويفضل ان يبقى فيه متابعة مع دكتور باطنة.
حاجة تانية الشعر بياخد وقت بيمتد لسنين عشان يستعيد عافيته وصحته وتقله وطوله خصوصا للناس اللى حالة الشعر صعبة من تساقط او شعر خفيف او قصير خالص بتحتاج مش اقل من سنتين عشان تشوف شعر مفيهوش تساقط وتقيل وطويل شويه ..لكن علاج التساقط لوحده بيمتد من 3-8 شهور حسب شدة التساقط والسبب الأصلى لحصول التساقط ده
معلش مقدمة طويلة بس كان لازم تعرفوا سبب التساقط عندى وطريقة استخدامى للامبولات وليه بستخدمها عشان ده هيفرق معاكم لما اعرض الامبولات اللى جربتها لان ده رأي شخصى عن تجربة شخصية فردية يعنى النتيجة اللى حصلت معايا ممكن جداا تختلف من فتوكة للتانية فده مجرد عرض للامبولات اللى جابت نتيجه او مجابتش معايا ...
الشعر بيتساقط من 50-100 شعرة مع كل مرة تسريح فده معناها ان التسريح اكتر من مرتين مش كويس للشعر ودكاترة كتير بتقول ان الشعر ممكن يتساقط لحد 150 شعرة ده طييعى جدا
الامبولات
فيه امبولات بتعتمد المواد الفعاله فيها على تحفيز مرحلة الاناجين وهى المرحلة اللى بيعد فيها الشعر اكتر مدة من المراحل التانيه فبتزود من عمر الشعر زى اناستيم في حدود 280 - نابورا 480 - فيلابورجينى 320
بتتحط 3 مرات في الاسبوع كل مرة 2.5 سم لمده 3-6 شهور
بتتحط 3 مرات في الاسبوع زى اناستيم بس انتى المفروض تاخدى بالك من الكمية لان مفيهاش خطوط لتحديد الكمية زى اناستيم
لسيون فيلابورجينى -اناجين بلس
بتتحط مرتين في اليوم كل مرة 2.5 سم عنى 5 سم يوميااول 3 شهور بعد كده مرة واحده ل 3 شهور تانين
الثلاثة بيستخدموا لنفس الغرض تساقط الشعر وبيركزوا على مرحلة الاناجين اقوى واحده فيهم هى نابورا 10/10
يجى بعديها فيلابورجينى 9.5/10
بعديها اناستيم 9/10
سوير بيعتمدعلى الثوم لتحفيز وتنشيط البوصيلات من خلال الثوم وده سعره في حدود 170
وده بيتحط يوميا بالتوزيع على فروة الرأس موقفى من سورسير غريب وده لان اختى جربته وكان عندها فقدان شعر من قدام عند الجبهة من فوق كدا وسورسير نبت فيها شعر وشافت النتيجة دى بعد اول ازازة منه ...لكن انا جيت جبته وحصلى حاجه غريبة جداا انه زود تساقط شعرى فمش بنصح بيه حتى بالرغم من انى شفت نتيجته على اختى فانا اديله 5/10
لسيون بيعتمد على مادة الكافيين والنعناع مع بعض الاعشاب والفيتامينات وعشان كده بينفع كمان للرجال بيحفز وبينشط البوصيلات وسعره في حدود 150
بيتوزع على الفروة يوميا وفعلا بتحسى بتنشيط فظيع للفروة اول ما تحطيه بيقلل من التساقط وبيقوى بوصيلات الشعر تقييمى ليه 8/10
امبولات بتعتمد على الروزمارى والاعشاب وبعض الفيتامينات زى لينور في حدود 500
اكرينال امبولات بتعتمد المواد الفعاله فيها على دهون ومغذيات عنق الحصان في حدود 280
اكرينال في منها اللسيون بس طبعا الامبولات تركيزها أعلى الامبولات ملمسها زيتى اوى بالرغم من انى فروتى وشعرى جاف بس كل ما كانت الامبولات زى الميه بتكون احسن في الامتصاص وهما حتى قايلين انها لازم تتغسل بعدها بيوم لنفس السبب فمحبتهاش عشان كده لكن هى بتقلل التساقط كتييير وبتزود سمك الشعرة وتقويها اديلها 8/10 وبتتحط بطريقة معينة اول علبة 3 مرات فى الاسبوع لمده شرين وبعدين مرتين فى الاسبوع لمده شهرين كمان وبعدين مرة فى الاسبوع
امبولات بتعتمد المادة الفعالة فيها على TRICOSACCARIDE وبعض الفيتامينات زى فولتن سعرها في حدود 235
فولتن بتغذى الشعر جداا وبتقويه وبتقلل التساقط وكمان بتقل الشعر وفى منها فولتن فوم ده تركيزه اقل شويه من الامبولات بس سعره احسن في حدود 130 ومناسب للاستخدام لفترات أطول بتتحط 3 مرات في الاسبوع لمدة 3 شهور بعد كده مرتين بس لمدة شهرين او 3 كمان تقييمى ليها 9/10
الو بانتين بيعتمد على B-complex ومادة البانثينول والصبار وبعض الفيتامينات بيقوى الشعر ويغذيه ويقلل التساقط وده سعره في حدود 10
بيغذى وبيقوى الشعر فعلا بس بيحتاج وقت طويل شويه للناس اللى عندهم تساقط توسط او شديد وبيحط يوميا على فروة الرأس لمده لا تقل عن 3 شهور وبعدين مرتين في الاسبوع لحد 3 شهور كمان وتقييمى ليه 8/10
لسيون فيفادول امواد الفعالة فيه بانثينول وبعض الفيتامينات والزيوت بيقوى الشعر وبيطريه وبيحميه من العوامل الخارجية من جو واتربة وبيفك التشابك سعره في حدود 30
بيتحط على الفروة والشعر من 3-5 بخات بس عيبه الوحيد انه ملمسه زيتى شويه وده مش مفضل اوى للفروة خصوصا الدهنية لكن غير كده هو كويس اوى وتقييمى ليه 8/10
مفعولها بطىء شويه للتساقط وبتنشف الشعرتقييمى ليها 7/10
الكريمات الطبية
بيتحط بالتوزيع على الاماكن الفاضية او الخفيفة مرتين يوميا للفروة العادية والجافة او مرة واحده للفروة الدهنية
بيأثر في تتقيل الشعر أكتر من التساقط تقييمي ليه 9/10 واللى زيه فيفدول كريم بينفع اكتر للتقصف والجفاف وتقييمى ليه 9/10 وروتاج 8/10
فايتو 9 كريم بيتحط على الشعر نفسه للهيشان وتطاير الشعر وبيغذى الشعر نفسه سعره في حدود 90
تقييمى ليه 8/10 لان سعره غالى وبيشتغل على الهيشان بس لكنه بينفع جدا للفتوكات اللى شعرهم دهنى بس عندهم شويه جفاف او هيشان لانه مش بيلزق ومش بيكون ليه اى وجود على الشعر
تقييمى ليه 6/10 لانه بيلزق الشعر وبياخد وقت لحد ما الشعر يمتصه
اتمنى ان الموضوع يعجبكم ولو في اى استفسار انا معاكم والموضوع الجاى هيبقى عن الفيتامينات المقوية وفيتامينات الشعر واكيد زى كل موضوع احب ان اى فتوكة ليها تارب سواء مع انواع المنتجات دى أو غيرها تقولها وده لزيادة الافادة لكل
