أعماااامي وأسلوبهم معنا بلييز مساعدة
السلام عليكم
الله يعافيكم عندنا عماني أخوان أبوي علاقتهم معنا صراحة أبدد مو عاجبتني , خاصة واحد من عماني تعامله مع أبوي(أبوي حاليا أكبر واحد بعد ماتوفى اللي أكبر منه ) مافيه أي احترام لمجرد أن أبوي أحيانا يطر يتسلف منه ووكذا فتصير مشاكل بينهم وشكلهم حاطينها فيننا احنا العيال وأمي أحيانا خاصة أنا وأختي إذا جينا عندهم يصيرون نفسيات مرات ترحيب ومرات تحسين انك ثقيلة وسطهم مع أن أنا و أختي الكل يشهد أننا أدب وذرابة
عييييب والله مررة يقهرني هالشي حنا بنات أخوكم كونه موو بنفس مستواكم المادي هذا مايخليكم تعاملونا كذا , مررات يتكلمون عنه بأسلوب زفت وأحيانا ويعنني انه أو امي محتاجينهم أو ماعندهم زي خيرهم مع ان أمي ماشاءالله ماديتها حاليا مررة حلوة , فيه كثيير مواقف معهم سيئة ذاك اليوم دخلونا أنا وأختي للقروب واتس اب مسوينه أول مادخلنا قام عمي هذاك عصب لييش تدخلونهم ذولي كنا مرتاحين ؟؟؟؟ لييش طيب حسبي الله ع بليسك لا والقروب هذا هم مسوينه من زمان ومدخلين فيه عيالهم كلهم الا أحنا ؟؟؟ صح قاموا عماني الباقين عليه عيب عليك يافلان ووكذا
وبعد فيهم صفة كلهم مع بعض يشتركون فيها انهم يتشاركون أسرار بيتهم وسوالفهم مع بعض خااصة أبوي نخطط ع شي أو كذا فجاة نلاقي اهله كله يدرون ,
هم عندهم فكرة أن الزوجة دائما لازم تراكض ورى زوجها وتراضيه وأنا أمي موظفة ودوامها طويل شوي
ويبغاله شغل فتقصر أحيانا في البيت ونلاقيه وصلهم السالفة من أبوي فيجلس كل واحد يدلي بدوله لأبوي فيرجع لنا مشحون
والشي اللي يقهرني أمي مااااتعرف الله يصلحها شلون تتعامل مع هذا كله ومع أبوي تجيني أحينا تشتكي أهديها وأنصحها ولمن تسويه يمشي أوك ولا غالبا سكوووووووووووووووت اقولها يمه السكوت مابحل لك شي دائما واذا تصرفت ولا تكلمت تخربها الله يهديها ذاك اليوم مثلا أبوي عصب علشان مواعين المطبخ وهي كانت مرة مشغولة وأنا واختي عندنا مذاكرة احنا بالجامعة والدراسة يبغالها شدة حيل فقام يسب ووكذا وهي ساكتة تكمل شغل قلت لها يمه خير ليش مارديتي عليه كان هديتيه شوي وقلتيله انوو عندك شغغل وبناتك عندهم مذاكرة ومافيه شغالة تعاونا والمفروض انه يراعي شوي الحمدالله أبوي متعلم موب جاهل بيفهم بس امي مدري شلون تقول أنا متعودة أسكت وذاك يوم عمتي تقولها عندي ملابس عيالي البزران قدييمة اللي كبر بناتك (عندي خوات صغار) اذا كنت تبغينها قامت أمي سكتت وانا اطالع بعمتي وهي تطالعني وتلف لأمي يوووه يوم رجعنا البيت بغيت انتف شعري أقولها يممه خيير ان شاء الله شلون تسكتيييين لها وش شايفتك احنا صدق موب في مستواهم بس مووو لهدرجة عاااد
زيارات أمي لبيت عماني مررة قليل حتى أبوي من يوم واننا صغار علشان كذا يمكن لم أجيهم أحس اني طالعة عند بيت ناس و بالنسبة لعلاقتي مع بنات عماتي ثنتين منهم علاقتنا قوي ونطلع مه بعض ودائما أززف أسلوب عماني قدامهم وأضحك لأن في تصرفات عن جد مضحكة يعني في العيد لمن نجي كاشخاات ووكذا مايعجهم عاد هم نصير أفضل يبدء عاد مسلسلهم ههههههههه كانكم تكلفتوا ومالواداعي وهم يجون بلبس ايي كلام والشعر طاير مو مستشور ومافيه مكياج وولا عمرنا علقنا عليهم بس أقولهم أنا أحب كذا ولا اتكلم لا عليهم ولا عيالهم بس يجني ضحححك عييب وش تحسون
لا ومتعلممين بعد الله يخلف
عماني فيه واحد منهم يعاملون زوجته زي امي وأخسس بس هي ذكيية ومن تحت لتحت خلت العيال مررة كاسبين أبوهم مع انهم اغلبهم مبزرة فعلاقتهم مع عماني وعماتي حلوة خاصة ان ابوهم كاش فعماني مايلاقون شي يتكلمون فيه عنه يعجوني بس ماينفع أقارن لان ابوهم مرتاح فقدرو يكسبونه انا ابوي حاولت معه بس ماقدرت تماما لان دائماتوتر وكل شوي طالع وأحيانا يعصب ويضرب مع الاسف مع ان عمي كذا برضوا بس مدري شلون عياله كسبوه الميزة الوحيدة فأبوي أن مستحيل يسب أمي بوجودها قدام عماني ودائما يقولنا أمكم أحبها
بلييييييييز علموني شلوون أتعامل معهم ووش نصايحكم لأمي /أبوي ؟
سووري طولت عليكم فيه وكلام كثير الله يعطيكم العافية :eh_s(7)::eh_s(7):
