مقايضة حسن معاذ بمحمد ابوسبعان والخاسر الاكبر الاتحاد؟

بسم الله

حنا ما ندري وش صاير بموضوع الاجانب والمحليين وكلنا ثقة بالادارة وابوثامر لكن نقول اراءنا الغير ملزمة لادارة النادي على اللي نعرفه ونشوفه والخيره في م يختارها الله وهم ادرى

ومثلما نسمع ان الاداره قد تتعاقد مع حسن معاذ بدفع مبلغ مالي ولاعب هديه فوق البيعه واكيد البلطان بيغلي سعر هذا اللاعب العادي وبيفتك منه على حسابنا واذا صدقت الشائعات ان اللاعب اللي بيروح هديه هو محمد ابوسبعان

# وللحقيقة عندي تساؤل هل حسن معاذ راح يحل مشكلة الاتحاد الازلية في الظهير الايمن؟

اعتقد ان حسن معاذ لاعب عادي جدا في الجانب الدفاعي وحتى فالجانب الهجومي
الايجابية الوحيده فيه تسديداته القوية اما غير ذلك سئ لا يعرف يرفع ولا هو من نوعية محمد قاسم بامكانه يسحب في لاعب ولاعبين وغير كذا ما عنده انتماء او تقدير للشعار اللي يلبسه وهذه مهمه لازم تاخذ بعين الاعتبار وايضا مزاجي او بالمعنى الصحيح عبيط زيه زي اغلب اللاعبين السعوديين

نأتي الى نقطة محمد ابوسبعان كلنا نعرف ان ابوسبعان لاعب ممتاز كنا متفائلين فيه انه بيشيل خانة المحور مع معن خظري وجمال باجندوح لسنوات وماندري وش اسباب انخفاض مستواه هالسنه هل هي ظروف خاصه بالاعب اشغلته ذهنيا برى الملعب

المهم والمغزى من الكلام ان الاعب عنده الامكانيات الفنية اللي تبقيه في النادي وصغير سن واللي صبّرنا على حمد المنتشري يصبرنا للموسم الجاي على محمد ابوسبعان يمكن يرجع مثل اول ونكسبه من جديد والخوف نفرط فيه ونندم مثل ما ندموا الشبابيين على مختار
وان مارجع لمستواه ننسقه والا نبيعه هي هيه ما حنا بخسرانين حاجه ما فرقت الهديه عن التنسيق .

وارجع لتساؤلي الاول هل حسن معاذ راح يحل مشكلة الاتحاد ؟ برأيي انه لا لذا نجيب هل الاعب ابراهيم هزازي نمشي به الحال للموسم الجاي يمكن يطلع لاعب سعودي نابغه في مركز الظهير الايمن ونجيبه ونفتك من هذا الصداع الازلي
وابراهيم هزازي اشوف انه افضل من حسن معاذ في كل شئ , دفاعيا جيد ورفعاته جيده ومشاركته الهجوميه لا بأس بها وانتماءه للشعاره مواصفات الظهير الايمن الجيد متوفره فيه
وبتكون هذه فرصته الاخيره واكيد بيعطي كل ما عنده وبيعطي فوق طاقته مهو يلعب شهر وشهرين ويدلع يقول والله خلاص طفشت ما ابغى جده ابغى الرياض ودوني للهلال والا اسوي حاجه في نفسي اسمم نفسي والا انتحر فالحمام اقطع وريد يدي بالموس

واذا جبنا ابراهيم بيمشي حال الخانه ورخيص سعر وما حنا مضطرين نهدي ابوسبعان هديه
والنادي عليه ديون ومطالبات لاتحتمل واللاعبين المحليين ما يستاهلون اكثر من المليونين في الموسم الواحد فالافضل اعطاء الملايين لمن يستحقها وهم الاعبين الاجانب وعلى حسب احتياجات الفريق من المحليين جلب شباب ورخاص وتسديد متاخرات لاعبينا عشان يفرغون انفسهم للتفكير فالملعب ويقدمون اللي مطلوب منهم وازود

وهذا حديث ابراهيم هزازي ابعد ابراهيم هزازي ارضاء لبنو هلام وليس لمستواه وعلى العموم الاعب عجينه تشكلها الادارة بيدها بامكانها توقعه على اتفاقية تلزم الاعب على الابتعاد عن المشاكل وتحفظ حقوق النادي

https://www.youtube.com/watch?v=Vrdz8RTZrjU


وفي الختام الخاسر الاكبر هو الاتحاد والرابح الاكبر هو الشباب ..

( مجرد رأُي )