رسالة لكل بجريه

رسالة حق كل بجريه

السلام عليكم

حبيباتي وخواتي البجريات انا ابيكم انتوا مخصوص تقرون الموضوع واهوا عن الولادة

اي شي تسمعونه عن الولادة او اي شي تقرونه قطوووه بحر

مو معناته ان وحده ولادتها صارت متعسرة يعني انتي بتتعسرين موقريتي قصص بعد ان في بنات ولادتهم سهله وسريعه ليش ماتقولين ولادتي بتكون سهله وسريعة

تفائلوا بالخير تجدوه

وبقولكم شي الفحص ((( ماااا يعووور )) ولا (( يذبببببح )) لاتخافون انا كنت بجريه نفسكم وخايفه من كثر ماسمعت وشديت بس لما رخيت ماحسيت بعوار

لاتشدين ومايعورج صدقوني ولو في الم فبسيط ومحتمل مع الاسترخاء ماتحسين وادري بتقولون يقولون يعور اي عورهم لانهم شدوا وصايحوا رخي وعادي الامور ولاتتحلطمون بالولاده يفحصون وايد ترى ضروري يجيكون عليج مو عشانهم ولا مستانسين عالوضع ههههههه لا صدقوني عشانكم وعشان مصلحتكم

بالله بعرف شلون حملتوا ؟؟؟ مو من جماع ؟؟؟ تقريبا نفس الشي سوري عالتشبيه بس ابيكم تفهمون


والولادة ترى شربه ماي مو يعني سهله وماتعور لااا يعني بتمر سريعه بغمضه عين حتى لو طلقتي يومين من تشوفين البيبي بحظنج بتنسين كل الالام وبتحسينه حلم لا وذكرى حلوه بعد

انا احاول اتذكر الم ولادتي ماني قادرة اتذكر المواقف اللي هبببتها واضحك واتذكر طلعه ولدي واضحك

وترى الحريم اللي يسولفولج عن الولادة محد بيقولج هالكلام كل من بيقول تخوف وصعبه واهيا تلقين ولادتها سهاله محد يعلم الناس تخاف من العين مو قصدي بنات المنتدى منتدانا ياحلوه وكلنا خوات وصريحين مع بعض قصدي رفيجات الدوام القرايب

والحين الحمدلله في ابره الظهر وفي الكمام و في ابره العضل الحمدلله شتسون لو بزمن امهاتنا اول وعليه عليهم الله ياجرهم وياجرنا معاهم

ماقولج ماكو الم ولا تعسر فيه بس وانتي تحسين بهالألم ذكري روحج ان هذي لحظه وبتمر وبتروح شوي وتخلص انا كنت اسوي جذي وهذي لحظه ألم وراها لحظه فرحه كبيره وبتصيرين أم وبتفرحين وبيفرحون فيج اهلج وزوجج وبتسوين استقبال والناس بتيين بتفرح فيج

لاتفكرين بموت ولا من هالسوالف لعلمج ان اللي يموتون بحوادث نسبتهم اكثر من نسبه اللي ممكن تموت بالولادة يعني بعيد الشر عنج احتمال تموتين بحادث سياره اكبر من الولادة .. ماراح تركبين سيارة ؟ امبلى .. وشنو بيكون ردج ( اللي الله كاتبه بيصير ) حتى بالولادة او اي عمليه ثانيه اللي الله كاتبه بيصير الله كاتبلج بتكون سهاله او متعسره او مضاعفات هذا مكتوب عليج و الحمدلله وترى الطب متطور مو نفس اول وكل ماله يتطور وبيتطور اكثر ان شاء الله



تبين طبيعي حولوج قيصري او قررولج قبله لاتتضايقين اهم شي مصلحتج ومصلحه البيبي وترى الشق والخياط فيج فيج سواء قيصري او طبيعي فرق المكان بس ههههههه

اهم شي الدعاء والاستغفار واقري المعوذات والزلزله بماي زمزم وشربيه ومسحي على بطنج وادعي الله انه ييسر امورج ولا تفكرين قولي السهاله من ربي الله يسهل علي

واذا خايفه من العوار اخذي ابره ظهر تهبل انا خذيتها او اطلبي من دكتورتج مابي احس بشي يخدرونج تخدر ياكثر الحريم اللي ولدوا واهما نايمين يقعدونهم يقولون مبروك ولدتي بس انا احب اشوف البيبي فافضل ابره الظهر وبإذن الله برد وباخذها رحمه من ربي الحمدلله

والولادة ذكررررى حلوه قوليلهم يصورونج بكشتج عادي هههههه بعدين تشوفينها تضحكين

[استمتعي بولادتج ] صدقوني لاخلصتوا عقب جم شهر بتضحكين لما تتذكرين

وبالنهاية اتمنى من كل وحده ولدت او جربت الولادة لاتخرعون البجريات بروحهم مساكين خايفين لانهم ماجربوا الولادة وبالنسبه لهم شي مجهول واكيد كل انسان بفطرته يخاف من المجهول

سولفولهم عن لما حطوا البيبي بحظنكم شنو خربطتوا بالكمام كفختي ريلج اختج السستر ههههههه الكمام حلو يهبل جربته قبل الابره واو عالم ثاني عشقته < هذي عني انا هههههه صج عشقت الكمام

واتمنى الحين من كل بجريه انها تبتسم وتنطر موعد ولادتها بكل شوق بيكون اهم يوم بحياتها اليوم اللي بتصير فيه ( أم ) عسى الله يرزق كل محروم ومحرومه الذريه الصالحه ويسعد قلوبهم

هذي اجمل لحظه بحياتج تشوفين ضناج اللي شلتيه 9 شهور ببطنج ويرفسج وتحاتينه وتركضين من طبيب لطبيب ومن سونار لسونار وكرشتج جدامج وثقلانه بس عشان تتطمنين عليه وحبيتيه قبل لاتشوفينه وشريتيله احلى هدوم خلج قويه ومتفائله وسعيده وساعدي دكتورتج والسسترات عشان يطلعولج هالنتفه اللي اخذ او خذت قلبج

وترى انا اللي قاعد اكتب الموضوع ولادتي كانت متعسره والله نجاني الحمدلله بس متفائله وهم اقول ذكرى حلوه

واتمنى الحين من كل وحده ولدت وجربت الولادة تقولنا اللحظات الحلوه بولادتها وشعورها اول ماشافت ضناها تشجيعا للبجريات

وادعولي الله يسهل علي حمالتي وولادتي ويهديلي ولدي ويخليه من الصالحين والبارين ويطول بعمره وعمر زوجي ويهدينا لبعض




هذا الموضوع انا كاتبته ( انتيكا ) وخاص حق منتداي كويتيات وما احلل نقله لمنتدى ثاني