( راكــان متكــبّر )

[align=center]
أحد شاف راكان بن بدن يالربع ، الكبر لله يابن بدن هههههه
من الراس للقرطاس :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

يا اصحابنا الشعار منكم نبي شور=حلّت على روس القصايد مصيبه

أشواركم يا اهل المواقيف بالدور=كلٍ يورّد ماحوا في قليبه

نبغى شهادة حق مانقبل الزور=موضوع مايدخلْه شكّه وريبه

راكان متكبّر بعد صار مشهور=قفّل تليفونه وطنّش صحيبه

وأنا على راكان مانيب مجبور=لكن أحبه ياعسى الله يصيبه

أول معي صاحب وشاعر ومغمور=واليوم أشوفه قايدٍ له كتيبه

كبْر علي راسه بعد حط جمهور=يا مصدق اللي قال دنيا غريبه

صحيح متمكّن ومبدع ودكتور=ويطوّع أبياتٍ لغيره صعيبه

لكن عطوني ياهل القاف ناظور=بدوّره يالله عساه الذهيبه

اقسم بربي ماني بمنْه مقهور=لكن أحبه ياعسى الله يصيبه[/poem]




(ياعسى الله يصيبه) استغفر الله ، استغفر الله ، استغفر الله[/align]

الراااائع

معيوف

ابدعت والله وامتعت بهالجزله يالجزل



أول معي صاحب وشاعر ومغمور
واليوم أشوفه قايدٍ له كتيبه
كبْر علي راسه بعد حط جمهور
يا مصدق اللي قال دنيا غريبه


ما اعرف من يكون راكان

لكن الكبر لله يا معيوف

وأكيد تتفق معي بأنه خصله غير مستحبه

خصوصاً خصوصاً لمن لا يستحق أن يتكابر ناهيك عن يتكبر

دائماً مبدع يالجزل

[align=center]
معيوف الدوسري
ـــــــــــــــــــــــــ ــــــ
صح لسانك وقلبك

تسلم يمينك

جعلنا ما ننحرم من إبداعك يا معيوف

دمت وسلمت !
ـــــــــــــــــــــــــ ــــــ
أخوكـ/خالد
[/align]

الاملاء شي هالمره يامعيوف

صح لسانك على هالقصيده ..اما مضمونها ما اعتقد ان الكبر في راكان ولو بنسبه قليله

بس تدري بتصل عليه وارد لك علم

تحيتي

الشاعر المميز : معيوف الدوسري
صح لسانك وسلم فكرك
وأما خويك فأنت أبخص به
وهو أبخص بك
وان ماخاب ظني فـ القرين بالمقارن يقتدي
.
.
لا عدمناكم يا اثنين والله يديم المحبة والأخوة بالقلوب
.
.
مودتي بنكهة دهن العود

معيوف الدوسري

انشهد انك ابدعت

صح لسانك لاهنت

لك تحياتي

/
معيوف
صح قلبك وفكرك

وراكان انت ابخص فيه
هههههههه

وتسلم

/
كونوا بخير

إيه متكبر .. حتى ماعاد شفناه بالمنتدى

:مزون:

وصح نبضك وكلك يامعيوف .. ولاهنت

اقسم بربي ماني بمنْه مقهور
لكن أحبه ياعسى الله يصيبه





(ياعسى الله يصيبه) استغفر الله ، استغفر الله ، استغفر الله

معيوف الدوسري

والله انك تحبّــــه دعيت عليه وعوّدت واستغفرت هع هع

عسى الله يحفظه ويرجع لك حبيبك يامعيوف ^_^

وصح السانك يالقرم مليووون ولاتهون

تحيتي لك / مشاعر حالمه

أخوي ابو مبارك

صح لسانك واعتلا شانك وبيض الله وجهك

رايعه ووافيه من وافي وننتظر علم الوافي راكان

لك فائق احترامي وتقديري

ارررررحب يامعيوف


اخذتني فالطوشه رحت اجاريك ونسيت ارد على مشاركتك


هههههههههههههههههه


صحيح متمكّن ومبدع ودكتور
ويطوّع أبياتٍ لغيره صعيبه


كفو ابومحمد شروى كاتبها

صح لسااانك يالدوسري

ودامه متكبر اتركه عنك هههه

لاهنتتتتتتتتتتتت


النااايف

الشاعر معيوف الدوسري

صح الله لسانك

والله لايفرق الأصحاب

وراكان ماهي من عوايده البعد

عن رفقته والله لايفرقكم

تقديري .

اخوي فايز اليذال

حياك الله الخطاء مني كتبت راكان بدون ذكر ابوه الى بعد مارديت

وراكان هو راكان ابن بدن اشهر من نار على علم


ولاهنت طال عمرك على مرورك الدائم وهاذا من مايزيدني شرف

أبومبارك


صح لسانك وبيض الله وجهك

جزل وشهادتي فيك تقطر دم

وأنت صادق راكان من تالي مقفل جواله

لا والله أبو محمد قابله ربه والشهرة زاهيته

وتستاهل أنت وياه كل علم طيب


تحياتي لك.......,

معيوف الدوسري..

صـــح لسااانك وعلا شاانك..

قصيده رائعه..

تحيتي..