غزوة بن حثلين على مطير - يالله يامنشي السحاب المزابير
بـسـم الـلـه الـرحـمـن الـرحـيـم
(( غزوة ابن حثلين ومعه اربع قبائل على اربعة بيوت من الهوامل من مطير))
الغزاة :
1/ العجمان بقيادة ابن حثلين ومعه اهل الكسب من :
2/ بني هاجر
3/ بني زعب
4 / المناصير
5/ المرة
مطير وهم اربعة بيوت للهوامل :
1/ فالح ابن السبيعي
2/ جبر بن سميران
3/ ابن وريدة
4/ طريف المويس
وذلك ان غزى ابن حثلين ومعه اهل الكسب من القبائل المذكورة اعلاه يريد مطير فساقه
الله عند عيال السيالي وعندما رأى الغزاة الابل اعتقدوا انهم وصولوا العرب فجعلوا مجموعة
خلفهم تبقى للمساندة وساقوا عمارهم يبون الابل فاخذوا اباعر طريف المويس وعندما
صاحوا رعيانها يستفزعون باهلها ركبوا في اثرها وكعادة ابناء السيالات يجن جنونهم
عند الابل واستطاعوا ان يفتكوا اباعرهم ويحتمونهم بعد ان جندلوا الكثير من الفرسان
مما اضطر ابن حثلين الى ان يصيح بقومه ويدعوهم الى ترك الابل بقولته المشهورة
(( ماهذا بهوش رجال هذا سوق عمار )) .
وقد خلد ماضي بن هليل الهاملي هذه الواقعة عندما رثاء جبر بن سميران متذكراً فعله
الشهير في هذا اليوم :
يالله يامنشـي السحـاب المزابيـر
ياقايـده لارضـاً وبامـره سقاهـا
تنبت على مـدلاج سيلـه نواويـر
وانواع نبته تطـرب اللـي مشاهـا
ابكي جبـر خيـال تـال المظاهيـر
زبـن الثبـار اللـي رديـاً غذاهـا
خيـال قطعانـاً اقتفتهـا المقاهيـر
ترعابها الشقـح الطفـوح بهواهـا
ليازم نبتاً بيـن الاجنـاب ومطـيـر
ترعـى بخـداً مارعـت بقصراهـا
قد لم أبن حثلين زعــب ومناصيـر
وجمع بني هاجـر يعـرض ونخاهـا
وأستلحق المره على الشر والخير
و أهـل القنـازع دايـريـنٍ دواهـا
و تباشـروا يامـن جونـا معـاييـر
ربعـاً نبيهـم سبرهـا ودلآلآهــا
و سند مع الصمان يقـدي طوابير
هب الشتـاء والخيـل زان معداهـا
طبـوا حراويهـا وكـزوا مداويـر
و السبر جاء عجلان واللبل لقاهـا
و تعندلـوا بمعسكـرات المساميـر
الصبح قبـل الخـد ينشـف نداهـا
و لفوا على ربع ٍعصاتـاً مناعيـر
ماهـم بهـل ذلـه ولحـداً نواهـا
فرساننـا مـا يسنـدون المعاذيـر
هـذي عوايـد خيلـنـا بقبـلاهـا
تمـاوج ٍباطـراف قطـم المواخيـر
مقدار حمس البـن عجـلٍ سواهـا
و تساهجن ولـدالا صيقـه مدابيـر
الكـل تذكـر سابقـه وش عطاهـا
وسـام ينخاهـم بسـام المشاهيـر
تغايبـوا مـا منهـم اللـي ثناهـا
يبكي يبي شوفـة هلـه بالجوافيـر
كب الجـواد ولبسـه اللـي زهاهـا
خيل المعيض وردت وراحت مصادير
تشرب حميم و صدرت في ضماهـا
راحن بهم هـراب ولهـا معاصيـر
جاها جبر وبـن السبيعـي حداهـا
ماشـد جيبـه فـارعٍ بالـدواويـر
يعرف إليا ركـب المحالـه رشاهـا
و من غب كونه يلعنون المشاويـر
راحت عجم كسرى حساهـا وراهـا
