ابي اتطلق

السلام عليكم حبيباتي

مادري من وين ابدى مشكلتي
انا عمري 22 متزوجه من 4 اشهر تزوجت زوجي واهو عمره 27
مشكلتي من تزوجت وانا حاسه نفسي مو مرتاحه من داخلي كله اتظاهر اني مستانسه ومرتاحه ومشكلتي حيل كتومه يعني لا اهلي يدرون عن حياتي ولا رفيجاتي ولا اي احد من دون مبالغه اذا اهلي اسالوني ها شلونج مرتاحه مع ريلج اقول اي الحمدلله بسسسس من غير اي كلمه زياده ولا اي تفاصيل اغير الموضوع

المشكله ان زوجي طيب وتقريباً حنون بس عديم المسؤوليه البيت الله وكيلكم ما يقعد فيه ، من ثاني شهر زواجنا يقعد من النوم الظهر او العصر ويطلع ع طوووووول من البيت يروح لربعه وما يرد الا 2 او 3 الفير وزياده ، بالبدايه سكت عقب ما قدرت استحمل وكلمته بالموضوع يقول شسوي عندي اشغال ولازم اخلصهم ولمن اساله شنو اشغالك يقول مريت رفيجي ورحنا نسوي السياره عقب رحنا الحلاق بعدين رحنا الشاليه ورديت يعني وين بروح ولي يومكم هذا واهو ع هالمنوال ، يقول شتبين فيني كل شي موفره لج بالشقه ( لاني ساكنه عند حمولتي ) واذا مليتي تنزلين عند اهلي وتستانسين معاهم !!

من بعد شهر العسل ولااا مره قال شرايج نتمشى اليوم نطلع ! او نتعشى برى .. بالبدايه كنت استحي اتشكى لكن عقب ملييت وصرت احن عالطلعه ولا طلعنا جنه مقروص يبي يخلص بسرعه

و غير هذا دوامي بالجامعه ما يوديني يخلي سايق اهله يوديني وتعالو شوفو قطة الويه لمن اقول لخالتي ابي السايق
ومرات يكون اليايق مو موجود واظطر اني ما اداوم واهو حضرته نايم او يكون في دوام ..

حيل تعبت معاه ما كنت متوقعه الزواج جذي وغير هذا اهو شهادته متوسطه ومعاشه مو ذاك الزود نص الشهر يفففلللس واذا عندي مناسبه ولا شي ما اروح لان ما يكون عندي فلوس غير اعانة الجامعه اهو مرات ياخذ مني للبنزين وللمصروف !! يعني كلش مو حلوه ريال ياخذ من مرته مصروفه .. والله مو تمنن ولا شي لكن كل وحده فينا اكيد تحلم بهذاك الريال اللي يصرف عليها ويعيشها ملكه.

و لهالاسباب وغيرها من الاسباب افكر بالطلاق لاني تعبت امثل اني مرتاحه وانا من داخلي مو قادره ارتاح
ادري اني غلطانه وحيل تسرعت قبل الزواج وحيل ندمانه خصوصا ان اخوي نصحني وقالي كلش ما يصلحلي هالريل بس انا عاندت :(
و علشان ما اظلمه اهو فيه صفات زينه طيب واحسه يحبني وكريم اذا كان عنده مايقصر
بس انا مو راضيه اتقبله كلش حتن من عقب الزواج حيل ضعفانه ومتغيره الكل يقول شفيج شكلج تعبانه


شورو علي يا الحكيمات اتوكل ع الله و اطلب الطلاق ولا لا :(

واسفه ع الاطاله