وجهتين نظر ...

السلام عليكم ورحمة الله وبركاته

بعد انتهى موسم متعب جدا" وعثرات وانقسمات اتعبت الكون الهلالي ولازالت حتى الان ولاكن ابختصر في كلامي في وجهتني نظر واتمنى مشاركة الجميع سوا" في نقد او حتى تآييد

اولا"

صاحب السمو الملكي الامير عبدالرحمن بن مساعد لاحظة شنة هجوم من الجماهير الهلاليه على هذا الرجل ونسينا وش قدم وش سوا للكتيبه الهلاليه اولا" الرجل ماقصر اعاد بناء المنشاءه الهلاليه وجلب عقود للنادي وساهم في انشاء المتجر وكان يسمع من الجمهور ومعهم في اكثر الاوقات اي شي يبيه الجمهور كان يسويه وماكن يمن على اي احد فينا وكان يسويه وهو ساكت وكان اي لاعب يرغب في الهلال كان يجيبه بغض النظر عن اسامه هوساوي + احمد الفريدي الي كانو يدورون الماده قبل الكيان وبعض الجماهير الله يهديهم كانو يبون الامير يوقع معهم حتى لو مايبون النادي ؟؟؟ اي شخص مايرضها لو كان مكانه والان بيجلب عقود للنادي مع بعض رجالات الهلال ليكون اغلى نادي سعودي فـــــ اي مشجع هلالي اتمنى منه يقف مع هذا الرجل العظيم ( ومالعظيم الا الله سبحانه وتعالى ) وبغض النظر عن الاخطاء الي وقع فيها الا ان الاشياء الي سواها تغطي عن اخطائه وكلمة حق تنقال بيض الله وجهك وماقصرت وكلنا معك ياابو فيصل

ثانيا"

بالنسبه للاسطوره والاخ سامي الجابر صح انه اعطي فرصه اكثر من غيره وصلاحيات ومع ذالك ماحالفه النصيب هاذا الموسم وصح انه اخطاء في عدة امور ولاكن لايبرر لنا انه ماكان يشتغل او ماسوى شي بالعكس كان فيه فرق بينه وبين المدربين الي كانو قبله صرنا نشوف بعض المسات في الكتيبه الهلاليه ولاكن لكل مجتهد نصيب وشفنا مورينهو يعتبر الاول في عالم التدريب ومعه فريق من المع النجوم في نهاية الموسم لم يحقق شي ولاكن لم يحارب من قبل الجماهير بالعكس وقفو معه وراح يساندونه حتى نهاية عقده مع تشيلسي وبالذكر مورينهو هو اول مدرب يطبق الخطه الدفاعيه بتكتيك المرتده ولاحظنا انه طبقت عليه نفس الخطه ومالقى حل للخطه والتكتيك الي ابتكره وخسر 2-0
طبعا" الي خلاني اذكر هالشي للبعض العقول الي يقولون سامي مالقى حل للفرق الي تقفل ملاعبها

في النهاية عندي 3 نقاط ابي اختصر كلامي فيها

1- اتمنى من الاداره الهلاليه برجالتها يعطون المدرب سامي فرصه ثانيه لسبب مهم وهو ان الكتيبه الهلاليه داخله في البطوله الاسياويه واي تعثر فيها راح يطلع الفريق من البطوله وراح يتآثر في الدوري وماراح يستعيد مستواه الا في نصف الموسم او نهايته طبعا" لو جلبنا مدرب جديد انا في وجهة نظري ماراح ينجح لانه بيحتاج وقت وبيغير في التشكيله الهلاليه والتكتيك وبنكون الخاسر الاكبر خصوصا" بعد ماتعودو على طريقة العب

2- اتمنى من المدرب سامي الجابر اعطاء الفرصه الكامله للاولمبي الصاعدين ال ( 6 ) فهم اجدر من بعض اللاعبين الي يلعبون اساسي في الفريق وشفنا عبدالكريم القحطاني وهو مصاب ولعب وفي المقابله قالها بالفم المليان كل شي لعيون الهلال وشفنا الكعبي في دقايق كيف يخترق وسريع ويتمركز صح ولا ننسى الشامخ والصانع و الدعيع

3- اتمنى استبدال الاخ فهد المفرج بـــ عادل البطي لان عادل مشاءالله عليه فاهم وعنده الشي الكثير الي يقدر يقدمه ويساعد مدربنا سامي و محبوب من اكثر الاعبين والجماهير حتى .

اسف على الاطاله ولاكن هاذا ماحبيت ان اشارك فيه مع الجمهور الهلالي واتمنى من كل هلالي ان يدعم الصاعدين من الاولمبي لان بعض الاساسين يعتقد ان مافيه زيه ولاكن راح يكون للصاعدين كلمه وراح اذكركم فيها وكما اتمنى المشاركه سواء" في النقد او تآييد وانا كلي صدر رحب واتقبل اي شي

ولكم مني اجمل تحيه .....