اقاله سامي الجابر مؤكده بسبب هذين الشخصين واعطيكم .. الدليل

للآسف تمت اقاله الكابتن سامي الجابر
البارحه تم الاجتماع مع اعضاء الشرف وابدوا استعدادهم لدعم الكابتن سامي واستمراره
وكل المؤشرات تشير للاستمراره ،،
حدث مالم يكن بالحسبان اتصال من الامير محمد بن فيصل على احمد بن سلطان والضغط
عليه لاقاله سامي الجابر لانه حالياً هو من يدعم الهلال ورئيس اعضاء الشرف ورئيس النادي
مايرفضون له طلب .
كلنا نعلم ان احمد بن سلطان صغير بالسن ولا يتدخل امور النادي
لكن واجه ضغط كبير من محمد بن فيصل ونواف بن سعد
وان كان الضغط الكبير من محمد بن فيصل
هذا خبر مؤكد واتحدى الرئيس ينفيه .

محمد بن فيصل يكره سامي كره العماء
واعطيكم الدليل /
بعد انتقال احمد الفريدي للاتحاد صرح محمد بن فيصل انه لو كان موجود كان مافرط فيه وقال بالاخير انا ماني قريب من النادي مااعرف وش مببراتهم
وسأله ماجد التويجري
هل ابتعاد سامي عن الفريق اثر عليهم لم كان مع اوكسير الفرنسي
جاوب وبدون تردد :: لا هههههههههههههه

انت تقول ماني قريب من الفريق والحين تقول سامي لم يؤثر مع ان مستوى الهلال وقتها سيء
كيف تجي هذي

وكره محمد بن فيصل معروف ل سامي ولا يحتاج نقاش وامورة مع سامي شخصنه لا اكثر

نواف بن سعد
هو الاخر يكره سامي والله من عرفت ان الاجتماع بمنزله توقعت الاقاله
وهذا يكره سامي لكن بدرجه اقل من الاول واكبر دليل تقديمه الاستقاله بسبب قرار سامي
بعدم جلوس اي واحد بالدكه غير الاعبين والاجهزة الفنية
هههههههه

والله لم استقال وقتها قلت لصاحبي مثل الطشه على

وش الفائدة منك والله ان محمد الحميدان باشهر قليله افضل منك ويدعم النادي ويدافع ولاحظ اسمه مافي كلمه امير وانت لا تهش ولا تنش صورة فقط .

اقاله سامي امور شخصية لا اكثر
والسبب بعدم اقالته البارح ممكن عبدالرحمن بن مساعد يبي يشوف رده فعل الجماهير
لكن الاقاله لا محاله لان عبدالرحمن من السهل يفرط بسامي ولا يفرط باحمد بن سلطان
واكبر دليل / سامي بالتويتر شال كلمه مدرب من حسابه

بودي لو كان عبدالرحمن بن مساعد شجاع
وواصل على كلامه واستمر مع سامي الى الموسم المقبل ياهي نهايه حلوه لنا او خسارة واستقاله

بسألك سؤال يارئيس النادي /
لو تمت اقاله سامي وجلب مدرب عالمي ومميز وطالب بابعاد نفيز وفشل في البطولة الآسيوية
ماراح تستمر وعضو الشرف الي نايم ب لوس انجلس راح يكون اكثر الاعضاء سعاده باستقالتك

اعضاء شرف الهلال /
حالياً من المفترض من رئيس النادي لا يلتفت لهم لانهم لا يدعمون ولا يمتلكون نظرة فنيه

السنه هذي اقل سنه اكون متحمس للبطولة الآسيوية احس شيء فقد بالفريق
حتى تياقو نيفيز استغرب من اقاله سامي

كلمه اخيرة /
ممكن يتراجع رئيس النادي عن الاقاله لضغط الجماهير والاعلام الهلالي لكن من العار استمرار سامي الجابر مدرب للزعيم بعد هذا التقليل منه
وصمه عار على جبين رئيس النادي واعضاء الشرف ورئيسهم ماحدث بأقاله اسطورتنا