فضفضة من الغبنة

بدخل بالموضوع بدون مقدمات لأني مغبوووووون ، كلنا عارفين ان سامي كانت بدايته مع الفريق متواضعة او متعثرة خاصة بالدور الاول من الدوري والأسباب تنوعت مابين نقص الخبرة عنده وضعف الحراسة والدفاع وغيره ، لكن بالدور الثاني تغير الحال وبعد ماتعلم الكوتش من أخطائه وبعد ترميم الخط الخلفي والفريق ما انهزم بالدوري الا مباراة وحدة فقط ونافس على بطولة الدفع الرباعي الى النهاية حتى بكاس ولي العهد خسرنا بهدف خطأ في مرمانا وبلنتي غير صحيح ، وبالبطولة القارية تأهلنا من المجموعة الحديدية وحنا متصدرين وتأهلنا الى دور الثمانية ، بعد كل هالوقائع باين ان الفريق ماشي صح والموسم القادم بياكل الأخضر واليابس بعد توفيق الله . فعلى اي أساس تتم الإقالة ؟؟ ومعليش انا متأكد ان اغلب جمهور الهلال ما عاد تملى عينه البطولات المحلية لان خلاص تشبعنا منها المطلوب والطموح هو آسيا فقط يعني حتى لو جبنا مدرب عالمي وبدأ الموسم وطلع من اسيا محد يقدر يلومه لأنه جديد على الفريق . تعيين سامي كان مغامرة فليه ما نكملها !!! عشان ما اخذ لا دوري ولا كاس !! من متى كان الدوري والكأس طموحنا ! ان صح خبر الإقالة اتمنى من الادارة توضيح الأسباب بشفافية وبدون دبلوماسية