ليلي قاعده جنب الخيمة ومددة رجليها وبتعمل ضوافرها وحواجـ...... ولا بلاش هههههه كفاية الضوافر
( ضوافر إيديها مش رجليها )
(يدخل قيس) [align=right]ليلي لقيس : قيس إبن عمى عندنا ... يا مرحبا يا مرحبا
قيس : ليلي يا إبنة العم ما أحلاكي وسط البادية كالدر تتلألأين فيـ .....
ليلى : تتلألألين مين يا ابن المسطولة .. أنت هاتعملى فيها شاعر ياض النبي عربي يا مان
قيس : قشطة بالمهلبيه عليكي يا مؤة .. قوليلي المخفي أبوكى فين ؟
ليلى : فى الكافيه نت .. وبعدين إحترم نفسك إيه مخفي دي .. ده برضه عمك .
قيس : ولا يهمك يا قشطة يعنى أحنا هنا لوحدنا ؟
ليلى :أه يا واد أوعى تكون هاتعملي فيها مؤدب ؟
قيس : المفروض يعنى أبقي مؤدب ولا أنتى شايفه إيه !!
ليلى : شايفه إيه ياروح أمك....والأدب اللى نزل علي أمك ده من أمتى .. ما أنت عمال تعك في كل خيمة شوية .. جت عالخيمة دي وهاتعملي فيها خضرة الشريفه ..
قيس : لا مش القصد بس أنـ.......
ليلى : ( تقاطعه ) وحياة ابويا لو سمعت إنك عكيت في أى خيمة تانية لا أكون مولعه في اللى جابوك بجاز وسخ
أنت مش عاملي فيها شريف يا ابن أم قيس ؟ خليك شريف للأخر بقا ..
قيس : إهدئى يا ليلى ( ويطلع من جيبه سيجارة ويمسي علي ليلي) مسائو قشطة يا عسل...خديلك نفسين !!
ليلى : ( فى دهشة ) أنت بتحشش ياض يا قيس؟!!
قيس : يعنى .. إضربى يا شيخه إضربى
ليلى : ( تأخذ نفساً عميقاً من السيجاره ) دي ملوخية ناشفه يا عبيط...بيستكردوك يا كرودية
قيس : ملوخية إيه يا وليه....إنتى إيه اللى فهمك في الكيف
انتى أخرك تعملي دماغ شربات ومش مغسولة كمان هههههههه
ليلى : بتضحك يا روح أمك .. طب أستني وأنا أجيبلك حتة حشيش في الجون علشان تعرف إنهم بيستكردوك صح .
قيس : طب لما نشوف !!!
أبو ليلي خلص الساعتين نت اللى كان حاجزهم وراجع الخيمة : ( يدخل الخيمة ويفاجأ بوجود قيس) قيس!! ... هنا ولوحده مع ليلى ... وامصيبتاه ... يالا لوعة القدر
....( أبو ليلي لقيس ) إنت بتعمل إيه هنا ياض؟ !!!!!!!!!!!
قيس : أنا كنت جاي عايز حتطين حطب لزوم البارتيتة بتاعت النهارده .
أبو ليلي : ومابتشتريش حطب ليه يا روح امك .. مفلس !!
قيس : لا يا عمي بس ما أحلي حطبك وخصوصآ من إيد ليلي
أبو ليلي : ليلي .. هي فين ليلي .. أنتى يا بت يا لييييييييلللللللللليييييي ييي
ليلى : ( تدخل وفى يدها تربة حشيش ) أبى ...ماالذى أتى بك مبكراً يا حاج...إنت مش قولت هتقعد 3 ساعات؟
الأب : أصل أم نخعوان أوف لاين وأنا زهقت من الشات قولت أجى أقيل شوية وساعة العصريه أبقي أروح تكون أون لاين .
إيه اللى في إيدك ده يا بت !!
ليلى : دى تربة حشيش هاديها لقيس لزوم برتيته النهارده يا دادا
الأب : ( فى ذهول ) ياللعار!! ... من أين أتيتى بها أيتها الفاجره الماجرة الناجرة العاجرة الـ......؟
ليلى : خلاص يا عم الحاج ماتخافشي دا من الخزين بتاعى .... الحشيش بتاعك لسه بلفتٌه
الأب : ( فى راحة نفسية ) أة .. إذا كان كده معلش
ليلى : ( تعطى الحشيش لقيس) خد يا قيس جرب الصنف دا وعيش حياتك
قيس : أشكرك يا ليلاه يا إبنة عماه
الأب : ( لقيس ) بقولك أيه ياقيس .... إنت مش ناوى تتجوز ليلى قبل الفضيحه ما تبان
قيس : وده ينفع برضه يا أونكل؟
الأب : خسئت يا إبن الملوح...
سكلتك أمك واللى جابت أمك هات ياض تربة الحشيش اللى خدتها خسارة في جتتة أمك
قيس : ( يديله الحشيش ) إمسك ياعم إنت هتذل إمى بحتة الحشيش بتاعتك..
الأب : ( لقيس ) إمشى ياض إطلع بره خيمتى يا كلب
قيس : تصبح على نقاله ياعمى
الأب : أغرب عن وجهى يا كلب
أأأأأه كلبي .. كلبي .. قصدي أأأأأأأأأأأأأه يا قلبي
ويغمى عليه في الحال[/align]
************
فكرة الموضوع منقولة مع بعض التعديل الإيطاليونى
