انا مابي الوصال اللي يوطي الراس ويذله
[poem=font="Simplified Arabic,5,black,bold,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
انا ماني بعبد(ن) لك.. ولاني هايب(ن) شرواك=على مثلي تجر السيف يامجنون.. وتسلــّه!
تخوفني من فراقك ! تبيني اشتكي فرقاك=ولي من غبت عن عينك تسوق الدمع وتهله
تماطل في مواعيدي.. وتوعدني ولا القاك=وانا اللي سقت لك عهدي على طول المدى كله
وش اللي صار لك فجأه ؟ تغيّر كل شي بدنياك=تجافيني وتهجرني وانا اللي علتي عله
تبي تقطع حبال الوصل.. لابو من هو اترجّاك=انا مابي الوصال اللي يوطي الراس ويذله
خساره يوم انا قلبي ومن دون البشر ناداك=وظنيتك حبيب(ن) له تعاف الغير وتحله
نعم حبك محبة صدق.. لاخانك.. ولا جافاك=غديت النبض في جوفي.. وتسوى عالمي كله
وغرّبت العمر لاجلك.. مشيت بدنيتي لرضاك=عطيتك فوق مايعطي محب ويبذل لخله
عليك آفتح عيوني.. واغمضها على ذكراك=ولو مني تبي عمري اقول لخاطرك شله
حشا ماعاتبك قلبي.. ولا لامك ولا عاداك=يسوم العمر في حبك.. يلم الشوق ويفله
يبست من العطش وانته ترجّع خطوتي عن ماك=تُرد اللي هوى حبك غدا له شمسه وظله!
انا وش حدني اقبل عذابي في الهوى لولاك=انا مدري يهون الحب في لحظات وتمله
وانا وش حدني ارسم خيالي فيك واتمناك=مدامك في الهوى ظالم.. وزله عقبها زله
حلفت اليوم ياقاسي لقطـّع صورتك وانساك=وعهد الحب لي بيني وبينك في العطش بلـّه
تعذّب كثر ماودك.. ولملم حسرتك وياك=صراخك مايرجعني.. تعرف الدرب وتدله[/poem]
