نخييييييييييييييييييتكم

السلام عليكم ورحمة الله وبركاته


طلبتكم منكم طلب الاسبوع الي راح والحمدلله ماقصرتوا

بس انا الي قصرت بشرحي وجبت العيد لخبطت وحوست شكله احد صكني عين على الممتاز:11ctor::11ctor:

انا عارفه انكم كريمين وانا استاهل ابي اطلب منكم طلب صغينون

درسي الاثنين الجاي عن العجائن وتحديدأ العجين الدسم البسكويت ((اللانكشير))

ابي منكم بس افكار للمقدمه كيف اوصل المعلومه للبنات ويستنتجون منه اسم الدرس

وياليت تتكرمون وتعطوني افكار لوسائل تعليميه

وكيف اقدم البسكويت

تحياتي لكل من تكرم وقرا موضوعي

وعليكم السلام ورحمة الله وبركاته

دره

أنتظري ارين

صراحه انا ماعندي فكره !

اهلين فيك أختــي ..
واتمنى اكون جيت بوقــتي ..
والشكر كل الشكر لحمره الورد ..


يؤ يؤ شجاااك ياقلبي ..؟؟

ولايهمك راح نفزع معاك هالمــره ..وربي بيسر لك ..

شوفي درسك عن البسكويت ..
اولاً راح اكلمك عن التهيئه ..عشان يستنتجون البنات درســك ..
مره كنت حاضرة لوحده من البنات واعجبتني تهئيتها طريقتها حلوه وسهله ومتميزه ..

جابت كرت كبير وخلته كأنه بطاقه دعوه ..طلعت وحده من البنات تقرأها البطاقه
وكتبت جوها اني انا فلانه ..اتشرف واعزمك طبعاً اكتبيها باسماء عشوائيه بس اهم شي رلاتكون هالاسماء موجوده بالفصل عشان تنجنبي التعلقيات من البنات..
المهم اكتبي انو فيه عزيمه شاهي وابيكم تشرفوني ..الحين ترجعي لطالبتكم وتحاكينهم
عزيمه الشاهي شو نحط فيــها ..؟
الان انتي اخذتي طريقه الاستفسار في تهئيتك وطرح السؤال
طبعاً راح تجيك اجابات مختلفه لحد ماتوصلي للبسكويتات
قوليلهم اليوم درسنا نوع من انواع البسكويتات ..وصديقني التهئيه مو تقليديه ومتميزه ..
وبعدها ادخلى بدرســك ..


بالنسبه للوسائل ..انا ماعرف درسك يحتوي على إيش ولا عندي فكره ..
بس ممكن مثلاً انواع العجاين بلوحه كأنك تسترجعي معاهم ..
حطيها بلوحه على شكل جيوب وكل جيب فيه نوع عجينه ..تطليعها وتقرأها البنت ..
وحطي الجيوب بألوان فرحيه احمر اصفر مثل هالاشياء صدقيني تجذبهم

انتي عطيني بس فكره مختصره عن الادوات اللى معاك وبأذن الله اعطيك وسيله ترضيــك ..

الشي الأخير اللى طلبتيه طريقه التقديم ..

طريقه التقديم من اسهل الطرق واميزها شوفي جيبي صحن كبير وحطي عليه مناديلين لونين مختلفه بشكل مثلثات ..وبعد تقطيع الكيكه صفيها على الصحن بشكل شوي فيه أبداع ..
وحطي جنبه كأس عصير ليمون مثلاً وحطي ليمونه على جنب الكأس ..ولبسي الكأس من رجله اكسسورات خفيفه ..
وأفرشي منديل كبير وحطي عليه صحنك وكأسك ..ووممكن اتضيفي فازه فيها ورده من نفس الالوان او تحطي حوض اصغير وبجواته سمكه وهذا سبق وجربتها ..
شكلها متميز وفيها فن وهي بالاساس سهله وماتتعبك ..

والتقييم النهائي ممكن اتجيبي صور بسكويتات من النت وتكتبي وراها وتخلين السحب عشوائي
او اذا اتحبي جيبي علب المقادير اللى استخدميتها وحطي عليها الاسئله كفكره مستوحاه من الدرس ...


عموماً ياقلبي هذا اللى عندي الحين واتمنى اكون افتدك لو بلقيل ..
والله يوووووووووفقك وييسر لك درسك ...

واي شي مو فاهمته آمــري بس ..

اي خدمه ثانيه أمري ..


موفقه يــارب

دعواتنا لك ..

ღ حمــ الـ H ــورد ـــرة ღ مشكوره على المرور

ارين مشكوره من كل قلبي


بالنسبه للمقدمه حلووه وعجبتني بسويها انشاء الله


اما الوسائل قولي اي شي عادي مستعده اوفر الادوات لانه التربويه متوعده تقول لازم شي مميز

اما التقديم وش رايك اقدم شاي مو هذا الي مفروض يقدم مع البسكويتات


وفكرة التقييم حقت المقادير مره رايقه


مايامر عليك عدو

بس ياليت تفكرين معايا بافكار ثانيه ابيها تمسح اللخبطه الي سويتها بدرسي الي راح

ولاتحرمينا من ابداعاتك

تحياتي لك

اهلين فيك دره وبعودتك ...

جميل اني افدتك بشي بسيط ..

وبالنسبه للتقديم ممكن اتحطي معاها شاهي ..افضل ..راحت عن بالي هاذي ..

حطي لك كوب شاهي نفس لون صحنك ..وخلي تقديمك متميز لان اكبر درجات ع التقديم ..
انا افضل اللون الابيض لو عندك ...وحطي المناديل ملونه ولو بتحطي ورد خليه برضو نفس الوان المناديل ..

خلصنا من المقدمه والتقديم والتقييم ..

باقي الوسائل ...

انا طلبت منك موجز لدرسك عشان اعرف ايش تحطي ..
بس شوفي انا راح اقولك ..
ليش ماتسوين حركه جديده ..بدال ماتحطي مقاديرك ع الطاوله وتشرحي فيهم ..

جيبي لك جذع شجره لو تقدري ...وحطي كل علب المقادير تتعلق عليها
وبعدها مثلاً اطلبي الفانيلا وخلى بنت تطلع لك من بين المقادير المعلقه وهذا راح يحسب لك هدف حركي برضو ..وفيه مشاركه البنات ..لما البنت تطلع لك العلبه اللى طلبتيها طلعي بنت ثانيه تقرأ فايده بسيطه عنه تكوني انتي لااستعديتي فيها قبل باوراق عندك ..
وتكوني جمعتي بأشياء كثيره في درسك وشاركتي البنات انهم يطلعوا المقادير ويعرفوا فؤائد بسيطه عنها ..وابدأ بطبخك ..
صدقيني ماراح تلاقي عليك مشرفتك شي تتكلم عنــك ...
كل البنود اللى قدامها انتي صلحتيها ...

ةاهم شي خلك واثقه وانتي تشرحي أتكلى على ربك ولا عليك من أحد ..
بس تسمعي صوت طيري عينك بأدب بالبنت ولا ترفعي صوتك ...


وممكن كمــان اتحطي لوحه وتحطي عليها علب فاضيه من مقاديرك وتثبت على اللوحه ..
وتحتها تكون ورقه فيها الفايده عنها تفتحها البنت وتقرأها ..اخاف يتعبك الغصب ..

المهم تجيبي شي خارج الكتاب ...من مراجع لان المراجع عليها درجــات ..

واممممم

والله بــراسي افكار كثيره بس هذا اللى احسه يناسب درســك ...

ويارب من تخلصي درســك تدعيلي من كل قلبــك ..

واكون افدتــك ..

واذا مافهمتي علي قوليلي ....


بس ننتظرك بعد درســــــــــك طمنينا ..

وربي يوفقك دره ..ويسهلك ويفتح علــيك يـــــــــــارب ..

والله شلت همــك ...

موفقه ياقلبي ...

مشكوووره ارين الحين ابحوس بفكرة جذع الشجره حقت عرض المقادير بعدها


ابحوس بفكرتك حقت التقييم وبعلمك وش صار علي

تحياتي ارين الله يوفقك ويفتحلك ابواب رزقه ويرزقك الي في بالك