مسآء الخير بحكم إني رآيق عشآن إختبآر اليوم كآن سهل بكتب قصته ,,,
وعسى الله يسهلهآ على كل طآلب وطآلبه وييسرهآ على كل محتآج ومحتآجه ,,
ويفرجهآ على كل مهوم ومهومه ,,
,
في البدآية كآن لي صديق آخر شفته أيآم ثآلث متوسط ,,
فرقتنآ الحيآة وكل شخص رآح بطريقه ,,
أنآ وآصلت الثآنوي وهو رآح المعهد المهني الصنآعي ,,
مرت السنين وتخرجت من الثآنوي ونسيت من هالشخص بسبب ظروف هالحيآه ومستقبلهآ ,,
وبالصدفة قآبلته في زوآج هالكلآم ممكن قبل سنتين ,,
شكله كآن جدآ سيء ووآضح عليه الهم ,,
طول فترة الزوآج كنت جآلس معه يوم شفته تذكرت أيآم حلوه عشنآهآ سوى ,,
وبدأ يحكي لي من يوم إفترقنآ إلى تلآقينآ ,,
مر بظروف صعبة جدآ وفآة أبوه نكرآن آخ وأصبح مسؤول عن أم وأخوآت رغم صغر سنة ,,
المهم سألته طيب كملت درآستك قال أي أبشرك عندي شهادة ثانوية صناعية قسم ميكانيكا ,,
وعندي خبرة في السيارات ووو .. إلخ
قلت طيب وين شغآل الحين ؟
قآل مدخل بيانات براتب يمشي الحال في شركة ,,
لما قال لي إن عنده شهادة صناعية وخبرة تذكرت وآحد من أخوياي في شركة عبداللطيف جميل ,,
وماسك منصب حلو هنآك ,,
قلت طيب عآدي تعطيني صور شهاداتك قآل أبشر وقبل أسآفر أعطآني كل شهاداته ,,
وسلمتهآ لخويي وقآل إن شآء الله خير معدله حلو وخبرآته حلوه بحطه في قسم الصيآنة لو حب ,,
والرآتب بعطيه ضعف اللي يستلمه وإذآ أثبت جدآرته بزيده أكثر ,,
كلمته وقلت له الوضع كذا كذا تبغآهآ بدون مآيفكر وآفق ,,
وحجزت له رحلة وجآء سوى مقآبلة شخصية وتيسرت له وتوظف وتعين هنآك ,,
قآبلته بعدهآ بفتره وحاله تغير ونفسيته حلوه بس كآن مشكلته أهله يخآف عليهم ويقلق ,,
قلت مو أخوك هنآك إن شآء الله بيحس بالمسؤولية ويقدر وضعك ,,
وإنت بس إثبت جدآرتك وإنقل لاتجلس هنآ ,,
مرت الشهور وإنقطع التوآصل بيننآ رآح الأرقآم من جوآلي ورحت له للفرع اللي كآن يدآوم فيه يقولون نقل لفرع ثآني بس مدري والله وين ,,
قلت حلو دآم نقل أكيد تيسرت أموره وأنا اذا رجعت للديرة بشوف وش صآر عليه ,,
وكعآدتهآ الحيآة تنسيك كل من حولك مرت سنتين وعليهآ على هالكلآم ,,
دق علي خويي في الدوآم قآل تكفى تعال لي هالكلآم قبل أمس ,,
قآل ضيعت ريموت سيآرتي مدري وينه ولآ أقدر أسوي فيهآ شي لأنه نظآم بصمة ,,
قلت له مسآفة الطريق وأنا عندك ورحت له وأركبه معآي قآل نروح لصنآعية النسيم ,,
لأنه قريبة ورحنآ وحصلنآ كم محل بس قآلو مآنقدر لآزم تجيبهآ ,,
المهم في تركي قآل في وآحد في شآرع النخيل سمعته حلوه وولد شغيل ,,
يقدر يبرمج لك السيآرة ويشغلهآ ويطلع لك ريموت جديد وهي بمكآنهآ ,,
قلنآ حلو وكم تقريبآ بيآخذ قآل من 1500 إلى 1800 ريآل ,,
وأعطآنآ رقمه ودق عليه خويي ووصف له محله ,,
ولمآ دخلت المحل وأحصل الصدمة !!
صديقي بشحمه ولحمه اللي غآب عني من سنتين ,,
حسيت إني بفلم هندي ههههههههههههههه ,,
سلمنآ عليه وكيف الحآل والأخبآر ,,
قآل وين سيآرتكم قلت عند الدوآم ومشينآ ورحنآ وخلص السيآرة وفتحهآ وشغلهآ وطلع لهآ ريموت وهي وآقفة بمكآنهآ ,,
هالكلآم كله بلآب توب وإنقليزي وبرمجة وهو يشتغل أنآ آطآلع فيه ومنصدم ,,
يالله يآ محمد كنت وين وصرت وين ,,
خلص من السيآرة وحلف مآيآخذ ريآل وبعد طلبآت وتكفى ورمي عقآل وآفق وأخذهآ بعد طلعت الروح ,,
ركب معآي وبرجع لمحله ,,
وفي الطريق سولف لي كيف تبهذل في دوآمه وكيف صبر وتحمل وكيف قدر يصير من عآمل لمشرف ,,
في البدآية كآنت أموره تمآم ولمآ بدأ يتعلم الشغل شوي شوي بدأو العمآلة الفلبينيين بمضآيقته ,,
مآيبون سعودي يجي مدير عليهم ,,
طفشوه وبهذلوه وخربو أشيآء عليه عمد عشآن تشوه سمعته ,,
قآل صبرت على أيآم سودآء ولكن تحملت عشآن شي وآحد بس ,,
قلت أهلك أكيد !
قآل لآ مو أهلي ,,
أهلي على رآسي من فوق ,,
بس في برنآمج لو تعلمته بدخل ذهب اللي هو برمجة السيآرآت ,,
قلت له طيب كيف قدرت وإنت كنت دآج في الإنقليزي ,,
قآل هنآ الحكآية ,,
يقول بدآت أتعلم على هالبرنآمج ليل نهآر وأدخل موآقع وع اليوتوب ,,
وأدخل قوقل المترجم وأترجم الكلآم وجلست على هالبرنآمج أكثر من 5 شهور حتى أتعلمه
ومآكملت سنة إلآ وأنآ حآفظ هالبرنآمج صم أكثر من اللي برمجه ,,
ويقول بدأت أشتغل أوفر تآيم وأكد على نفسي كد حتى جمعت لي مبلغ حلو ,,
وبعدهآ قدمت على قرض وحصلت عليه وهنآ بدأت أول خطوآتي ,,
فتحت لي محل وجبت لي عآمل وبدأت أشتغل ,,
يقول في البدآية تعبت نفسيآ لأن الدخل كآن مو مثل مآكنت حآسب حسآبه ,,
ومع الأيآم بدأ حبه حبه ,,
طبعآ قبل يترك عبداللطيف جميل عرضو عليه رآتب 15 ألف ورفض وأعطوه مميزآت ورفض ,,
والحين يقول قسم بالله أطلع في اليوم من 2000 إلى 3500 ريآل يوميآ ,,
وفتح له محل ثآني وعآش الولد وجآب أمه وأهله في الريآض وإنبسط ,,
وحفظت رقمه ومحله عشآن مآيضيع مره ثآنية ,,
فرحت من كل قلبي لهالشخص لأنه فعلآ تعب تعب تعب وعآش حيآة قآسية جدآ ,,
أتحدى شآب يقوم بدور الأب في هالزمن ويوقف وقفة أب مع أهله ,,
فقدآن الأب صعب ولآ في مخلوق يغطي مكآنه ,,
فرحت له لأنه صبر وقآوم كل الظروف وقهرهآ والحين لو أحد شآفه شكله زمآن والحين مستحيل أحد يميز بينهم ,,
,
خلآصة الكلآم :
* عندك حلم تبي توصل له لآ تيأس .
* عندك أمنية لآتوقف وتنتظرهآ .
* تبي تعيش أصبر أصبر أصبر .
* في هالحيآة لآزم تكون شخص بآرد جدآ في عملك مآينفع تكون عصبي وحسآس .. إلخ
* إبعد حيآتك الشخصية عن حيآتك العملية .
* فكر في نفسك ولآ تفكر في النآس .
* لآتشوف النآس وتقول أبي أكون مثلهم وأحسن لأن من رآقب النآس مآت هم .
* إبدآ بنفسك باللي بيدك باللي موجود معك .
* لآتقول بفشل وإنت مآ حآولت .
* في نهآية كل يوم وقبل تنآم فكر وش أنجزت لنفسك في هاليوم وش فرق عن أمس ؟
* خلك شخص متفآئل محسن الظن بالنآس طموح مبتسم .
,
كتبت هالموضوع على عجآله وبرجع له للتعديل :052:
