تجربتي مع Slimlipo+ Vaser في تركيا
السلام عليكم
،،
معاكم شخص من الامارات ،، بما اني قريت الفكره من منتداكم فحبيت اشارك معاكم تجربتي مع عملية (SlimLipo+ vaser
) الصراحه وايد كنت محتار ومتخوف من العمليه ووايد سويت بحث لين ماتخذت القرار لانه اول عمليه اسويها بحياتي خخخخ كنت اقول حرام ليش اسوي عمليه وانا بعمري ماسويت ،، المهم الاسبوع الي طاف قررت اسويها ،، فسويت بحث في النت لقيت دكتوره وايد يمدحونها في تركيا ،، حجزت لتركيا يوم السبت الي طاف خذيت يومين جوله سياحه لانه الاحد كل شي مبند عندهم ،، يوم الاثنين ييت المستشفى الساعه 12 الظهر وسولي فحص دم ،، والدكتوره فحصت عليه وخذت مني صور للاماكن المراد شفطها ،، انا كنت ناوي اسوي اليدين والافخاذ والبطن والخصد والصدر ،، لكن الدكتوره قالت مايحتاج ليدك وريولك حرام تسوي ،، وانا موش متين وايد طولي 178 ووزني 74 ،، المهم الساعه 5 العصر ودوني لغرفة العمليات والله من حطوني على السرير ماحسيت بشي الا يوم خلصت العمليه ماعرف متىً حطولي المخدر ،، العمليه استغرقت ساعتين تقريبا اول ماقمت عادي كان في الم في بطني نفس الواحد يوم يلعب تمارين بطن بس بشويه زياده يعني مايذبح الالم بسيط وشويه تنميل الصراحه متعبه اول 3 ايام شويه ماتقدرون تنامون الا ع ظهركم ،، اليوم خامس يوم و الحمدلله الالم خف بنسبة 60 بالميه واقدر امشي وكل شي ،، الفرق للحيه بعدني ماشفت جسمي لاني لابس مشد بس من الشكل الخارجي الحمدلله في فرق لازم استمر عليه شهر ونص وبعدين خلاص ،،البطن شكله اختفى لكن الصدر الله يستر
العمليه كلفتني 1364 دينار كويتي بس هم ياخذون باليورو
باليورو 3500 ..
هذا المبلغ شامل كل شي السكن والاكل والفحوصات وليله وحده في المستشفى من غير التذكره ،،
السفره كلها كلفتني مع العمليه تقريبا 1500 دينار والله بلاش مقارنه بدبي الحراميه قالولي ب 4000 دينار والي 6000 يتحسبونها الفلوس نغرفها من البحر خخخ..
طبعا العمليه مافيها جراحه ولاشي بس سولي اربع فتحات صغيره جدا 2 ملي ثنتين عند الصدر وثنتين تحت البطن وحده عند السر ويوم تخلص العمليه يسون غرزه وحده خياطه في كل فتحه ،، يعني كم يوم ويختفي الجرح ،، طبعا السليم ليبو للشفط تستخدم والفيزر للشد
المستشفى الصرااحه روووعه فايف ستاار
افضل مستشفى في اوروبا ،، وعندي بعض صور للغرفه لوول ،،
والدكتوره فنانه طلبت منها السيره الذاتيه مالها عشان اطمن شويه وطلعت 15 سنه خبره في هالمجال و8 سنوات في امريكا .. الي مستغرب منها هي دبدوبه شويه خخخخخ لازم تسوي شفط لعمرها ،،الحمدلله رجعت الامارات امس وبنتريا النتايج عقب شهر وبنخبركم بالتفاصيل باذن الله ،، وان شاءالله اكون وفقت في العمليه ،،ودعواتكم .. والي يبا يستفسر انا حاضر في اي وقت
نشوفكم على خير ..
