يا جماهير الرياض ما راح أطلب منكم تفللوا الملعب!

أول شي بسم الله الرحمن الرحيم أنا حطيت العنوان زي كذا على أساس أني أخلي أكبر عدد من الجماهير يدخلوا و يقرؤوا الموضوع و لكن أنا ما كذبت و فعلا أنا ما راح أطلب من جماهير الرياض أنهم يفللوا الملعب لأني متأكد بإذن الله أنهم راح يفللوه لأنهم متعطشين لحضور مباريات الاتحاد الآسيوية و لأنه هذه الفرصة ما تتكرر إلا كل عشرة أو 15 سنة البعض يتساءل طيب أيش الهدف من موضوعك؟!

أجاوب عليهم باختصار مباراة الشباب القادمة في الرياض يوم الثلاثاء القادم حتكون صعبة جدا و حيكون فيها شد و توتر بالنسبة للجماهير و بالتالي حيكون صعب عالجماهير أنهم يشجعوا ، حاب أقولهم أنت جاي من بيتك عشين تشجع فريقك ، تكفى اضغط على نفسك شوية و شجع الاتحاد لمدة 90 دقيقة و توقع أي سيناريو مو لو لا سمح الله اتسجل فينا هدف ولا هدفين تسكت لا نبغا تشجيع طوال 90 دقيقة مهما حصل مهما كانت الظروف.

نبغاكم يا شباب تحضروا للملعب باللون الأصفر و الأسود و بالشالات الاتحادية نبغى نخلي استاد الملك فهد جحيم بالنسبة للشبابيين نبغى نزلزل الملعب نبغى ثورة في المدرجات و دحين أسيبكم مع بعض المقاطع التحفيزية لجمهورنا الاتحادي في المباراة الأخيرة.


‏ ‏شاهد "فرحة واحتفال المدرج الاتحادي بالهدف الاول على الش…" على YouTube - فرحة واحتفال المدرج الاتحادي بالهدف الاول على الش…: http://youtu.be/vVyGSgww7Po
‏شاهد "نشيد الاتحاد أمام الشباب" على YouTube - نشيد الاتحاد أمام الشباب: http://youtu.be/AN_RZ11TSec.