رد على الشاعر جارح الكسر(تعرف إن الحُب للعاشق سقاما)
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/1.gif" border="solid,4,gray" type=2 line=1 align=center use=ex num="0,black"]
مرحبا واهلين يا نسل النشاما=ياعريب الساس يارمز الرجوله
عد ماللبحر موجاً وإلتطاما=وعد ما السباح يرغب في نزوله
وعد ماطير السعد في الجو حاما= وعد ما وبل المطر سالة سيوله
صحبة الطيب على صدري وساما=واشهد إن اصلك وفصلك من حموله
ربعك الهيلا رفيعين المقاما=طبعها تحرص على المجد وتطوله
عزوةً يشهد لها حد الحساما=في نحور اخصامها بانت فعوله
ذكرها بين العرب شرقاً وشاما=تحتمي الماقف لها جوله وصوله
وان بغيت الحل للعقل احتكاما=الهوى من يقربه يتعب ويوله
لو حكينا لك عنه ياما وياما=صار مثل الدهر تتعاقب فصوله
يحرم الولهان من حِلـّوَ المناما=وإن غفى جاه الحبيب ومر زوله
احتدمنا فيه عاماً بعد عاما=مير هذا العام نوخنا ذلوله
ماندور شرهة الناس الحشاما=ولا ندور نرضي النفس الزعوله
ما نقول إلا على الحب الرحاما= وانت لا جاهل ولا نفسك جهوله
تعرف إن الحب للعاشق سَقاما=هو سبايب علة العقل وذهوله
مير لغزك مختلف عن ذا تماما=دام حكم الشرع ماحرم حصوله
جِعلَ حُباً هكذا يبقى دواما=والدهر لو طال جعله مايزوله
هكذا العاشق فلا يمكن يلاما=لو سبح بحر الهوى عرضه وطوله
احتزم بالصبر يانعم الحزاما= كل شياً بالصبر تقدر تنوله
اشهد إن الصبر مابعده نداما=والفرج بعد الصَبُريأتي وصوله
واخر ابياتك بها مثل العساما=العسام اللي تفنن في مثوله
إن عرفته جعلها مسك الختاما=وإن جهلته يمكن إني جيت حوله[/poem]
