مصيرنا نلعب في الجوهره طال الزمن او قصر

من شهور واحنا كجمهور اتحادي في جده ننتظر اللعب في ملعب الجوهره وطال الانتظار وقالو انه بيفتتح ان شاءالله في نهائي كاس الملك وكان عشمنا كبير انه الفريق يتأهل للنهائي ولكن قدر الله ماشاء فعل

ورجعنا نحلم ثاني انه راح نلعب فيه في مباراة دور الستة عشر مع الشباب ولكن اعتذار شركة ارامكو اصابنا بخيبة امل بسبب ارضية الملعب السيئة ولعبنا في مكه على ملعب الشرائع وبصراحة ملعب الشرائع في الاسيوية فأل خير على الاتحاد وكل مبارياتنا فيه فوز

وعاد بينا الأمل ثاني انه حنلعب في الجوهره في مباراة دور الثمانية اذا قدر الله لنا بالوصول لهذا الدور ولكن الأخبار المؤسفة الي يتناقلها البعض انه الاتحاد في حال وصوله لهذا الدور راح يلعب بدون جمهور في الملعب وانا ماتخيل ملعب بهذا الحجم ويلعب فيه الاتحاد بدون جمهور وبصراحة العذر اقبح من ذنب فمو معقول علشان اثنين او ثلاثة متهورين اشعلوا قنابل دخان يحرم الفريق من جمهوره وان شاءالله نوصل الى دور الثمانية اولا وعندها راح يثبت النمور انه مافي شئ راح يوقف طموحهم
عالعموم الجوهره هذا مصييرنا نلعب فيه وانا مادري هل الملعب هذا عمل علشان تلعب فيه فرق جده او يلعب فيه فريق الواق واق