ساعدوني بعد التجميل سار في انفي ثقب

اهلين فيكم كلكم
سويت عمليت تجميل لانفي من حوالي ثمان شهور كان كل شي تمام وماعندي مشاكل لاكن من كملت ست شهور سار في انفي ثقب من الداخل
وماني عارفه ليش كذا سار لان خلال السته شهور كنت اراجع نفس دكتوري وكمان دكتور الانف والاذن والحنجره راجعته ثلاث مرات ودايم يفحص انفي من جوه وكان قايلي عمليتي ناجحه وممتازه لان كان عندي انحراف والحمدلله راح
الي ماتعرف وانا منهم ماكنت اعرف شي عن الثقب انه من مضاعفات العمليه ومكانه الغضروف الداخلي الفاصل بين فتحات الانف
دكتور التجميل قالي ممكن يتسكر من نفسه وماتحتاجي عمليه واذا ماتسكر بعد ماأكمل سنه بيرجع يسويلي عمليه يسكر الثقب
لاكن بعد مابحثت في النت ان الثقب خطير وممكن يكبر وهذا الي انا اشوفه في انفي الثقب قاعد يتوسع اكثر واكثر وممكن الانف يصغر وينكمش :eh_s(2)::eh_s(2)::eh_s(2):
والاغلب حتى لو انعمل عمليه ممكن يرجع الثقب مره ثانيه وبسبب الثقب عندي صفير مو طبيعي
وقت النوم قلبت عصفور استغفر الله
والي قريته مخالف للي خبرني فيه دكتور التجميل انه شي بسيط
يابنات الله يعافيكم الي سار لها نفس الشي وسوت عمليه وتسكر الثقب تخبرني
ابي اتطمن او اذا شي خطير اروح اراجع دكاتره لان دكتوري في منطقه ثانيه وشافني قبل شهرين كان الثقب لسى في بدايته وحجمه صغير
وايش الافضل لو اسوي عمليه للثقب يسويها دكتور التجميل او اروح لدكتور انف واذن وحنجره