تسمح اقلك مشاعر كنت كاتمها!
كنت اخجل اقولها ما ودي إقلاقك
مشاعرن فاضت وقلبي يترجمها
للهاجس اللي نثرها داخل اوراقك
مشاعر الشوق فاضت كان تفهمها
(مشتاق لك ) و(المشاعر دوم تشتاقك)
أهيم بك عشق بطيوفك وانا ارسمها
وش لون لامرني زولك وبراقك
والدمعة اللي على عيونك معالمها
اشعر بها قبل لا تنزل من احداقك
وفيض الغلا الي مع عروقي يوسّمها
ادري به انه يفيض بوسط خفاقك
والروح تدري وش اللي دوم يألمها
اني حقيقه ترى ما قدر على افراقك
