أكره شخصيتي و مليت منها إذا فيه حل قولوا لي

إلي بتساعدني تقرى كل موضوعي
الله يشهد علي إني ما حطيت هالموضوع ألا أبي حل لأني أنا نفسي مو طايقة نفسي أنا عصبية حييييييل و أعصب لأتفه سبب و صريحة لدرجة الوقاحة و كلامي يجرح صح ما أقول الا الحق و شي صحيح بس الناس بدت تنفر مني بسبب صراحتي إلي أعتبرها وقاحة و إذا عصبت الله لا يوريكم عادي أخلي كل مصالحي عشان عصبيتي يعني عادي اسحب على موعد عند الدكتور لأني عصبت بسبب الزحمة مثلا و غيره و غيره أخلي مصالحي و أقطع علاقتي و أجرح خلق الله بسبب إني معصبة لو أحد يعطيني مليون دينار و أنا بحالة عصبية يمكن أقوله خذها و فارج مابيك و يمكن أعطيه فوقها من عندي

و بنفس الوقت أنا مابي أزعل أحد من داخلي ماودي أجرح أحد لكن أجرحهم غصب عني دايم أجرح أخواني و خواتي صح أغلب شي يكون الحق معاي بس أنا أجرح و أحط كلامي على جروحهم بدون أي إعتبار لأحاسيسهم لكن بسرعة ارضى و أندم

بنات أبي حل أنا خايفة من عصبيتي توديني بداهية و خايفة أجرح العالم تخيلوا يوم كنت بالمتوسط تهاوشت مع بنت وطقيتها و أغمي عليها هي تعبانة أصلا و أنا ما كنت أدري إنها تعبانة و الحمد لله أنقذني ربي ما ماتت
قبل أسبوع تهاوشت مع أختي و أرتفع ضغطها
ترى أنا حساسة حيييييييييل بس مادري ليش لساني سليط ترى أنا أكره نفسي لأن فيني هالصفات و لإني أزعل لأتفه سبب أنا أحس نفسي ما أحد يقدر يعاشرني صح طيبة حيييييل و أتمنى الخير لكل الناس و ما أحسد و ما أحقد و ودي أساعد كل إنسان بحاجة مساعدة خاصة إلي بيني و بينهم صلة رحم
بس مادري شلون أنا عصبية من صغري حتى أعصب على أمي و أعصب من كل شي و إذا عصبت عادي أتهاوش مع نفسي و أقط كلامي و كل البيت يسمعني مثلا عصبت من شي معين و أنا أمشي بالبيت اتحلطم و اسب و احيانا صوتي يكون عالي و يسمعون كل البيت سبي و شتمي

قبل كنت إذا عصبت على أحد من أخواني اصارخ حييييييييييل خصوصا اذا اذوني اصارخ لو كل الدنيا تسمع صراخي مايهمني و الحين اخواني اشتغلوا و ماقاموا يحتكون فيني بس انا احس نفسي مثل الجبريت اي احتكاك اولع

خايفة ااذي الناس و فوق كل هذا حساسة مثل ما قلت لكم و اذا احد قط علي كلمة اقعد اعاتب اهم اللي يغلطون بس مافي انسان مايغلط و انا احاسب الناس على أي غلط تجاهي و أي كلمة قالوها

لأحد يقول لي روحي طبيب نفسي لأن هالشي نفسي و منى عيني بس أمي لو أموت ما ترضى أروح طبيب نفسي و من وراها ما اقدر أروح
ساعدوني شسوي أنا أعاني من نفسي أكثر من غيري و خايفة على مشاعر غيري مني أبي أصير إنسانة طبيعية شسوي ساعدوني الله يوفقكم وين ماتروحون