عمليتي عند الدكتور بورصادق بالتفصيل
السللآم عليكمم ...تجربتي مع الدكتور مهدي بورصادق بالتفصيل..
قبل أي شيء بقولكم ليش اخترت الدكتور..انا احب الخشم الطبيعي اللي مايبين انه تجميل
احب ينحت الخشم ويرسمه بشكل قريب للطبيعه ومناسب للوجه اهم شيء ..طبعا
عندي انحراف وبفتحة انفي اليسار مااتنفس زين مثل اليمين كلمت مترجم اخذت رقمه من
المنتدى هنا
قالي يبي يوديني لدكتور اسمه كاوياني طلع يشتغل معاه وقالي بورصادق من كثر الزحمه
اللي عنده يخلي المتدربين يسوو بعض العمليات انا مادري ليش مارتحت له ومستحيل اصدق كلامه خصوصا انه يشتغلل مع هالدكتور ..يعني اكيد يبيني اروح له عشان يستفيد!!
مع البحث وكذا عرفت ان هالكاوياني صار له يشتغل بالعمليات بس سنتين وعنده بالاسبوع
عمليه وحده بس تقريبا يعني ادا جابو له مرضى
وبورصادق اكثر من 15 سنه وباليوم 6 عمليات والعاقل يعرف وين يروح :D
رحلتي لمشهد كانت تاريخ 22 ابريل..موعد عمليتي 23 ابريل وصلنا الظهر انا وامي وابوي واخوي الصغير استقبلنا المترجم اسمه سيد عصام طبعا هالمترجم حق رحلات وجذي مايشتغل مع دكتور عشان كذا رحت معاه وهالمترجم قال بنته مسويه عند لطففي زاده من زمااااان ويتمنى لو يرجع الزمان ويوديها لبورصادق..سالناه عمليتها ناجحه وتتنفسس عدل قال ايه ناجحه...ودانا الفندق وقال بيمر 4 العصر يودينا العياده للدكتور ع اساس بنشوفه بنتكلم معاه وبسوي التحاليل..رحنا وكان زحمه والدكتور مو موجود قال المترجم عندكم مشكله لو تسوو التحاليل وتشووفو الدكتوريوم العمليه قلنا اوكي...
نزلنا تحت مكان التحليل سحبو مني دم وشيء غريب ثاني الممرضه اخذت حاجه غريبه ومادري وش سوت في اذوني بس ماحسيت بآلم :eh_s(10):
المهمم شسمه وجا الصباح رحت المسستشفى اسمه المعصومه اتوقع شيء جذي خلوني اوقع وابوي وقع ع الاوراق وماخلونا ندفع للحين حاجه طلعت اللي بالاستقبال كيس وعطتني وياه وركبوني لغرفتي
فوق لبست كان ففيه ملابس عمليه واشياء..رحت جلست انا وامي برا شفنا وحده خشمها نفس مايكل جاكسوون بالضبط ووياها وحده..:eh_s(2): امي خافت قالت لايكون بورصادق مسوي لها العمليه خليني اسالها سالتها امي من مسوي لها العمليه قالت دكتور اسمه ميماني سوا لها العمليه مرتين وخرب خشمها تقول دكتور سيء جدا المهم شوي جات اختها احنا فكرناها بتعدل خشمها طلعت اختها بتسوي العمليه ..كان في قبلي ثنتين بيسوو العمليه وانا الثالثه نزلنا للدكتور تحت قريب لغرفة العمليات وتكلمنا معاه ومعانا المترجم وامي اكدت عليه مليون مره مايسوي خشمي مرفوع
قام يضحك ووجهه يطمممن صرااحه وقالت له امي اني مااتنفس عدل قالي ارفع راسي وشاف خشمي واشر ع جهة اليسار بدون مااقوله ..ركبنا فوق عمليتي بعد ساعتين سالوني اسئلة وووالخ
بعدين جا وقت العمليه نزلوني تحت امي وابوي جاو يدخلومعانا قالت لهم ممنوع
دخلوني غرففة قالو لي اجلسي دقيقتين وجا واحد قالي ادخل معاه قالي انا دكتور البنج دخلت
غرفة العمليات شفت دكتور بورصادق واقفت جنب سرير العمليات ويبتسم :p وانا خايفه حدي
قلت سسلام رد علي الدكتور وقالي كيف الحال (ماكان فيه متدربين ولا شيء كل الموجودين يمكن 3 اشخاص والدكتور 4 )ممرضه ودكتور البنج وواحد وقالو لي يلا انسدح بالسرير وانا خايففه وواقفه مااتحرك ههههههههه قالو لي يلا قلت للدكتور انا خايفه قالي لااخاف ماافي الم ومافيه ولا حاجه
:p:p جلست بالسرير حطو لي ابرة مغذي اوشيء بيدي ماطالعت اخاف قالي الدكتور وش ادرسس بالانجليزي قلت له بزنس كلهم قالووو وااااو وقامو يبتسمو بعدين جابو لي شيء اتنفسه ونمت بسابع نوومه جلست ع صوت ممرضه تنادي باسمي ماكان فيه الم ابدا بس اول ماجلست اشوف زي الضباب خفيف مااشوف زين وحلقي فيه الم خفيف لما ابلع ريقي كان هالشيء ينرفزني
مادري كم دقيقه وودوني لغرفتي قلت لابوي يطلع لان مابي اخوي الصغير يكون موجود:eh_s(4):
امي كانت معاي طبعا من اول ماطلعت من العمليه وخشمي اتنفس منه الدكتور ماحط لي فتايل
امي تقولي الدكتور كان لابس بدلته وماسك شنطته بيطلع من المستشفى وجا مر عليها وقالها بيوتفل نويز المهم مرت الايام انا كنت اطلع بالجبس ولا اجيب خبرلاحد اهم شيء وناستي
:rerrerek:جا اليوم اللي بيشيل فيه الجبس يوم الاربعاء رحت العياده وزحمه مو طبيعيه اللي خشومهم مجبسه واللي جايين للدكتور وفي منقبات بعد فيهم جبس
شالت الممرضه الغرز وطلع الدكتور بيشيل الجبس ماشاء الله عليه من كثر ماهو واثق بشغله
يشيل الجبس بسرير محطوط والمراجعين والناس قاعدين بنفس الغرفه طبعا مااقصد صالة الانتظارلا مكان ثاني طبعا ..المهم شال الجبس وعطوني المرايا ماشاء الله شغله مو طبيعي فنااان شفت وماعرففت وش اقول وماطالعت واجد مادري ليش كنت ابغاه يحط اللصقات واقوم:p وحط لي اللصقات وامي مستانسه حدها وتقول للدكتور تشكرات ومدري شنو ..اختي ماجات معانا ايران تسستنى يشيلو الجبس وتقول مااحب اخاطر وريتها النتيجه حجزت لمشهد ثاني يوم وسوت العمليه :krkrkr:
جلست بايران 15 يوم اخر يومين قلت خليني اسوي شيء ثاني قبل لااروح رحت مركزللبشره وهالامور قلت بسوي تاتو شفايف استقبلتنا مترجمه عراقيه وتقنعنا نسوي بدون مانشوف الصور بكلامها المعسول (بس انا اعرف لهالنوع وفاهمتهم مو غبيه ) اصريت ع الصور
شوي اشووف وحده قاعده ومحددين شفايفها ومخيف الشكل سالت المترجمه هذا التاتو .؟
قاالت لي لا هههه وين هذا قللم ..انا شكيت استنيت المترجمه تروح
ونطيت للايرانيه قالت لي انه تاتو بس مو مسويتنه بالمركز هذا بمكان ثاني
طلعنا من المركز وهربناا حسبي الله ع هالاشكال .. يخربو وجوه العالم عشان بس الفللوس
وصحيح شيء اخير وانا قاعده بالمركز فيه 3 ومعاهم وحده مسسويه خشمها لابسه كمام
جات تسالني وين سويتي خشمج قلت لها بورصادق قالت اكيد رحتي له من الشهره
قلت لها وين حبيبتي أي شهره واي خرابيط بالنت ماله الا يمكن 3 تجارب
سكتت ماعرفت ترد سالتني بكم قلت 4000 دولار وصدفه المركز اللي رحت له موجود فيه دكتور كاوياني وهم مسويين عنده العمليه ب 2000 دولار المهم شوي راحو والبنت رفعت الكمام شفت
بالارنبه فيه غرز استغربت مادري مو مستوعبه للحين واقول شكلي ماشفت عدل الله اعلم..
وهالكاوياني فيه عراقيه سوت عنده لان رخيص وماتقدر تدفع لدكتور ثاني اغلى بعدين صارت
عندها مشكله بالتنفس انا مااقطع رزق الدكتور بس اقول عشان حرام وحده تروح
وماتدري عنه خلال تواجدي بايران رحت صيدليه سالوني وين مسويه العمليه قلت بورصادق
قالت لي اخترتي افضل دكتور والرجال اللي بالصيدليه يقولي شهر واحد وبتصيري من رياحين الجنه :krkrkr::D
المهم أي سؤال انا موجوده:eh_s(7):
