@@للعيد فقلوب المخاليق فرحه @@والصوم ودعنا مع اهلال شوال
بسم الله الرحمن الرحيم
احبتي واحبابي كل عااام وانتم بخير وعيدكم مبااارك جميع
ابيات ولااول مره ابين سر من اسراااري او بالاصح خصوصياتي الخاصه
ولاكن طمع مني في دعاااكم ويقينً مني في استجابت رب العزه والجلال
لدعواتكم بعد ان من الله علينا بصوم رمضان واسعدنا بفرحه العيد
فلا تحرمونني دعواتكم تكفون ثم تكفون والله يكن فلعون
الله الله
[poem=font="Arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للعيد فقلوب المخاليق فرحه = وانا الفرح عني ملايين الاميال
مالاحلي ليله ولا بزوغ صبحه = والصوم ودعنا مع اهلال شوال
كبدي تقول انها مصابه بقرحه = وانا اتظاهر كنني عالي العال
والهم يذبحني ولاحتلت ذبحه = والدمع يفظحني على الخد لاسال
اسرح مع الهاجوس مليون سرحه = كن الشقى خالي وانا له ولد خال
والوضع مايحتاج تطويل شرحه = وضعي على حطت يديكم ولازال
ادعو لخوكم عله يطيب جرحه = ياسامعين القول تكفون فلحال
عسى الدعاء يصدف من الله نفحه = الصبر كمل ونتضاري بعد طال
متأمل ان يفتحلي الله صفحه = اعقد على الله ثم دعاكم الامال
ابي (ولد واحد )وعلى نصحه = وتلقينه لسلم المراجل والابطال
يملى علي البيت فرحه ومرحه = وعلمه حتى يكن خير رجال
واللي رزقني بم شيله وطرحه = يرزقني اللي يلبس البشت وعقال
دنيا بدون عيال شينه وكفحه = واحلى مفدنيا البنونُ مع المال [/poem]
وسلامتكم جميع
وتكفووون تكفوووون لاتحرموني من دعااااكم
