اسباب رحيل بريرا .. وجهة نظر خاصه

في البدايه كلنا نعرف إن الاداره عطت بريرا كل الصلاحيات في النادي من الفئات السنيه الى الفريق الاول ..
بصراحه أنا مع مبدأ الثواب إن احسنت والعقاب إن اخطأت .. طيب نشوف اخطاء بريرا اللي أخطأ فيها .
1. تفريغ خانة الهجوم المحليين اثناء معسكر أبها ووقعنا بنفس غلط نهاية الموسم اللي راح وصار الفريق بدون هجوم بداية الموسم ..
2. جلبه للاعبين الاجانب وفشلهم .. لأن الاداره جلبتهم بتوصية من بريرا واستغنائه عن اللعيبه الاجانب السابقين اللي كانو عمود الفريق ..
3. أيضا سوء اختيار مراكز الاجانب اللي تم جلبهم لأن الاهلي اكبر مشكله له هو مركز المحور مو الجناح لأن أجنحة الاهلي تيسير وبصاص هم أساسين بالمنتخب وحتى مع عودة الفهمي الاهلي مو بحاجة جناح بقدر حاجته للساتر الدفاعي الاجنبي المناسب ..
4. بريرا يدعي تطبيق الاحترافيه وبهذا السبب إستغنى عن سيموس ويونس وبرونو .. طيب طالما انك تدعي الاحترافيه ليش ما اشترطت على ادارة الاهلي من بداية التعاقد معك تنفيذهم لكل طلباتك وعدم تدخلهم بعملك وحتى يوم جيت للسعوديه وشفت خلل بالنظام الاحترافي ليه ما تكلمت من البدايه مو تجي آخر الموسم وتقول ما عندي الا5 لاعبين فقط ومن هذا الكلام ..
5. بريرا مدرب لا يتحمل المسؤليه وارجعوا لكل المباريات اللي خسرها الاهلي وخاصتن المباريات الكبيره وشوفو تصريحاته مره يقولك الحكم ومره يقولك الهجوم .. مع ان بداية الموسم كلنا شفنا خطة كشف التسلل اللي كان مطبقها وكيف كان الاهلي ينضرب فيها حتى من الفرق الصغيره ..


وعموما هذه الاسباب اللي ذكرتها هي وجهة نظر شخصيه وما ندري الى الان هل بريرا باقي ولا راحل ..
وأنا بالنقاط اللي ذكرتها بموضوعي ماني حاط بريرا شماعه لفشل الاهلي الموسم هذا لان خروج الاهلي من البطولات تتحمله الاداراه واللاعبين والمدرب وحتى الجماهير .. بس بنسب متفاوته ..