خذ العلم يانصراوي..

السلام عليكم


شفنا فرحة النصراويين الكبيره المبالغ فيها بعد توقيع رئيسهم مع الغامدي ، ومع الفريدي


طيب سؤال يمكن احرج فيه النصراويين واخرب عليهم فرحتهم !

هل تعقدون ان الهلال يعجز انه يجب لاعب يحتاجه؟؟؟


طيب خلونا نحسبها

هل الاعبين اللي جدد معهم الهلال امثال
الفرج
سالم الدوسري
الزوري
الشهراني
القرني
العابد
عزوز
وبعد ايام
توقيع مع الشلهوب والقحطاني ..
والتوقيع مع الشمراني الزلزال
ومع كريري اللي بدا يتاقلم مع الفريق ويدهشنا بمستواه
ومع ثلاثه اجانب يتعب النصر وغيره يحصلون عليهم
كواك/ نيفيز/ ديجاو

...
يعني الهلال ماترك الفريدي للاتحاد الا بمزاجه لانه لاعب لايستاهل حتى مية الف ريال تدفع فيه
ومن الاتحاد لنصر
وهذي نهاية كل لاعب يطلع من الهلال
واكبر مثال
خميس العويران / الدوخي/الجمعان
نهايه ماساؤيه وحزينه
ومع هذا هولاء الاعبين
مازالو يتغزلون في الهلال ويعتبرون انفسهم ( هلاليين)

في كل لقائتهم
والغشيان الله يشفيه كلامه لايعنيه لو كان بصحته وبعقله
والله ينتقم من اللي دمره ' وتعرفون وش اقصد ومن اقصد ...


بنسبه لهوساوي الاهلي
ضيع على الهلال بطولات وخسرنا مباريات حاسمه
ولله الحمد كانت خيره للهلال انه راح للاهلي
وسمعت محلل رياضي يقول :
استغرب كيف كان الهلال صابر على هذا الاعب !


يعني يا هلاليين كل مايحصل هو خيره لكم
لان الله خلصنا من اسوا الاعبين

بنسبه للمولد اسامه
وينه الحين!؟
اصابات الله يشفيه زيادة وزن غريب

ماقلت لكم ياهلاليين
كل مايحصل للهلال خيره!!!

اللهم لك الحمد على تدبيره




اما بنسبه لخالد الغامدي كان بيجبه عضو شرف هلالي كاهديه منه للهلال وانا من الناس اللي انصدم بالخبر ودعيت الله انه مايجي للهلال ولله الحمد ماجاء
لانه نقطة ضعف اي فريق واعتقد اكبر دليل نص الاهداف اللي تدخل مرمى النصر عن طريقه وبشهادة النصراويين انفسهم!
يعني على ايش الفرحه على المقلب !

بنسبه للجبرين لا يستحق ان نعطيه اكبر من حجمه واكتفي بان البلطان قال عنه ( مافيه خير) وتم طرده من الشباب

واستغرب ليش ادارة الهلال فاوضة هذا الاعب
اقسم بالله كان مرفوض من اغلب جمهور الهلال
واعتقد انه بيمسك الدكه سنين طويله لو جاء الهلال
لكن ان شاءالله مايجي..

عموما

اختصار للموضوع

خـذ العلم يانصراوي وافهمه زين ...

لاعب مايبيه الهلال

حلال على من ياخذه

لاعب يحتاجه الهلال تبطون تبطون تاخذونه
وكلام عليه الف دليل ماهو كلام فاضي
وافضل الاعبين في الهلال الان
واللي يزود عن الحاجه ومايحتاجه الهلال
بنسبه لكم نجم خذوه وافرحو فيه ..



( نشرب صافي البن ولكم الحثاله)