انعدام الاحساس والروح

في مواضيع سابقة لي ذكرت ان لاعبين الاهلي وادارة الاهلي مو رجال ولا فيهم روح
وذكرت ان لو اخد نص روح لاعبين الاتحاد نفوووز بكاس آسيا ويمكن نلعب نهائي العالم
الاهلي لاعبين فنييين كويسين لاكن بدون روح والاتحاد لاعبين فنييين مو قد كدا لاكن
الروووح تفرق معاهم ونا اتحدا لو كان الاتحاد مكان الاهلي ماينهزم كدا ومتاكد انو كان
بيفوووز والسبب فرق الرووح وتقدير الشعار والجماهير هاذا الفرق بين الاهلي والاتحاد
اذا انت الشباب يجي يهزمك في نهائي الدوري اللي قعدت تنتظروو من 33 سنة
ونقول عوافي نمشيها يرجع ويهزمك في ملعبك وجديد وكاس انت متخصص فيه
وحضور اكثر من 50 الف اهلاوي لا معليش كدا لاعبييين الاهلي مافيهم روووح أبداً
ولاتقدير ولا احترام للشعار ونا عارف من اول انهم كدا نادي الاهلي مافيه رجال
لو مة الشعار وحبي للكيان ماشجعت الاعبين اللي مايستحوو على دمهم دول

من يتهم بيريرا ترا ماقال للمعيوف اعطي الكورة للمهاجم وماقال للمطيري سبب بلنتي دايما
لاعبييين الاهلي يجيبوو العيد وتنحط في راس بيريرا بيريرا بنفسوو كان معصب وهزء الاعبين في غرفه
تيديل الملابس

الاعبين تاخر وصولهم ودخلو الملعب تصخين 10 دقايق بس بالله في فريق يجي الوقت دا
لو دوري ركاء مايجوو كدا لا وكمان نهائي وملعب جديد صفقه للادارة برئاسة فهد بن خالد
فريق مهزوز من بداية اللقاء واضح الارتباك

لاتضحك على نفسك الاهلي في الحاله دي لن يقدر على تحقيق سوا بطولات
نفس قصير ويمكن كمان مايقدر الاعبين دول لازم يتعلموو ويتربوو على الغيره ع الشعار والروح
وحب الفووز مو الهزيمة

اخيرررررا اللي خلاني احزن وانقهر ولا انا عارف انو الاهلي بينهزم من قبلها بيوم لاكن رحت الملعب
كلوو عشان الكيان لاكن الجمهووور اللي 3 ايام يتهجووول ودخل الملعب بالمضاربة ورقم خورافي في الحضور
هاذا مايزعل هاذا اللي قهرني بس ومبروووك للشباب فاز وكان طريقووو صعب ويستاهل البطولة استفاد من اخطائك