عودة من بعد غياب طويل .. موضوع منوع عن سامي والهلال والاجانب ووو الخ
السلام عليكم ورحمه الله وبركاته
اخباركم مع موسم " الدفع الرباعي" ؟
هذا الموسم انكشفت الكثير من الاقنعة واعلنت الحرب (علناً) على الزعيم .. ولكن هذا غير مستغرب
الغريب ان بعض الاصحاب اصبحو اعداء والسبب "الغيرة" !!
الجميل هذا الموسم رغم العثرات التي وضعت امام سامي للنيل منه وتسببت في فقدان الدوري والكاس "اذا كان عدوك القاضي فمن تقاضي " !
الجميل هذا الموسم وقفة الجماهير رغم العثرات !
خسارة من الشباب بعدها يمتلئ الملعب ب50 الف ملكي !
بتيفو مميز وصلت اصداءه للصحف الاوروبيه !
الان حديثي راح يكون عن الموسم القادم ولو انه بدري شوي !
اتمنى اعداد العناصر للموسم القادم على ان الهلال راح يواجه انديه قويه !
مثلا النصر مع التحكيم نادي قوي جدا !
نادي الاتحاد بشبابه حاليا قد يكون اقوى وكلنا رأينا تدرج المستويات وكل موسم يكتسبون خبره برباعي اجنبي قوي قد يصبح نادي قوي جدا خصوصا ان الاتحاد امام الهلال (غير) ! وجميع الانديه كذلك
نادي الاهلي الان يقدم مستويات جيده وينقصه ظهير ايمن فقط بمدرب خبير ومميز جدا اعتقد انه راح تكون له كلمه الموسم القادم !
نادي الشباب نادي مميز وقاعدته مميزه جدا الفئات السنيه عنده مميزه ونادي يمتلك لاعبين مميزين واجنبي عن الف اجنبي (رافينها) الموسم القادم راح تكون لهم بصمه واتوقع مع اجانب 2 راح تكون لهم بطوله الا اذا كان للهلال كلمه !
بخصوص اسيا امامنا انديه ماتعرف الرحمه منها جوانزو وجيونبك الكوري انديه قوية بمحترفين مميزين
بخصوص نادي الهلال
نادي الهلال عنده فريق اولمبي عن الف فريق واعتقد الهلال مايحتاج نهائيا لعناصر محليه خصوصا ان الدعيع مميز في مركز المحور الدفاعي
ينقصنا مع ديجاو وكواك ونيفيز لاعب مهاجم قناص برفقة ناصر الشمراني او ظهير ايمن ينتقل ياسر للظهير الايسر مع تصعيد كل من
الواكد-الحافظ-العمار-الكعبي-القحطاني-شراحيلي-عطيف
اعتقد مانحتاج لاعبين محليين وهذولي عندنا لهم مستقبل قوي خصوصا الواكد مع عودة شراحيلي وبإذن الله استمرار السديري بتميزه الحالي مع اعارة السبيعي وشيعان (شيعان في حال عودة شراحيلي)
اما بخصوص الاجنبي اذا كان مهاجم
اتمنى جلب نيلمار (اسيا تبي من يرخي لها الريال)
نيلمار لاعب قناص مميز خرافي اقل ما يقال عنه انه يُقارن بجيان الي مافي امل يجي !
وبخصوص تقييمي لموسم (سامي الجابر) فاعطيه 8/10
واتمنى بقاء سامي لأن بدايته شبه ناجحه لولا الحرب التي شُنت عليه من قبل الاتحاد السعودي على راسهم اسير الشوك !
بالنهايه اتمنى اني ما اطلت عليكم وهذا اعتبروه موضوع للنقاش ولو انه بدري شوي ولاوصيكم ترا الملوك يحتاجوكم في المباراتين الحاسمه القادمه 50 الف مايكفي نبي 70 الف ملكي
والسلام عليكم ورحمه الله وبركاته s13s
