ابي رايكم الله يجزاااااكم خيير
اغنام - ابل - دواجن - طيور
السلام عليكم ورحمة الله وبركاته
ابي اخذ رايكم واستشيركم في موضوع وان شاء الله انكم ماتقصروون
انا بديت تربيتي للغنم بالمواعز الشامية من اربع او خمس سنين ولله الحمد ولكن بدييت امييل للنعيم
الان عندي حوالي 70 رأس ماعز وشريت لي دواغير السنه هذي بنية ان الرخال اربيها عندي والخرفان ابيعها ضحايا ان شاء الله
والان باخذلي قرض بحدود 60 الف
قلت ابي نص المبلغ امن فيه علف سنه
والنص الثاني قلت بشتري فيه معز ازيده على اللي عندي خاصة انه صار عندي خبرة لا بأس فيها بالنسبة للمعز
وبعدين من عيالهن لابعتهن جزء مصاريف للغنم وجزء اشتري فية دواغير نعيم واهتم فيهن لين يصير منهن راس مال
ولكن فيه من نصحني باني اشتري غنم نعيم افضل من المعز وحجتة انه الشاة تلد خرووف واحد وتبيعه غالبا من الالف وطالع
في مقابل ان العنز بتجيب تيسين وبياكلن علف اكثر من الخرووف وبالاخر تبيع الاثنين بقيمة خرووف واحد وانا محتار
معز ممكن يجيب لي المبلغ حوالي 25 عنز تزيد او تنقص لكن غنم نعيم اكيد العدد بيكون اقل
ف وش رايكم اشتري .....
غنم نعيم؟؟؟
او معز ومن قيمة بيع عيال المعز اشتري دواغير او جذعات في كل سنة لين يصير عندي راس مال ؟؟؟؟
وايش الافضل من حيث الربحية والانتاج وقلة الامراض وكمية العلف
hfd vhd;l hggi d[.hhhhh;l oddv
