!! .. ماشكيت الوقت .. !!

للتواصل

.
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

الفجوج وساع والمسلم على الله اعتماده = لاتقول الحظ متردي وتاخذها ذريعه
لاتخاوي قلّة الحيله وتامن للرباده = السريعه لوصلت ليدينك تروّح سريعه
الضعيف يموت مايبلغ على الدنيا مراده = بين أحلامه وبينه هجر وفراق وقطيعه
والكسل ومدوّر الهيّن وكبّار الوساده=والبرود والاتكاليه والاستسلام ضيعه
شاطر اللي يقهر ظروفه بجدّه واجتهاده = نظرته فوق وعلى فوق المقامات الرفيعه
الصبر جيشه وقوة باسه وعقله عتاده= وجند فقدان الأمل والياس من عزمه صريعه
أحمد اللي ماأوطّي راسي الاّ له عباده=أسجد لوجهه واكبّر لا تأملّت الطبيعه
لا اله الاّ العزيز الحي أشهدها شهاده = في يدينه ملكوت الكون وأنحاه الوسيعه
أمتلك لمواجه أهوال الزمن قوّه واراده = وأتحمّل لو محمّل فوق ما لا أستطيعه
كل حملٍ مايسمّى حمل ومتوني شداده = دام نفسي كل ما ازهمها تلبّي لي مطيعه
والنّبا أبيض والفضل لله ماشابه سواده = وفي علوم الطيب ل أسما قوم واسمي في الطليعه
وصدري جوّ بطوله وعرضه وأرضه وامتداده = ودون مايزعلْه سور وسد وحصونٍ منيعه
مااستشير الاّ حدٍ ماقد شكا كبوة جواده= ولا أرد الشور للمصدوع ولاّ للصديعه
ماشكيت الوقت وظروفه وقسوته وعناده=لو كبر حجم المصاب وزاد من هول الفجيعه
عادتي في الحق لارحمه ولا عندي هواده = والوضيع اللي يجنّب عن حقوقه والوضيعه
وف الحميّا عقّب الراكد وحلْمه والركاده=وعقّب اللي ماتجي فعلتْه في خصمه شنيعه
ماني ب مطفوق وسنافي ولا حبّ القراده = بس عمري أرخصه من دون غرّامي وأبيعه
مااحب النّم في المقفي ولا الحكْي الزيّاده=ولا تعامل بالحيل والغش ولاّ بالخديعه
ولا أخاوي غير طيرٍ يعجب عيوني هداده=صلف ومردّد .. ومهما صار سرّي مايذيعه
والحرام سلاحه الفتّاك ماالعب في زناده=وأتجنّب مايعارض دين وسلوم وشريعه
والفروض الخمس .. زرع أجني بعد موتي حصاده=وماانزل الله في كتابه راحة القلب وربيعه
والتواصل ساس لجسور المحبه والسعاده=والوصل داخل سويدا القلب من ربّي وديعه
والفجوج وساع والمسلم على الله اعتماده=لايقول الحظ متردّي وياخذها ذريعه
لايخاوي قلّة الحيله ويامن للرياده=السريعه لوصلت ليدينه تروّح سريعه[/poem]

.

وسلامتكم

أخوي فهد بن عبدان

صح لسانك وبيض الله وجهك

رايعه ووافيه من راس وافي

كان لي شرف المصافحة الاولى

لك فائق احترامي وتقديري

فهد بن عبدان





صح لسانك حتى ترضى



جزله من راس جزل


سلامي عليكم

فهد بن عبدان

مااستشيـر الاّ حـدٍ ماقـد شكـا كبـوة جـواده
ولا أرد الـشـور للمـصـدوع ولاّ للصديـعـه
ماشكيت الوقـت وظروفـه وقسوتـه وعنـاده
لو كبر حجم المصاب وزاد مـن هـول الفجيعـه
عادتي في الحـق لارحمـه ولا عنـدي هـواده
والوضيع اللي يجنّب عـن حقوقـه والوضيعـه



قصيدة أكثر من رائعة



سلم بيانكـ..وسلمت

كل الشكر والتقدير

لاتخـاوي قلّـة الحيـلـه وتـامـن للـربـاده
السريعـه لوصلـت ليدينـك تـروّح سريـعـه
الضعيف يمـوت مايبلـغ علـى الدنيـا مـراده
بيـن أحلامـه وبينـه هجـر وفـراق وقطيعـه
والكسـل ومـدوّر الهيّـن وكـبّـار الـوسـاده
والبـرود والاتكاليـه والاستـسـلام ضيـعـه



صح لسانك

قصيده تستحق التصفيق

لاهنت

[align=center]
فهد بن عبدان
ـــــــــــــــــــــــــ ــــــ
الله الله عليك يا فهد

بيّض الله وجهك

رااائع ما قدّمت

لاهنت
ـــــــــــــــــــــــــ ــــــ
أخوكـ/خالد
[/align]

فهد بن عبدان

هلا بك وغلا


أمتلـك لمواجـه أهـوال الزمـن قــوّه واراده
وأتحمّـل لـو محمّـل فـوق مـا لا أستطيعـه
كـل حمـلٍ مايسمّـى حمـل ومتونـي شـداده
دام نفسي كل مـا ازهمهـا تلبّـي لـي مطيعـه

ادام الله علينا وعليك فضله وزادك من كل خير خير


كفو والله والنعم فيك ....

قصيده قمه في الجزاله وقوة المعنى وفي مقومات القصيده الراقيه من كل النواحي ...

لست هنا للاطراء فانت في غنى

وانما انا هنا للاستمتاع فقط

صح لسانك وطال عمرك

تقبل مروري

,
,
,
الشاعر الجزل / فهد عبدان


والفروض الخمس .. زرع أجني بعد موتي حصاده
وماانزل الله في كتابـه راحـة القلـب وربيعـه
والتواصل سـاس لجسـور المحبـه والسعـاده
والوصل داخل سويدا القلـب مـن ربّـي وديعـه
والفجوج وسـاع والمسلـم علـى الله اعتمـاده
لايقـول الحـظ متـردّي وياخـذهـا ذريـعـه


ماشاء الله ...
يحضر فهد عبدان فيحضر الشعر الأصيل
لله درّك على هذه الفاتنة بمضمونها وبصياغتها الرائعة
بحق أنت وقود الشعر صح لسانك ونبضك

ولك تقديري